ರೈತರಿಗೆ ಶುಭಸೂಚನೆ
ಈ ವರ್ಷ ಮುಂಗಾರು ಮಳೆ ಕೈಕೊಟ್ಟ ಪರಿಣಾಮ ರೈತರು ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಬೆಳೆಗಳ ಮೇಲೆ ಪ್ರತಿಕೂಲ ಪರಿಣಾಮ ಬೀರಿದ್ದು, ಕೃಷಿಕರು ಆತಂಕದಲ್ಲಿದ್ದಾರೆ. ಆದರೆ ಮುಂದಿನ ದಿನಗಳಲ್ಲಿ ಹಿಂಗಾರು ಮಳೆ ಉತ್ತಮವಾಗಿ ಸುರಿಯಲಿದ್ದು, ರೈತರು ಸಮೃದ್ಧವಾಗಿ ಬೆಳೆಗಳನ್ನು ಬೆಳೆಯುವಂತಾಗಲಿದೆ. ರೈತರ ಸಂಕಷ್ಟಗಳು ದೂರವಾಗಿ ನೆಮ್ಮದಿ ದೊರೆಯಲಿದೆ ಎಂದಿದ್ದಾರೆ.
ಸಾಧು-ಸಂತರಿಗೆ ಅಧಿಕಾರದ ಮುನ್ಸೂಚನೆ
ರಾಜಕೀಯವಾಗಿ ದೈವವಾಣಿಯನ್ನು ವಿಶ್ಲೇಷಿಸಿದ ಅವರು, ‘ಕೆಂಪುಕೋಟಿಯ ಮೇಲೆ ಸಾಧು-ಸಂತರು ಧ್ವಜ ಹಾರಿಸಲಿದ್ದಾರೆ’ ಎಂಬುದು ಮಹತ್ವದ ಸೂಚನೆಯಾಗಿದೆ. ಮುಂದಿನ ದಿನಗಳಲ್ಲಿ ಸಾಧು-ಸಂತರೊಬ್ಬರು ದೇಶದ ಪ್ರಧಾನಿಯಾಗುವ ಸಾಧ್ಯತೆಯ ಮುನ್ಸೂಚನೆ ಇದರಲ್ಲಿ ಅಡಗಿದೆ. ದೇಶದ ಆಡಳಿತದಲ್ಲಿ ಸಾಧು-ಸಂತರ ಪ್ರಭಾವ ಹೆಚ್ಚಾಗಿ, ಮುಂದೊಂದು ದಿನ ಸಾಧು-ಸಂತರು ದೇಶವನ್ನು ಆಳುವ ಕಾಲ ಬರಲಿದೆ ಎಂಬ ಸೂಚನೆ ದೈವವಾಣಿ ನೀಡಿದೆ ಎಂದು ಅವರು ವಿಶ್ಲೇಷಿಸಿದ್ದಾರೆ.
