ಪ್ರಾಂಶುಪಾಲ ಪ್ರೊ.ವೀರಣ್ಣ ಅವರು ಮಾತನಾಡಿ, ಕಳೆದ ವರ್ಷ ಕಾಲೇಜು ಶಿಕ್ಷಣ ಇಲಾಖೆಯ ಆದೇಶದನ್ವಯ ಜಾನಪದ ಉತ್ಸವವನ್ನು ಹಮ್ಮಿಕೊಳ್ಳಲಾಗಿತ್ತು, ಆದರೆ ಈ ಬಾರಿ ಯಾವುದೇ ಇಲಾಖೆಯ ಅಧಿಕೃತ ಆದೇಶವಿಲ್ಲದಿದ್ದರೂ ವಿದ್ಯಾರ್ಥಿಗಳೇ ಸ್ವತ@ ಮುಂಚೂಣಿ ನಿಂತು, ತಮ್ಮ ಸ್ವಂತ ಖರ್ಚು-ವೆಚ್ಚಗಳನ್ನು ಭರಿಸಿ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಿರುವುದು ಕಾಲೇಜಿನ ಇತಿಹಾಸದಲ್ಲೇ ಒಂದು ಐತಿಹಾಸಿಕ ಮೈಲಿಗಲ್ಲಾಗಿದೆ. ಕಾಲೇಜಿನ ಸ್ಕೌಟ್ಸ್ ಆ್ಯಂಡ್ ಗೈಡ್ಸ್, ರೇಂರ್ಜಸ್ ಆ್ಯಂಡ್ ರೋವರ್ಸ್ ಘಟಕದಿಂದ ಹಾಗೂ ಐಕ್ಯೂಎಸಿ, ಕ್ರೀಡಾ ನಿರ್ದೇಶಕರ ಸಹಕಾರದೊಂದಿಗೆ ಬರುವ ಶುಕ್ರವಾರದಿಂದ ಕಾಲೇಜು ಆವರಣದಲ್ಲಿ ಬಿ.ಎಂ.ಎಸ್ ದಾಸೋಹ ಮಂದಿರ ಲೋಕಾರ್ಪಣೆಗೊಳ್ಳಲಿದೆ. ಈ ಮೂಲಕ ವಿದ್ಯಾರ್ಥಿಗಳಿಗೆ ಅನ್ನದಾನ ಮಾಡುವ ಸತ್ಕಾರ್ಯಕ್ಕೆ ಕಾಲೇಜು ಮುಂದಾಗಲಿದೆ ಎಂದರು.
