ಕಬ್ಬು ನೀಡಿದ ರೈತರ ಬಿಲ್​ ಪಾವತಿ ಮಾಡಿ

ಆಳಂದ: ಕಬ್ಬು ನೀಡಿದ ರೈತರ ಬಿಲ್​ ಶ್ರೀ ಪಾವತಿ ಮಾಡಬೇಕು ಎಂದು ಆಗ್ರಹಿಸಿ ಭೂಸನೂರ ಕ್ರಾಸ್​ನಿಂದ ಎನ್​ಎಸ್​ಎಲ್​ ಕಾರ್ಖಾನೆವರೆಗೂ ನಮ್ಮ ಕರ್ನಾಟಕ ಸೇನೆ ಕಾರ್ಯಕರ್ತರು ಬುಧವಾರ ಬೃಹತ್​ ಪಾದಯಾತ್ರೆ ನಡೆಸಿದರು.

ಸರ್ಕಾರದಿಂದ ಕಾರ್ಖಾನೆ ಗುತ್ತಿಗೆ ಪಡೆದ ಮೇಲೆ ಭೂಸನೂರ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಗ್ರಾಮ ಅಭಿವೃದ್ಧಿ ಮತ್ತು ಶುದ್ಧ ಕುಡಿವ ನೀರು, ರಸ್ತೆ, ಸರ್ಕಾರಿ ಶಾಲೆಗಳ ದುರಸ್ತಿ ಸೇರಿ ವಿವಿಧ ಕೆಲಸ ಮಾಡಿಕೊಡುವದಾಗಿ ಕಾರ್ಖಾನೆ ಒಪ್ಪಿಕೊಂಡಿತ್ತು. ಆದರೆ ಈವರೆಗೂ ಯಾವುದೇ ಕೆಲಸ ಆಗಿಲ್ಲ. ಅಲ್ಲದೆ ಕಾರ್ಖಾನೆಗೆ ಕಬ್ಬು ನೀಡಿದ ರೈತರ ಬಿಲ್​ ಪಾವತಿಸುವಲ್ಲೂ ವಿಳಂಬ ಮಾಡಲಾಗುತ್ತಿದೆ. ಕೂಡಲೇ ರೈತರ ಖಾತೆಗೆ ಬಿಲ್​ ಜಮೆ ಮಾಡಬೇಕು. ರ್ನಿಲಕ್ಷ ವಹಿಸಿದರೆ ಬೃಹತ್​ ಹೋರಾಟಕ್ಕೆ ಮುಂದಾಗಬೇಕಾಗುತ್ತದೆ ಎಂದು ಎಚ್ಚರಿಸಿದರು.

ಕಾರ್ಖಾನೆ ಉಪಾಧ್ಯ ಪುರುಷೋತ್ತಮ ಅವರ ಮನವಿ ಸ್ವೀಕರಿಸಿ ಮಾತನಾಡಿ, ಮೇ 5ರೊಳಗೆ ಎಲ್ಲ ರೈತರ ಬಿಲ್​ ಪಾವತಿಸುತ್ತೇವೆ. ಭೂಸನೂರು ಗ್ರಾಮದಲ್ಲಿ ಶುದ್ಧ ಕುಡಿವ ನೀರಿನ ಟಕ ಸ್ಥಾಪಿಸಲಾಗುವುದು ಎಂದು ಭರವಸೆ ನೀಡಿದರು.

ಗ್ರಾಪಂ ಅಧ್ಯ ಮುತ್ತಣ್ಣ ಬಿಳಗಿ, ಪ್ರಮುಖರಾದ ರಮೇಶ ಜಗತಿ, ಕಲ್ಯಾಣಿ ಜಮಾದಾರ, ಸೋಮು ಪಾಟೀಲ್​, ಶರಣ ಮುನ್ನಹಳ್ಳಿ, ಅನಿಲ್​ ರಾಠೋಡ್​, ರಾಜು ಜವರ್ಗಿ, ರಾಹುಲ್​ ಚವ್ಹಾಣ್​, ಮಹೇಶ ಗಿರಿ ಗೋಸ್ವಾಮಿ, ದಸ್ತಗಿರಿ ಗೌರ, ಶರಣು ಕಲ್ಬುರ್ಗಿ ಇತರರಿದ್ದರು.