ಕಾಂಗ್ರೆಸ್ ಸದೃಢವಾಗಿರಲು ಸಂಘಟನೆ ಸಹಕಾರಿ

ಉತ್ತೂರು ಕೆರೆಗೆ ನೀರು ಬರುತ್ತಿದೆ. ಕೆರೆಗಳಿಗೆ ನೀರು ತುಂಬಿಸುವುದು ತಡವಾಗುತ್ತಿರುವುದು ವಿರೋಧ ಪಕ್ಷದವರಿಂದಲೇ. ಅವರ ಆಡಳಿತ ಅವಧಿಯಲ್ಲಿ ಏನು ನಡೆದಿದೆ ಅನುವುದನ್ನು ಅವರೇ ತಿಳಿದುಕೊಳ್ಳುವ ಕೆಲಸ ಮಾಡಲಿ. ನಮ್ಮ ಪಕ್ಷ ಸರ್ವರಿಗೂ ಸವಲತ್ತುಗಳ ನೀಡುವುದರ ಮೂಲಕ ರಾಜ್ಯದ ಅಭಿವೃದ್ಧಿಗೆ ಪಣ ತೊಟ್ಟಿದೆ ಎಂದು ವಿಶ್ಲೇಷಿದರು.

ಜಿಲ್ಲಾ ಉಸ್ತುವಾರಿ ವಿ.ಆರ್. ಸುದರ್ಶನ್ ಮಾತನಾಡಿ, ಗುಂಡ್ಲುಪೇಟೆ ತಾಲ್ಲೂಕಿಗೆ ತನ್ನದೇ ಆದ ಇತಿಹಾಸವಿದೆ. ಮಹದೇವಪ್ರಸಾದ್ ಅವರು ನನಗೆ ಹಳೆಯ ಸ್ನೇಹಿತರು. ಅವರಿಗೆ ಕೊಟ್ಟ ಇಲಾಖೆಯ ಸಚಿವ ಸ್ಥಾನದ ಕೆಲಸಗಳನ್ನು ಬಹಳ ಅಚ್ಚುಕಟ್ಟಾಗಿ ಮಾಡಿ ಗುಂಡ್ಲುಪೇಟೆ ವಿಧಾನಸಭಾ ಕ್ಷೇತ್ರವನ್ನು ಅಭಿವೃದ್ಧಿ ಪಡಿಸಿದ್ದಾರೆ. ಇಲ್ಲಿ ಕಾಂಗ್ರೆಸ್ ಪಕ್ಷವನ್ನು ಇನ್ನಷ್ಟು ಸಕ್ರಿಯವಾಗಿ ಬಲಪಡಿಸಲು ಭೂತ್ ಲೆವೆಲ್ ಏಜೆಂಟ್-2ರ ತರಬೇತಿ ಕಾರ್ಯಕ್ರಮವನ್ನು ನಡೆಸುವುದರ ಮೂಲಕ ಕಾರ್ಯಕರ್ತರು ಜವಬ್ದಾರಿಯುತ ಸ್ಥಾನಗಳನ್ನು ತೆಗೆದುಕೊಂಡು ಪ್ರತಿ ಗ್ರಾಮದ ಜನಸಾಮಾನ್ಯರಿಗೂ ಸರ್ಕಾರದ ಸವಲತ್ತುಗಳ ಮಾಹಿತಿ ತಲುಪಿಸಬೇಕು.ಶಾಸಕರು ಸಂಸದರ ಅಭಿವೃದ್ಧಿಯ ವಿಚಾರಗಳನ್ನು ತಿಳಿಸುವ ಮೂಲಕ ಮತದಾರರ ಗಟ್ಟಿ ಗೊಳಿಸಲು ಸಹಕಾರವಾಗುತ್ತದೆ.ಇಂತಹ ಕಾರ್ಯಕ್ರಮದ ಸಾರ್ಥಕತೆಗೆ ಸಾಕ್ಷಿಯಾಗುತ್ತದೆ ಎಂದು ಹೇಳಿದರು.

ಸಮಾವೇಶದಲ್ಲಿ ಕಾಡಾ ಮಾಜಿ ಅಧ್ಯಕ್ಷ ಎಚ್.ಎಸ್. ನಂಜಪ್ಪ, ಜಿಲ್ಲಾ ಪಂಚಾಯಿತಿ ಮಾಜಿ ಸದಸ್ಯ ಕೆ.ಎಸ್.ಮಹೇಶ್, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ರಾಜಶೇಖರ್, ವಾಲ್ಮೀಕಿ ನಿಗಮದ ಮಾಜಿ ಅಧ್ಯಕ್ಷ ಎಚ್.ಸಿ ಬಸವರಾಜು, ಟಿಎಪಿಸಿಎಂಎಸ್ ಅಧ್ಯಕ್ಷ ಜಿ. ಮಡಿವಾಳಪ್ಪ, ಪುರಸಭಾ ಮಾಜಿ ಉಪಾಧ್ಯಕ್ಷ ಅಣ್ಣಯ್ಯಸ್ವಾಮಿ, ಹೊಸಹಳ್ಳಿ ಮಧುಸೂದನ್ ಇತರರಿದ್ದರು.