ಪ್ರಮುಖ ಮುಖ್ಯಾಂಶಗಳು

• ರೈತರೊಂದಿಗೆ ತಕರಾರು
• ಅಸಭ್ಯ, ಅಶ್ಲೀಲ ಭಾಷೆಗಳ ಬಳಕೆಯ ಆರೋಪ
• ಶಾಸಕರಲ್ಲಿ ದೂರು

ಇಂಡಿ ಉಪ ನೋಂದಣಾಧಿಕಾರಿಗಳು ಸಾರ್ವಜನಿಕರೊಂದಿಗೆ ಅಸಭ್ಯ ವರ್ತನೆ ಮಾಡುತ್ತಿದ್ದಾರೆ ಎಂದು ಸಾಕಷ್ಟು ಜನರಿಂದ ಆರೋಪಗಳು ಕೇಳಿಬಂದಿದೆ. ಅಲ್ಲಿ ನನ್ನ ಕ್ಷೇತ್ರದ ಜನರೇ ಹೆಚ್ಚಿಗೆ ಬರುತ್ತಾರೆ. ಅವರು ತಮ್ಮ ವರ್ತನೆ ಬದಲಿಸಿಕೊಳ್ಳಬೇಕು. ಇಲ್ಲವಾದರೆ ಅವರ ಮೇಲೆ ಸೂಕ್ತ ಕ್ರಮ ಕೈಗೊಳ್ಳಲು ಸೂಚಿಸಬೇಕಾಗುತ್ತದೆ.

ವಿಠ್ಠಲ ಕಟಕಧೋಂಡ, ಶಾಸಕರು, ನಾಗಠಾಣ ಮತಕ್ಷೇತ್ರ.

ಉಪ ನೋಂದಣಾಧಿಕಾರಿ ಅಂಜಲಿ ಸಿ. ಸಾರ್ವಜನಿಕರಿಗೆ ಸರಿಯಾಗಿ ಸ್ಪಂದಿಸುತ್ತಿಲ್ಲ. ಅಸಭ್ಯವಾಗಿ ವರ್ತಿಸುತ್ತಿದ್ದಾರೆ. ಅಲ್ಲದೆ ಏಜೆಂಟರ ಮೂಲಕ ಕಾರ್ಯ ಮಾಡುತ್ತಿದ್ದಾರೆ ಎಂಬ ಆರೋಪವಿದೆ. ಅವರನ್ನು ಕೂಡಲೆ ಸರ್ಕಾರ ಅಮಾನತು ಮಾಡಬೇಕು.

ಎಸ್.ಬಿ. ಕೆಂಬೋಗಿ, ಜಿಲ್ಲಾಧ್ಯಕ್ಷರು ರೈತ ಸಂಘ ಹಾಗೂ ಹಸಿರು ಸೇನೆ (ಕೋಡಿಹಳ್ಳಿ ಚಂದ್ರಶೇಖರ ಬಣ).

ಉಪ ನೋಂದಣಿ ಕಚೇರಿಯಲ್ಲಿ ಏಜೆಂಟರ ಹಾವಳಿ

ಉಪ ನೋಂದಣಿ ಕಚೇರಿಯಲ್ಲಿ ಯಾವುದೇ ಕೆಲಸ ಆಗಬೇಕಾದರೂ ಏಜೆಂಟರ ನೆರವು ಬೇಕೇಬೇಕು ಎಂಬಂತಾಗಿದೆ. ನೇರವಾಗಿ ಹೋದರೆ ಇಲ್ಲದ ಸಬೂಬು ಹೇಳಿ ಕಳಿಸುತ್ತಾರೆ ಎಂಬುದು ನಾಗರಿಕರ ಆರೋಪವಾಗಿದೆ. ಏಜೆಂಟರ ಮೂಲಕ ಹೋದರೆ ನೀರಾವರಿ ಜಮೀನು ಇದ್ದರೂ ಅದಕ್ಕೆ ಒಣ ಬೇಸಾಯದ ವ್ಯಾಲ್ಯೂವೇಶನ್ ಮೂಲಕ ಖರೀದಿ ಹಾಕುತ್ತಾರೆ. ಅದೇ ನೇರವಾಗಿ ಹೋದರೆ ನೀರಾವರಿ ವ್ಯಾಲ್ಯೂವೇಶನ್ ಹಾಕಿ ಹೆಚ್ಚುವರಿ ಹಣಕ್ಕೆ ಚಲನ್ ತೆಗೆಯುವಂತೆ ತಿಳಿಸುತ್ತಾರೆ. ಅನಿವಾರ್ಯವಾಗಿ ಜನತೆ ಏಜೆಂಟರ ಮುಖಾಂತರೇ ಕೆಲಸ ಮಾಡಿಕೊಳ್ಳಬೇಕಾದ ಅನಿವಾರ್ಯತೆ ಎದುರಾಗಿದೆ ಎಂಬುದು ಹಲವು ಜನರ ಆರೋಪವಾಗಿದೆ.