ವಿದ್ಯಾರ್ಥಿಗಳಿಗೆ ರಾಜಕೀಯ ಕಲಿಕೆ ಅವಶ್ಯ

ತಾಲೂಕು ಆಡಳಿತ, ಶಿಕ್ಷಣ ಇಲಾಖೆ, ಸಮಾಜ ಕಲ್ಯಾಣ ಇಲಾಖೆ, ಕಾಲೇಜು ಶಿಕ್ಷಣ ಇಲಾಖೆ ಸಹಯೋಗದಲ್ಲಿ ನಗರದ ಸರ್ಕಾರಿ ಮಹಿಳಾ ಕಾಲೇಜಿನಲ್ಲಿ ಮಂಗಳವಾರ ಆಯೋಜಿಸಿದ್ದ ಅಂತಾರಾಷ್ಟ್ರೀಯ ಪ್ರಜಾಪ್ರಭುತ್ವ ದಿನಾಚರಣೆ ಸಮಾರಂಭದಲ್ಲಿ ಮಾತನಾಡಿದರು. ರಷ್ಯಾದ ಕ್ರಾಂತಿ ವಿಶ್ವದ ಕಮ್ಯೂನಿಸ್ಟ್ ಪದ್ಧತಿಯ ಆಳ್ವಿಕೆಯ ವಿರುದ್ಧ ಜನರು ಸಿಡಿದೆದ್ದರು. ದಾಸ್ ಕ್ಯಾಪಿಟಲ್(ಬಂಡವಾಳಶಾಹಿಗಳನ್ನು ನಾಶಮಾಡಿ) ಪುಸ್ತಕ ಜನರಲ್ಲಿ ಉತ್ಸಾಹ ತುಂಬಿ ಕಾರ್ಮಿಕರ ಕಲ್ಯಾಣವಾಗುತ್ತದೆ ಎನ್ನುವ ನಂಬಿಕೆಯನ್ನು ಹುಸಿ ಮಾಡಿತು. ಸ್ವತಂತ್ರವಾಗಿ ಹಾರುವ, ಹಾಡುವ ಸ್ವಾತಂತ್ರೃವನ್ನು ನಾವು ಕಳದುಕೊಂಡಿದ್ದೇವೆಂಬುದು ಗೋಚರವಾಯಿತು. ಜನರು ಬುದ್ಧಿಮಾಂದ್ಯರಂತೆ ಕಮ್ಯೂನಿಸ್ಟ್ ವ್ಯವಸ್ಥೆಯನ್ನು ಒಪ್ಪಿಕೊಂಡು ತಪ್ಪುಮಾಡಿದ್ದೇವೆಂದು ಹಲುಬುವಂತಾಯಿತು. ನಂತರ ಬಂದ ಪ್ರಜಾಪ್ರಭುತ್ವ ವ್ಯವಸ್ಥೆ ವಿಶ್ವದ 167ಕ್ಕೂ ಹೆಚ್ಚು ದೇಶಗಳಲ್ಲಿ ಹಬ್ಬಿತು ಎಂದರು.

ಪ್ರಜಾಪ್ರಭುತ್ವ ಅಂತಿಮವೇ?

ಪ್ರಜಾಪ್ರಭುತ್ವ ಆಡಳಿತ ವ್ಯವಸ್ಥೆಯೇ ಅಂತಿಮ ಹಾಗೂ ಸರಿಯಾದ ವ್ಯವಸ್ಥೆಯೇನೂ ಅಲ್ಲ. ಅರ್ಹತಾ ತಂತ್ರ(ಮೆರಿಟೋಕ್ರಸಿ)ಯೇ ಅತ್ಯುತ್ತಮ ವ್ಯವಸ್ಥೆಯಾಗಿದೆ. ನಮ್ಮನ್ನಾಳುವ ಶಾಸನಸಭೆಯಲ್ಲಿ ವಿಜ್ಞಾನಿಗಳು, ಅರ್ಹರು, ವಿಚಾರವಂತರು ಕುಳಿತು ಈ ದೇಶವನ್ನು ಆಳುವಂತಾಗಬೇಕು. ವಿದ್ಯಾರ್ಥಿಗಳಿಗೆ ನಾವು ರಾಜ್ಯಶಾಸ್ತ್ರವನ್ನು ಕಲಿಸುವುದಲ್ಲ, ಬದಲಾಗಿ ರಾಜಕೀಯ ಕಲೆಯನ್ನು ಕಲಿಸಬೇಕು. ಎಲ್ಲರನ್ನೂ ಒಳಗೊಂಡ ಬಹುತ್ವದ ಪ್ರಜಾಪ್ರಭುತ್ವ ವ್ಯವಸ್ಥೆ ಬರಬೇಕಿದೆ. ಸಾರ್ವಜನಿಕರ ಸಹಕಾರ, ಮಾಧ್ಯಮಗಳಿಗೆ ಉತ್ತಮ ಅವಕಾಶ ಮುಂತಾದ ಅಂಶಗಳು ಚಾಚೂತಪ್ಪದೆ ಪಾಲನೆಯಾದಲ್ಲಿ ಮಾತ್ರ ಪ್ರಜಾಪ್ರಭುತ್ವ ಯಶಸ್ವಿಯಾಗಲು ಸಾಧ್ಯ ಎಂದರು.

ಜೆನ್‌ಜೀಗಳ ಹೋರಾಟ ದೆಹಲಿಯಲ್ಲಿ ಮಾತ್ರವಲ್ಲ, ಗ್ರಾ.ಪಂಮಟ್ಟದಲ್ಲೂ ಆಗಬೇಕು. ಮೆರಿಟೋಕ್ರಸಿ ಎಲ್ಲ ಜೆನ್‌ಜೀಗಳ ಮಾತಾಗಬೇಕು. ಸ್ವರ್ಗ ಮೇಲಿದೆ ಎನ್ನುವ ಸನಾತನ ನಿದ್ರೆಯಿಂದ ದೇಶ ಹೊರಬರಬೇಕು. ಸ್ವರ್ಗವನ್ನು ಇಲ್ಲೇ ಸೃಷ್ಟಿಸುವ ಹೊಣೆಗಾರಿಕೆಯನ್ನು ಜೆನ್‌ಜೀಗಳು ಹೊರಬೇಕೆಂದು ಅಭಿಪ್ರಾಯಪಟ್ಟರು.

ತಾಲೂಕು ಪಂಚಾಯಿತಿ ಕಾರ್ ನಿರ್ವಹಣಾಧಿಕಾರಿ ಕೆ.ಹೊಂಗಯ್ಯ, ಪ್ರಾಂಶುಪಾಲೆ ರಜಿಯಾ ಸುಲ್ತಾನ, ಸಮಾಜ ಕಲ್ಯಾಣ ಇಲಾಖೆ ಸಹಾಯಕ ನಿರ್ದೇಶಕ ಎಸ್.ಭರತ್ ಕುಮಾರ್, ಇಸಿಒ ರುದ್ರಪ್ಪ, ಹನಗೋಡು ಪಿಯು ಕಾಲೇಜಿನ ಉಪಪ್ರಾಂಶುಪಾಲ ಸಂತೋಷ್ ಕುಮಾರ್, ರಾಘು, ಪ್ರಾಧ್ಯಾಪಕರಾದ ಡಾ.ಕೆ.ಪಿ.ಪ್ರಸನ್ನ, ಪುಟ್ಟರಾಜು, ಗೋವಿಂದರಾಜು, ಸಮಾಜ ಕಲ್ಯಾಣ ಇಲಾಖೆಯ ರೇಣುಕಾಪ್ರಸಾದ್, ಲೂಯಿಸ್ ಪೆರೇರಾ, ಹನಗೋಡು ನಟರಾಜ್ ಇತರರು ಇದ್ದರು.