ಶಹಾಬಾದ್: ಹಸಿದವರಿಗೆ ಅನ್ನ ನೀಡುವುದು, ಕೆಳಗೆ ಬಿದ್ದವರನ್ನು ಮೇಲಕ್ಕೆತ್ತುವುದು ನಿಜವಾದ ಧರ್ಮವಾಗಿದೆ. ಪ್ರವಾದಿ ಮುಹಮ್ಮದರು ಅದನ್ನು ಮನಕುಲಕ್ಕೆ ಬೋಧಿಸಿದ್ದಾರೆ ಎಂದು ನ್ಯಾಯವಾದಿ ಶೇಖ್ ಖ್ವಮೋದ್ದಿನ್ ಜುನೇದಿ ಸಾಹೇಬ್ (ವಾಹಜ್ ಬಾಬಾ) ಹೇಳಿದರು. ನಗರದಲ್ಲಿ ಶರೀಯತ್ ಸಮಿತಿಯಿಂದ ಬುಧವಾರ ಆಯೋಜಿಸಿದ್ದ ಈದ್ ಎ ಮಿಲಾದ್ ಉನ್ ನಬಿ ಕಾರ್ಯಕ್ರಮದಲ್ಲಿ ಮಾತನಾಡಿ, ಎಲ್ಲರೂ ತಂದೆ&ತಾಯಿ ಹಾಗೂ ಹೆಣ್ಣು ಮಕ್ಕಳನ್ನು ಗೌರವಿಸಬೇಕು. ದಯೆ, ಕರುಣೆ, ಸತ್ಯ, ಪ್ರೀತಿ, ಮಾನವೀಯತೆಯನ್ನು ಅನುಸರಿಸಿದಾಗ ಮಾತ್ರ ನಿಜವಾದ ಮುಸ್ಲಿಮರಾಗಲು ಸಾಧ್ಯ ಎಂದರು. ಶರೀಯತ್ ಸಮಿತಿ ಅಧ್ಯಕ್ಷ ಅನ್ವರ್ ಚಪಾಟ್ಲೆ ಅಧ್ಯಕ್ಷತೆ ವಹಿಸಿದ್ದರು. ಕಾಡಾ ಅಧ್ಯಕ್ಷ ಡಾ.ಎಂ.ಎ.ರಶೀದ್, ಜಾಮೀಯಾ ಮಸೀದಿ ಸಮಿತಿ ಅಧ್ಯಕ್ಷ ಮಹ್ಮದ್ ಮತೀನ್ ಸೇಠ, ಪ್ರಮುಖರಾದ ಡಾ.ಫಾರೂಕ್ ಮಣ್ಣೂರ, ಮರಿಯಪ್ಪ ಹಳ್ಳಿ, ಶಂಕರಗೌಡ ಪಾಟೀಲ್, ಪರಶುರಾಮ ವನಂಜಕರ್, ಡಾ.ಅಶೋಕ ಜಿಂಗಾಡೆ, ಸೂರ್ಯಕಾಂತ ಕೋಬಾಳ, ಮೃತ್ಯುಂಜಯ ಸ್ವಾಮಿ ಹಿರೇಮಠ, ಪುರುಷೋತ್ತಮ ಮಂತ್ರಿ, ಸುರೇಶ ನಾಯಕ, ರಮೇಶ ಭಟ್ಟ, ನಾಗೇಂದ್ರ ನಾಟೀಕಾರ, ಶರಣು ಪಗಲಾಪುರ, ಮಹಿಬೂಬ್ ಪಟೇಲ, ಡಾ.ಅಹ್ಮದ್ ಪಟೇಲ್, ಸುಲೇಮಾನ್ ಕೋಲಾರಕರ್, ಅಕ್ಬರ್ ಚೀಟ್, ಮಹ್ಮದ್ ಮಸ್ತಾನ್ ಇತರರಿದ್ಗದರು. ಮಸೀದಿ ಚೌಕ್ನಿಂದ ಜಾಮೀಯಾ ಮಸೀದಿವರೆಗೆ ಮೆರವಣಿಗೆ ನಡೆಯಿತು.
