ವರ್ತೂರು ಪೋಲಿಸ್ ಠಾಣೆ ಸ್ಥಳಾಂತರ ವಿರೋಧಿಸಿ: ಕಾಂಗ್ರೆಸ್ ಮುಖಂಡ ಕುಪ್ಪಿ ಮಂಜುನಾಥ್ ನೇತೃತ್ವದಲ್ಲಿ ಸಹಿ ಸಂಗ್ರಹ ಪ್ರತಿಭಟನೆ

ಬೆಂಗಳೂರು: ಸ್ಥಳಿಯರ ಅಭಿಪ್ರಾಯ ಪಡೆಯದೆ ರಸ್ತೆ ಅಗಲಿಕರಣ ನೆಪ ನೀಡಿ ವರ್ತೂರು ಪೋಲಿಸ್ ಠಾಣೆಯನ್ನು ಏಕಪಕ್ಷೀಯವಾಗಿ ಗೂಂಜೂರಿಗೆ ಸ್ಥಳಾಂತರ ಮಾಡುತ್ತಿರುವುದು ವರ್ತೂರು ಜನತೆಗೆ ಮಾಡುತ್ತಿರುವ ಅನ್ಯಾಯ ಎಂದು ವರ್ತೂರು ನಿವಾಸಿ ಹಾಗೂ ಕಾಂಗ್ರೆಸ್ ಮುಖಂಡ ಕುಪ್ಪಿ ಮಂಜುನಾಥ್ ಆರೋಪಿಸಿದ್ದಾರೆ.

ವರ್ತೂರಿನ ಸರ್ವೆ ನಂ 59ರಲ್ಲಿ 29 ಗುಂಟೆ ಸರ್ಕಾರಿ ಭೂಮಿಯಿದ್ದರೂ ವರ್ತೂರಿಗೆ ಚ್ಯುತಿ ತರಲು ಪೋಲಿಸ್ ಠಾಣೆಯನ್ನು ಬೇರೆ ಗ್ರಾಮಕ್ಕೆ ಸ್ಥಳಾಂತರ ಮಾಡಲಾಗುತ್ತಿದೆ ಹೋಬಳಿ ಕೇಂದ್ರದಲ್ಲಿ ಇರುವ ಠಾಣೆಯನ್ನು ಬೇರೆ ಗ್ರಾಮಕ್ಕೆ ಸ್ಥಳಾಂತರ ಮಾಡುವುದರಿಂದ ಅನುಕೂಲಕ್ಕಿಂತ ಅನಾನುಕೂಲವೇ ಹೆಚ್ಚು.ವರ್ತೂರು ಪ್ರದೇಶ ಒಂದು ಪ್ರಮುಖ ಹೋಬಳಿ ಕೇಂದ್ರವಾಗಿದ್ದು, ಸುತ್ತಮುತ್ತಲಿನ ಹತ್ತಾರು ಹಳ್ಳಿಗಳಿಗೆ ವ್ಯಾಪಾರ ಮತ್ತು ಸಂಪರ್ಕದ ಕೊಂಡಿಯಾಗಿದೆ ಇದರಿಂದ ಆರಕ್ಷಕ ಠಾಣೆ ವರ್ತೂರಿನಲ್ಲಿಯೇ ಇರುವುದು ಅತ್ಯಗತ್ಯ ಎಂದರು.

ಈಗಾಗಲೇ ವರ್ತೂರಿನಲ್ಲಿ ಸರ್ಕಾರಿ ಕಚೇರಿಗಳೆಲ್ಲ ಬಾಡಿಗೆಯಲ್ಲಿ ಇದ್ದು ಸರ್ಕಾರಿ ಭೂಮಿಗಳನ್ನು ಬಲಾಢ್ಯರು ಬಳಸಿಕೊಳ್ಳುತ್ತಿದ್ದಾರೆ ಈ ಬಗ್ಗೆ ಗಮನ ಹರಿಸಬೇಕಾದ ಇಲಾಖೆ ಹಾಗು ಸ್ಥಳೀಯ ಶಾಸಕರು ಏನು ತಿಳಿಯದಂತೆ ವರ್ತಿಸುತ್ತಿದ್ದಾರೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ಈ ವಿಚಾರವಾಗಿ ಸ್ಥಳೀಯರಿಂದ ಪೊಲೀಸ್ ಠಾಣೆ ಬೇರೆಡೇ ಸ್ಥಳಾಂತರವಾಗಬಾರದು ಎಂದು ಸಹಿ ಸಂಗ್ರಹ ಅಭಿಯಾನವನ್ನು ಕೈಗೊಳ್ಳಲಾಗಿದೆ ಡಿಸಿ , ಜಿಬಿಎ ಕಮಿಷನರ್ ಗೆ ಮನವಿ ನೀಡುವುದಾಗಿ ತಿಳಿಸಿದ್ದರು.ಗ್ರಾಮದ ಮುಖಂಡರಾದ ಜಗದೀಶ್, ಇಕ್ಬಾಲ್ ಅಹ್ಮದ್, ಪಿ.ಕೃಷ್ಣಪ್ಲ, ಸುಬ್ಬಣ್ಣ, ಶ್ರೀಧ್ ಟಿ. ಪೋಲಿಸ್ ನಾಗರಾಜ್, ದೀಪಕ್ ಮತ್ತಿತರರು ಹಾಜರಿದ್ದರು.