ಮಾವಿಗೆ 7&10 ಸಾವಿರ ರೂ. ಬೆಂಬಲ ಬೆಲೆ ನೀಡಿ mangoes

ಮಾವು ಬೆಳೆ ಕುಸಿಯುತ್ತಿರುವ ಹಿನ್ನೆಲೆಯಲ್ಲಿ ಬೆಳೆಗಾರರ ನೆರವಿಗೆ ಸರ್ಕಾರಗಳು ಮುಂದಾಗಬೇಕು ಎಂದು ತಾಲೂಕಿನ ಪುಂಗನೂರು ಕ್ರಾಸ್​ನ ಮಾವಿನ ತೋಟದಲ್ಲಿ ಸೋಮವಾರ ಹಮ್ಮಿಕೊಂಡಿದ್ದ ಸುದ್ದಿಗೋಷ್ಠಿ ಆಗ್ರಹಿಸಿದರು.

ಮಾವಿನ ನಾಡು ಎಂದೇ ಪ್ರಸಿದ್ಧಿಯಾದ ಶ್ರೀನಿವಾಸಪುರ ತಾಲೂಕಿನಲ್ಲಿ ಈ ಬಾರಿ ಮಾವು ಕಟಾವು ನಡೆಯುತ್ತಿದ್ದು, ಮಾರುಕಟ್ಟೆಯಲ್ಲಿ ಬೆಲೆ ತೀವ್ರವಾಗಿ ಕುಸಿತ ಕಂಡಿರುವುದು ರೈತರಲ್ಲಿ ಆತಂಕ ಮೂಡಿಸಿದೆ. ತಾಲೂಕಿನಲ್ಲಿ ಸರಿಸುಮಾರು 26,000 ಹೆಕ್ಟೇರ್​ ಪ್ರದೇಶದಲ್ಲಿ ಮಾವು ಬೆಳೆಯಲಾಗುತ್ತಿದ್ದು, ಪ್ರತಿ ವರ್ಷ 18 ಲ ಮೆಟ್ರಿಕ್​ ಟನ್​ನಷ್ಟು ಮಾವು ಮಾರುಕಟ್ಟೆಗೆ ಸರಬರಾಜಾಗುತ್ತದೆ. ಆದರೆ, ಪ್ರಸ್ತುತ ಮಾರುಕಟ್ಟೆಯಲ್ಲಿ ಅದರಲ್ಲೂ ಮುಖ್ಯವಾಗಿ "ತೋತಾಪುರಿ' ತಳಿಯ ಮಾವಿಗೆ ಪ್ರತಿ ಕೆಜಿಗೆ ಕೇವಲ 4 ರಿಂದ 5 ರೂ. ನಿಗದಿಯಾಗಿದೆ. ಇದರಿಂದಾಗಿ ಕನಿಷ್ಠ ಪ ಬೆಳೆಗೆ ಮಾಡಿದ ವೆಚ್ಚವೂ ಸಿಗದೆ ರೈತರು ತೀವ್ರ ಕಂಗಾಲಾಗಿದ್ದಾರೆ. ಹಾಗಾಗಿ ತಣವೇ ರಾಜ್ಯ ಸರ್ಕಾರ ಮತ್ತು ಜಿಲ್ಲಾಡಳಿತ ಮಧ್ಯಪ್ರವೇಶಿಸಿ, ಪ್ರತಿ ಟನ್​ ಮಾವಿಗೆ ಕನಿಷ್ಠ 7 ಸಾವಿರ ರೂ. ಬೆಂಬಲ ಬೆಲೆ ೂಷಿಸಬೇಕು ಎಂದು ಆಗ್ರಹಿಸಿದರು.

ಮಾರುಕಟ್ಟೆಯಲ್ಲಿ ರೈತರಿಗೆ ಕನಿಷ್ಠ ಪ್ರತಿ ಕೆಜಿಗೆ 7 ರಿಂದ 10 ರೂ. ಸಿಗುವಂತಾದರೆ ಮಾತ್ರ ಅವರ ಜೀವನೋಪಾಯಕ್ಕೆ ನೆರವಾಗಲಿದೆ. ಮುಂದಿನ ದಿನಗಳಲ್ಲಿ ಆರ್ಥಿಕ ಬಲ ಸಿಗುತ್ತದೆ. ಸ್ಥಳಿಯ ರೈತ ಮುಖಂಡರು ಹಾಗೂ ಜನಪ್ರತಿನಿಧಿಗಳು ಈ ಕುರಿತು ತೋಟಗಾರಿಕೆ ಇಲಾಖೆ ಅಧಿಕಾರಿಗಳು ಮತ್ತು ಜಿಲ್ಲಾಧಿಕಾರಿಯವರಿಗೆ ಮನವಿ ಸಲ್ಲಿಸಿದ್ದು, ನೂತನ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್​ ಅವರು ಈ ತಾಲೂಕಿನ ಮಾವು ಬೆಳೆಗಾರರ ಸಂಕಷ್ಟಕ್ಕೆ ತಣ ಸ್ಪಂದಿಸಿ ಸೂಕ್ತ ಕಾರ್ಯಕ್ರಮ ರೂಪಿಸಬೇಕು ಎಂದು ಒತ್ತಾಯಿಸಿದರು.

ಕೆ.ಎಂ. ಸುರೇಶ್​ ಮಾತನಾಡಿ, ಮಾವು ಬೆಳೆಗಾರರು ಮೂರು ವರ್ಷದಿಂದ ನಷ್ಟ ಅನುಭವಿಸುತ್ತಾ ಕಷ್ಟಕ್ಕೆ ಸಿಲುಕಿದ್ದಾರೆ. ಸರ್ಕಾರ ಮಾವು ಬೆಳೆಗಾರರಿಗೆ ಒಂದು ಟನ್​ಗೆ 7 ರಿಂದ 10 ಸಾವಿರ ರೂ. ಬೆಂಬಲ ಬೆಲೆ ನೀಡಬೇಕೆಂದು ಒತ್ತಾಯಿಸಿದರು.

ಮುಖಂಡರಾದ ಕೃಷ್ಣಾರೆಡ್ಡಿ ಆರ್​. ತಿಮ್ಮಸಂದ್ರ, ಮನಿಗಾನಹಳ್ಳಿ ನಾಗರಾಜು, ವೆಂಕಟೇಶ್​ ರೆಡ್ಡಿ, ಹಾರುಕುಂಟೆ ಸುರೇಶ್​, ಮಾಕನಹಳ್ಳಿ ನಾಗರಾಜ ರೆಡ್ಡಿ, ದೊಡ್ಡಪಲ್ಲಿ ನಾರಾಯಣಸ್ವಾಮಿ, ಆರ್​.ತಿಮ್ಮಸಂದ್ರ ದೊಡ್ಡಪ್ಪ, ಮುನಿಯಪ್ಪ, ನಾರಾಯಣಸ್ವಾಮಿ, ಸತೀಶ್​ ಸೇರಿದಂತೆ ಅನೇಕ ರೈತರು ಇದ್ದರು.