ಜನರ ಆರೋಗ್ಯ ಸೇವೆ ನಮ್ಮ ಮೂಲ ಉದ್ದೇಶ

ಪಟ್ಟಣದ ನೀಲಕಂಠೇಶ್ವರ ದೇವಾಲಯ ಆವರಣದಲ್ಲಿ ಜಿಲ್ಲಾ ಅಂಧತ್ವ ನಿಯಂತ್ರಣ ಸಂಸ್ಥೆ ಯಾದಗಿರಿ, ಹುಣಸಗಿ ತಾಲೂಕು ಆರೋಗ್ಯ ಇಲಾಖೆ, ಶಂಕರ ಕಣ್ಣಿನ ಆಸ್ಪತ್ರೆ ಮತ್ತು ಮಾಜಿ ಜಿಲ್ಲಾ ಪಂಚಾಯಿತಿ ಸದಸ್ಯ ನಾಗಣ್ಣ ಸಾಹುಕಾರ ದಂಡಿನ್ ಅವರಿಂದ ಮಂಗಳವಾರ ಹಮ್ಮಿಕೊಂಡ ಉಚಿತ ನೇತ್ರ ತಪಾಸಣಾ ಶಿಬಿರದಲ್ಲಿ ಮಾತನಾಡಿದ ಅವರು, ಸಮಾಜಮುಖಿ ಕಾರ್ಯಕ್ರಮಗಳ ಮೂಲಕ ಜನಸೇವೆಗೆ ಹೆಚ್ಚಿನ ಆದ್ಯತೆ ನೀಡಲಾಗುವುದು ಎಂದರು.

ಬಡ ಹಾಗೂ ಅಗತ್ಯವಿರುವ ಜನರಿಗೆ ಗುಣಮಟ್ಟದ ವೈದ್ಯಕೀಯ ಸೇವೆ ತಲುಪಿಸಲು ಇಂತಹ ಶಿಬಿರಗಳನ್ನು ನಿರಂತರವಾಗಿ ಆಯೋಜಿಸಲಾಗುವುದು ಕಳೆದ ವರ್ಷ ೫೫೦ ಜನರಿಗೆ ಕಣ್ಣಿನ ಶಸö ಚಿಕಿತ್ಸೆ ಕೊಡಿಸಲಾಗಿತ್ತು. ಈ ಬಾರಿಗೂ ಕೂಡ ಬಡವರಿಗೆ ಅನುಕೂಲವಾಗಲಿ ಎಂದು ಈ ಶಿಬಿರ ಆಯೋಜಿಸಲಾಗಿದೆ. ಅಲ್ಲದೆ ಇದು ಸಂಪೂರ್ಣ ಉಚಿವಾಗಿರುತ್ತದೆ ಎಂದು ತಿಳಿಸಿದರು.

ತಾಲೂಕು ವೈದ್ಯಾಽಕಾರಿ ಡಾ.ರಾಜಾ ವೆಂಕಟಪ್ಪ ನಾಯಕ ಶಿಬಿರಕ್ಕೆ ಚಾಲನೆ ನೀಡಿ ಮಾತನಾಡಿ, ಗ್ರಾಮೀಣ ಭಾಗದ ಜನರಿಗೆ ಆರೋಗ್ಯ ಸೇವೆ ಸುಲಭವಾಗಿ ದೊರೆಯಲು ಇಂತಹ ಶಿಬಿರಗಳು ನೆರವಾಗುತ್ತವೆ. ವಿಶೇಷವಾಗಿ ಕಣ್ಣಿನ ಸಮಸ್ಯೆಯಿಂದ ಬಳಲುತ್ತಿರುವ ವಯೋವೃದ್ಧರಿಗೆ ಉಚಿತ ತಪಾಸಣೆ ಮತ್ತು ಶಸö ಚಿಕಿತ್ಸೆ ವ್ಯವಸ್ಥೆ ಕಲ್ಪಿಸಿರುವುದು ಒಳ್ಳೆಯ ಕಾರ್ಯವಾಗಿದೆ ಎಂದು ಶ್ಲಾöಸಿದರು.

ಈ ವೇಳೆ ಶಿಬಿರದಲ್ಲಿ ಸುಮಾರು ೭೫೦ ವಯೋವೃದ್ಧರು ಕಣ್ಣಿನ ತಪಾಸಣೆ ಮಾಡಲಾಯಿತು. ೫೦ ಮಂದಿ ಸ್ವಯಂ ಪ್ರೇರಿತವಾಗಿ ರಕ್ತದಾನ ಮಾಡಿದರು. ತಪಾಸಣೆ ಬಳಿಕ ೨೫೦ ಜನರನ್ನು ನೇತ್ರ ಶಸö ಚಿಕಿತ್ಸೆಗೆ ಆಯ್ಕೆ ಮಾಡಿ ವಿಶೇಷ ಸಾರಿಗೆ ಬಸ್ ಮೂಲಕ ಬೆಂಗಳೂರಿನ ಶಂಕರ ಕಣ್ಣಿನ ಆಸ್ಪತ್ರೆಗೆ ಕಳುಹಿಸಿಕೊಡಲಾಯಿತು.

ಜಿಪಂಮಾಜಿ ಸದಸ್ಯ ನಾಗಣ್ಣ ಸಾಹುಕಾರ ದಂಡಿನ್, ರಾಜಾ ಕುಮಾರ ನಾಯಕ, ಬಸವರಾಜ್ ಸಾಹು ಮಲಗಲದಿನ್ನಿ, ವಿರೇಶ ಸಾಹು ಚಿಂಚೋಳಿ, ಶರಣು ಸಾಹು ದಂಡಿನ್, ಬಿ.ಎಲ್.ಹಿರೇಮಠ, ಆರ್.ಎಂ.ರೇವಡಿ, ಸಿದ್ರಾಮಪ್ಪ ಸಾಹು ಮುದಗಲ್, ರಾಚಪ್ಪ ಸಾಹು ಪಟ್ಟಣಶೆಟ್ಟಿ, ಬಸವರಾಜ ಬಳಿ, ಆರ್.ಸಿ.ಪಾಟೀಲ್, ಶರಣಗೌಡ ಪಾಟೀಲ್ ವಜ್ಜಲ್, ತಿಪ್ಪಣ್ಣ ಸಾಹು ಚಂದಾ, ಬಾಪುಗೌಡ ಪಾಟೀಲ್, ಬಸವರಾಜ ಮೇಲಿನಮನಿ, ಗುಂಡು ಅಂಗಡಿ, ವಿಠ್ಠಲ್ ಪವಾರ್, ರಮೇಶ ವಾಲಿ ಇತರರಿದ್ದರು.