ವಿದ್ಯುತ್​ ಖಾಸಗೀಕರಣ ವಿರೋಧಿಸಿ ಪ್ರತಿಭಟನೆ

ಹುಮನಾಬಾದ್​: ವಿದ್ಯುತ್​ ಖಾಸಗೀಕರಣ ವಿರೋಧಿಸಿ ಕರ್ನಾಟಕ ವಿದ್ಯುತ್​ ಪ್ರಸರಣ ನಿಗಮ ನೌಕರರ ಸಂಘ, ಸ್ವಾಭಿಮಾನಿ ಕಬ್ಬು ಬೆಳೆಗಾರರ ಐಕ್ಯ ಹೋರಾಟ ಸಮಿತಿ, ಕರ್ನಾಟಕ ಕಬ್ಬು ಬೆಳೆಗಾರರ ಸಂಘದಿಂದ ಪಟ್ಟಣದ ಜೆಸ್ಕಾಂ ಕಚೇರಿ ಎದುರಿಗೆ ಮಂಗಳವಾರ ಪ್ರತಿಭಟನೆ ನಡೆಸಲಾಯಿತು.

ನಂತರ ಪ್ರತಿಭಟನಕಾರರು ಶಾಸಕ ಡಾ.ಸಿದ್ದಲಿಂಗಪ್ಪ ಪಾಟೀಲ್​ ಅವರ ನಿವಾಸಕ್ಕೆ ತೆರಳಿ ಮನವಿ ಪತ್ರ ಸಲ್ಲಿಸಿ, ವಿದ್ಯುತ್​ ದೇಶದ ಭದ್ರತೆ ಮತ್ತು ಜನರ ಬದುಕಿಗೆ ಅತ್ಯಗತ್ಯವಾಗಿದ್ದು. ನಮ್ಮ ಇಂಧನ ಇಲಾಖೆಯ ನೌಕರರ ಹಿತದೃಷ್ಟಿಯಿಂದ ಟಾಟಾ ಪವರ್​ ಕಂಪನಿಯು ಸಲ್ಲಿಸಿದ ಅರ್ಜಿಗೆ ಪರವಾನಗೆಯನ್ನು ತಿರಸ್ಕರಿಸಬೇಕು. ವಿದ್ಯುತ್​ ವಿತರಣಾ ಕಂಪನಿಗಳನ್ನು ರಾಜ್ಯ ಸರ್ಕಾರದ ಅಧೀನದಲ್ಲಿಯೇ ಕಾರ್ಯನಿರ್ವಹಿಸುವಂತೆ ಒತ್ತಡ ಹಾಕಬೇಕೆಂದು ಮನವಿ ಮಾಡಿದರು.

ಇಇ ಗುರುಶಾಂತ ವಾರದ್​, ಎಇಇ ರಮೇಶ ಮೈನಾಳೆ, ಸಂದ ಪ್ರಮುಖರಾದ ಥಾಮಸ್​ ಕಟ್ಟಿಮನಿ, ಶಂಕರ ಪಸಾರ್ಗಿ, ಗಣಪತಿ ಖೇಣಿಕರ, ಸೂರ್ಯಕಾಂತ, ರೈತ ಸಂದ ಪ್ರಮುಖರಾದ ಖಾಸೀಂ ಅಲಿ, ಕರಬಸಪ್ಪ ಹುಡಗಿ, ಮುಖಿಂ ನಂದಗಾಂವ ಸೇರಿ ಇತರೆ ಸಂಟನೆಗಳ ಪ್ರಮುಖರು, ರೈತರು, ಜೆಸ್ಕಾಂ ಸಿಬ್ಬಂದಿ, ಗುತ್ತಿಗೆದಾರರು ಪಾಲ್ಗೊಂಡಿದ್ದರು.