ಕೆಇಆರ್‌ಸಿ ಜಿಎನ್‌ಎ ನಿಯಮಾವಳಿಯಲ್ಲಿ ಖಾಸಗಿ ವಿದ್ಯುತ್ ಸರಬರಾಜಿಗೆ ಮುಕ್ತ ಅವಕಾಶ

ಕರ್ನಾಟಕ ವಿದ್ಯುತ್‌ಚ್ಛಕ್ತಿ ನಿಯಂತ್ರಣಾ ಮಂಡಳಿ(ಕೆಇಆರ್‌ಸಿ) ಪ್ರಕಟಿಸಿರುವ ಖಾಸಗಿ ವಿದ್ಯುತ್ ಸರಬರಾಜಿಗೆ ಮುಕ್ತ ಅವಕಾಶ(ಜಿಎನ್‌ಎ ನಿಯಮಾವಳಿ) ಅಕ್ಟೋಬರ್ 1 ರಿಂದ ಜಾರಿಗೆ ಬರಲಿದೆ.

ರಾಜ್ಯದ ವಿದ್ಯುತ್ ಪ್ರಸರಣ ಮತ್ತು ವಿತರಣಾ ಜಾಲವನ್ನು ಬಳಸಲು ಖಾಸಗಿ ಕಂಪನಿಗಳಿಗೆ ಸಮಾನ ಮುಕ್ತ ಅವಕಾಶ ನೀಡುವ ಕರಡು ನಿಯಮಾವಳಿಯನ್ನು ಕೆಇಆರ್‌ಸಿ ಪ್ರಕಟಿಸಿದೆ.

100 ಕಿವ್ಯಾ ಮತ್ತು ಅದಕ್ಕಿಂತ ಹೆಚ್ಚಿನ ವಿದ್ಯುತ್ ಲೋಡ್ ಹೊಂದಿರುವ ಗ್ರಾಹಕರು ಸ್ಥಳೀಯ ಎಸ್ಕಾಂಗಳ ಬದಲಿಗೆ ತಮಗೆ ಇಷ್ಟಬಂದ ಖಾಸಗಿ ಸರಬರಾಜುದಾರರಿಂದ ವಿದ್ಯುತ್ ಖರೀದಿಸಲು ಈ ಕರಡು ನಿಯಮಾವಳಿ ತನ್ನ ಹಾದಿ ಸುಗಮಗೊಳಿಸಲಿದೆ.

ಇದರಿಂದಾಗಿ ಖಾಸಗಿಯವರು ವಿದ್ಯುತ್ ಸರಬರಾಜು ವಲಯದಲ್ಲಿ ನೆಲೆಯೂರಲು ಈ ನಿಯಮಾವಳಿ ಅವಕಾಶ ಕಲ್ಪಿಸುವುದರಿಂದ ಇನ್ನು ಆತಂಕ ತಪ್ಪಿಲ್ಲ ಎನ್ನುವ ಆಕ್ಷೇಪಗಳು ಎಸ್ಕಾಂ ಅಧಿಕಾರಿ ಮತ್ತು ಸಿಬ್ಬಂದಿಗಳಿಂದ ವ್ಯಕ್ತವಾಗಿದೆ.

19 ಜಿಲ್ಲೆಗಳಲ್ಲಿ ವಿದ್ಯುತ್ ಸರಬರಾಜು ಪಡೆಯಲು ಕೆಇಆರ್‌ಸಿ ಮುಂದೆ ಅರ್ಜಿ ಸಲ್ಲಿಸಿದ್ದ ಟಾಟಾ ಸಂಸ್ಥೆ ತಾನಾಗಿಯೇ ವಾಪಸ್ಸು ಪಡೆದಿದೆ. ಮುಂದೆ ಈ ನಿಯಮಾವಳಿ ಪ್ರಕಾರ ಯಾವ ಖಾಸಗಿ ಕಂಪನಿಗಳು ಅರ್ಜಿ ಸಲ್ಲಿಸುತ್ತವೆಯೋ ಎಂದು ಕಾದು ನೋಡಬೇಕು.

ಸೌರ ವಿದ್ಯುತ್ ದರ ಪರಿಷ್ಕರಣೆ:

ಮುಂದಿನ ಮೂರು ವರ್ಷಗಳ ಅವಧಿಗೆ (ಜುಲೈನಿಂದ ಜೂನ್ 2029) ಅನ್ವಯವಾಗುವಂತೆ ರೂಫ್‌ಟಾಪ್ ಸೌರ ವಿದ್ಯುತ್ ದರಗಳ ಪರಿಷ್ಕರಣೆಗೆ ಕರಡು ಪ್ರಕಟಿಸಲಾಗಿದೆ.

ಸರ್ಕಾರದಿಂದ ಸಬ್ಸಿಡಿ ಪಡೆದು ಸೋಲಾರ್ ಅಳವಡಿಸಿಕೊಂಡ ಗ್ರಾಹಕರು ಗ್ರಿಡ್‌ಗೆ ಸರಬರಾಜು ಮಾಡುವ ವಿದ್ಯುತ್‌ಗೆ ನೀಡುವ ದರವನ್ನು ಈ ಬಾರಿ ಕಡಿತಗೊಳಿಸಲಾಗಿದೆ. (ಉದಾಹರಣೆ: 1 ರಿಂದ 2 ಕಿವ್ಯಾ ಗೆ ಪ್ರತಿ ಯೂನಿಟ್‌ಗೆ ₹1.87). ಆದರೆ ಯಾವುದೇ ಸರ್ಕಾರಿ ಸಬ್ಸಿಡಿ ಪಡೆಯದ ಗ್ರಾಹಕರಿಗೆ 10 ಕಿವ್ಯಾ ವರೆಗಿನ ಉತ್ಪಾದನೆಗೆ ಪ್ರತಿ ಯೂನಿಟ್‌ಗೆ ₹3.03 ರಂತೆ ಹೆಚ್ಚಿನ ದರ ನಿಗದಿಪಡಿಸಲಾಗಿದೆ.

*19 ಜಿಲ್ಲೆಗಳಲ್ಲಿ ವಿದ್ಯುತ್ ಸರಬರಾಜು ಪಡೆಯಲು ಕೆಇಆರ್‌ಸಿ ಮುಂದೆ ಅರ್ಜಿ ಸಲ್ಲಿಸಿದ್ದ ಟಾಟಾ ಸಂಸ್ಥೆ ತಾನಾಗಿಯೇ ವಾಪಸ್ಸು ಪಡೆದಿದೆ. ಮುಂದೆ ಈ ನಿಯಮಾವಳಿ ಪ್ರಕಾರ ಯಾವ ಖಾಸಗಿ ಕಂಪನಿಗಳು ಅರ್ಜಿ ಸಲ್ಲಿಸುತ್ತವೆಯೋ ಎಂದು ಕಾದು ನೋಡಬೇಕು.