ಕೃಷಿಗೆ ಪಾಲಿಹೌಸ್​ ಎಂಬ ಹೈಟೆಕ್​ ಸ್ಪರ್ಶ Polyhouse

ಹವಾಮಾನ ವೈಪರಿತ್ಯ, ಮಳೆ ಕೊರತೆ ಮತ್ತು ಕಾಡುಪ್ರಾಣಿಗಳ ಹಾವಳಿ ಮುಂತಾದ ಸಮಸ್ಯೆಗಳ ನಡುವೆಯೂ ರೈತರು ಈ ಹೊಸ ತಂತ್ರಜ್ಞಾನ ಅಳವಡಿಸಿಕೊಂಡು ಕೃಷಿ ಕ್ಷೇತ್ರದಲ್ಲಿ ಯಶಸ್ಸು ಸಾಧಿಸುತ್ತಿದ್ದಾರೆ.

ಟೊಮ್ಯಾಟೊ, ಕ್ಯಾಪ್ಸಿಕಂ, ಸೌತೆಕಾಯಿ, ಬೀನ್ಸ್​, ಚಂಡು ಹೂ, ಹಾಗಲಕಾಯಿ ಸೇರಿದಂತೆ ಹಲವು ತರಕಾರಿ ಬೆಳೆಯಲಾಗುತ್ತಿದೆ.

ಪಾಲಿಹೌಸ್​ನಿಂದ ನೀರಿನ ಬಳಕೆ ಕಡಿಮೆ ಆಗುತ್ತದೆ. ಬೆಳೆಗಳಿಗೆ ಸೂಕ್ತ ತಾಪಮಾನ ಮತ್ತು ರಕ್ಷಣೆ ದೊರೆಯುತ್ತದೆ. ಇದರಿಂದ ಗುಣಮಟ್ಟದ ಉತ್ಪನ್ನ ಸಿಗುತ್ತಿದ್ದು, ಮಾರುಕಟ್ಟೆಯಲ್ಲಿ ಹೆಚ್ಚು ಬೆಲೆ ದೊರೆಯುತ್ತಿದೆ. ಹೊರಗಿನ ಬೆಳೆಗಿಂತ ಪಾಲಿಹೌಸ್​ನಲ್ಲಿ ಬೆಳೆದ ತರಕಾರಿಗೆ ಹಾನಿ ಕಡಿಮೆ, ಆದಾಯ ಹೆಚ್ಚು ಎಂದು ರೈತರು ಅಭಿಪ್ರಾಯ ವ್ಯಕ್ತಪಡಿಸಿದರು.

ಇತ್ತೀಚಿನ ದಿನಗಳಲ್ಲಿ ಹಲವಾರು ರೈತರು ಪಾಲಿಹೌಸ್​ ವ್ಯವಸ್ಥೆ ಅಳವಡಿಸಿಕೊಂಡು ತರಕಾರಿ ಹಾಗೂ ಹೂವಿನ ಬೆಳೆ ಬೆಳೆಸುತ್ತಿದ್ದಾರೆ.

ಪಾಲಿಹೌಸ್​ನಲ್ಲಿ ಬೆಳೆ ಮಾಡುವುದರಿಂದ ಕೀಟನಾಶಕ ನಿಯಂತ್ರಣದಲ್ಲಿ ಇರುತ್ತದೆ. ಇದರಿಂದ ಖರ್ಚು ಕಡಿಮೆಯಾಗುತ್ತಿದ್ದು, ಲಾಭದ ಪ್ರಮಾಣ ಹೆಚ್ಚುತ್ತಿದೆ. ಕೆಲ ರೈತರ ಪ್ರಕಾರ, ಬೆಳಗ್ಗೆ ತಾಜಾ ತರಕಾರಿಗಳನ್ನು ಮಾರಾಟಕ್ಕೆ ತೆಗೆದುಕೊಂಡು ಹೋದರೆ ಮಧ್ಯವರ್ತಿಗಳಿಂದಲೂ ಉತ್ತಮ ಬೆಲೆ ಸಿಗುತ್ತದೆ. ಪಾಲಿಹೌಸ್​ನಲ್ಲಿ ಬೆಳೆ ಬೆಳೆದರೆ ಹವಾಮಾನ ಸಮಸ್ಯೆಗಳೂ ಕಡಿಮೆ ಎಂದು ತಿಳಿಸಿದರು.

"