ಎಕ್ಸ್ಪರ್ಟ್ ಸಂಸ್ಥೆಯ ಅಧ್ಯಕ್ಷ ಬಿ.ಜಿ. ಮಠ ಮಾತನಾಡಿ, ನಮ್ಮ ಸಂಸ್ಥೆಯಲ್ಲಿ ಕಲಿತ ಹೆಚ್ಚು ಮಕ್ಕಳು ವೈದ್ಯಕೀಯ ಸೀಟುಗಳನ್ನು ಪಡೆದಿದ್ದಾರೆ. ಈ ಬಾರಿಯ ಪರೀಕ್ಷೆಯಲ್ಲಿ ಆಯ್ಕೆಯಾದ ಟಾಪ್ಸ್ 20 ವಿದ್ಯಾರ್ಥಿಗಳಿಗೆ ಎರಡು ವರ್ಷ ಸಂಪೂರ್ಣ ಉಚಿತ ಶಿಕ್ಷಣ ನೀಡಲಾಗುವುದು ಎಂದು ಘೋಷಿಸಿದರು. ರಾಜ್ಯದ ವಿವಿಧ ಜಿಲ್ಲೆಗಳಿಂದ ಆಗಮಿಸಿದ್ದ 1350 ವಿದ್ಯಾರ್ಥಿಗಳಲ್ಲಿ ಗಂಗಮ್ಮ ಕೋಳೂರ (ಪ್ರಥಮ ಸ್ಥಾನ) 25,000 ರೂ. ನಗದು, ಅಧಿತಿ ರಾಜಮಾನ್ಯೆ (ದ್ವಿತೀಯ ಸ್ಥಾನ) 20,000 ರೂ ನಗದು, ಸುಪ್ರಿತ್ ಪಾಟೀಲ (ತೃತೀಯ ಸ್ಥಾನ) 15,000 ರೂ. ನಗದು, ಅಪೂರ್ವ ಮುಲಿಮನಿ (ನಾಲ್ಕನೇ ಸ್ಥಾನ) 10,000 ರೂ. ನಗದು, ಕಾರ್ತಿಕ್ ಜಲಪೂರ (ಐದನೇ ಸ್ಥಾನ) 5,000 ರೂ. ನಗದು ಪಡೆದುಕೊಂಡರು. ಇದೇ ಸಂದರ್ಭದಲ್ಲಿ ಮೆಡಿಕಲ್ ಸೀಟು ಪಡೆದ ಹಳೆಯ ವಿದ್ಯಾರ್ಥಿಗಳಾದ ವಾಣಿಶ್ರೀ ಹಳ್ಳದ ಮತ್ತು ಸುಮಿತ್ ಬಗೆಲ್ ಅವರನ್ನು ಸನ್ಮಾನಿಸಲಾಯಿತು. ವಿಜ್ಞಾನ ಶಿಕ್ಷಕ ಎಸ್.ಎಸ್. ಚಿತ್ತರಗಿ, ಶಿಕ್ಷಕ ಬಸಯ್ಯ ಪುರವಂತರಮಠ, ಸಿಆರ್ಪಿ ಎ.ಸಿ. ಕಸಬೇಗೌಡ, ವಿರೇಶ ನವಲಿ, ಆಡಳಿತಾಧಿಕಾರಿ ಪ್ರಜ್ವಲ್ ಮಠ, ಕಾರ್ಯದರ್ಶಿ ಸಿದ್ಧಯ್ಯ ಹಿರೇಮಠ, ಪ್ರಾಂಶುಪಾಲ ಇರ್ಫಾನ್ ಬಾಗವಾನ, ಮುಖ್ಯಗುರು ಶಿವಯ್ಯ ಹಿರೇಮಠ ಮತ್ತಿತರರಿದ್ದರು. ಮಲ್ಲಿಕಾರ್ಜುನ ಕಂಬಳಿ ಕಾರ್ಯಕ್ರಮ ನಿರೂಪಿಸಿದರು, ರವಿ ಪೂಜಾರಿ ವಂದಿಸಿದರು.
