ಗುರುಮಠಕಲ್ ಕ್ಷೇತ್ರ ಸೇರಿದಂತೆ ಇಡೀ ಜಿಲ್ಲೆಯಲ್ಲಿ ಅನೇಕ ಸಮಸ್ಯೆಗಳಿದ್ದರೂ ಹಿರಿ, ಕಿರಿ ಅಽಕಾರಿಗಳು ಸಕಾಲಕ್ಕೆ ಸ್ಪಂಽಸುತ್ತಿಲ್ಲ ಎಂದು ಶಾಸಕ ಶರಣಗೌಡ ಕಂದಕೂರ ಆರೋಪಿಸಿದರು. ಜಿಪಂ ಸಿಇಒ ವಿರುದ್ಧ ನೇರ ಆರೋಪ ಮಾಡಿದ ಶಾಸಕ ಕಂದಕೂರ, ೭ ಸಲ ಪೋನ್ ಮಾಡಿದರೂ ಎತ್ತಿ ಮಾತಾಡುವಷ್ಟು ಸೌಜನ್ಯ ಇಲ್ಲ, ಇಂತಹ ಅಽಕಾರಿಗಳಿಂದ ಅಭಿವೃದ್ಧಿ ಹೇಗೆ ನಿರೀಕ್ಷೆ ಮಾಡಲು ಸಾಧ್ಯ? ಗ್ರಾಪಂ ಪಿಡಿಒಗಳು ಕೇಂದ್ರ ಸ್ಥಾನಗಳಲ್ಲಿ ಇರುವುದೇ ಇಲ್ಲ, ಜನರು ಪ್ರತಿಯೊಂದು ತಮಗೆ ಪೋನ್ ಮಾಡುತ್ತಾರೆ. ನಮ್ಮ ಸಮಸ್ಯೆ ಯಾರಿಗೆ ಹೇಳಬೇಕು ಹೀಗೆ ಏರಿದ ಧ್ವನಿಯಲ್ಲಿ ಮಾತನಾಡಿದನ್ನು ಕಂಡು ಅರೆಕ್ಷಣ ದಂಗಾದ ಸಚಿವ ಡಾ.ಶರಣಪ್ರಕಾಶ ಪಾಟೀಲ್, ಶಾಸಕರೇ ಹೀಗೆ ಅಽಕಾರಿಗಳನ್ನು ದಬಾಯಿಸಬಾರದು, ಅಂತಹ ವೇದಿಕೆಯೂ ಇದು ಅಲ್ಲ. ಏನೇ ಇದ್ದರೂ ಸಮಾಧಾನದಿಂದ ಹೇಳಿ ಕೇಳಿ ಮಾಡಬೇಕು ಎಂದು ಶಾಂತಗೊಳಿಸಲು ಮುಂದಾದರು. ಕೋಪ ಕಡಿಮೆ ಮಾಡಿಕೊಳ್ಳದ ಶಾಸಕ ಕಂದಕೂರ ಅಽಕಾರಿಗಳ ನಿರ್ಲಕ್ಷ್ಯವನ್ನು ಎಳೆ, ಎಳೆಯಾಗಿ ಬಿಡಿಸಿದರು. ಹೀಗಾಗಿ ಇಬ್ಬರ ನಡುವೆ ಮಾತಿನ ಚಕಮಕಿ ನಡೆಯಿತು. ಆಗ ಮಧ್ಯ ಪ್ರವೇಶಿಸಿದ ಶಾಸಕ ದರ್ಶನಾಪುರ ವಾತವರಣ ತಿಳಿಗೊಳಿಸಿದರು.
