ವಿಜಯನಗರ ಅಲ್ಲ ಬ್ಯಾನರ್ ನಗರ: 'ಸ್ಥಳೀಯ ಶಾಸಕರಿಗೆ ಯಾವ ರೂಲ್ಸ್ ಅಪ್ಲೈ ಆಗೋಲ್ವಾ?' ಎಂದ ನೆಟ್ಟಿಗರು..Bengaluru

ಬ್ಯಾನರ್ ಅಳವಡಿಸಿ ಬೆಂಗಳೂರಿನ ಅಂದವನ್ನು ಹಾಳು ಮಾಡಬೇಡಿ. ನಿಯಮ ಉಲ್ಲಂಘಿಸಿದರೆ ಕಾನೂನು ಕ್ರಮ ಕೈಗೊಳ್ಳಬೇಕಾಗುತ್ತೆ ಎಂದು ಸಿಎಂ ಡಿಕೆ ಶಿವಕುಮಾರ್ ಹೇಳಿದ್ದರು. ಆದರೆ ಅವರದ್ದೇ ಸರ್ಕಾರದ ಶಾಸಕರು, ಅವರ ಅಭಿಮಾನಿಗಳು ವಾರ್ನಿಂಗ್​ಗೆ ಕ್ಯಾರೆ ಎನ್ನುತ್ತಿಲ್ಲ.

ಯಾವುದೇ ಹಬ್ಬ..ಶಾಸಕರ ಹುಟ್ಟು ಹಬ್ಬ ಬಂದರೆ ಸಾಕು ಶಾಸಕರ ಅಭಿಮಾನಿಗಳು, ಬೆಂಬಲಿಗರು ದೊಡ್ಡ ದೊಡ್ಡ ಪೋಸ್ಟರ್​ಗಳನ್ನು, ಬೃಹತ್ ಗಾತ್ರದ ಬ್ಯಾನರ್ ಹಾಕಿ ವಾಹನ ಸವಾರರಿಗೆ ಹಾಗೂ ಫುಟ್​ಪಾತ್​ನಲ್ಲಿ ಸಂಚರಿಸುವವರಿಗೆ ತೊಂದರೆಗೀಡು ಮಾಡುತ್ತಿದೆ. ಎಲ್ಲಿ ಕಣ್ಣಿಗೆ ಕುಕ್ಕುತ್ತವೆಯೋ, ಎಲ್ಲಿ ಸಿಕ್ಕಿ ಹಾಕಿಕೊಳ್ಳುತ್ತೀನೋ ತಲೆ ಮೇಲೆ ಬಿದ್ದು ಏನಾಗುತ್ತೋ ಎನ್ನುವ ಭಯದಲ್ಲಿ ಸಂಚರಿಸುವ ಸ್ಥಿತಿ ಎದುರಾಗಿದೆ.

ಕನ್ನಡದ ಸ್ಟಾಂಡ್ ಅಪ್ ಕಾಮಿಡಿಯನ್ ರಾಘವೇಂದ್ರ ಆಚಾರ್ಯಾ ಅವರು ಈ ಬಗ್ಗೆ ಹಾಸ್ಯಸ್ಪದವಾಗಿ ಹೇಳಿದ್ದರು. ಏನನ್ನನಾದರೂ ಪ್ರಶ್ನೆ ಮಾಡಿ ಎಂದು ಅಭಿಮಾನಿಗಳಿಗೆ ಕೊಟ್ಟ ಟಾಸ್ಕ್​​ನಲ್ಲಿ, ಇನ್​ಸ್ಟಾಗ್ರಾಮ್​ ಬಳಕೆದಾರನೊಬ್ಬ ನಿಮ್ಮ ವಾಸಸ್ಥಾನ ಎಲ್ಲಿ ಎಂದು ಕೇಳಿರುವ ಪ್ರಶ್ನೆಗೆ ಉತ್ತರಿಸಿದ ಅವರು, 'ಬೆಂಗಳೂರಲ್ಲಿ ವಿಜಯನಗರ ಇದೆ ಬ್ರೋ ಅಲ್ಲಿ ನನ್ನ ಮನೆ. ವಿಜಯನಗರ ಎಲ್ಲಿ ಬರುತ್ತೆ ಎಂದರೆ ಬ್ರೋ, ನೂರಾರು ಪೋಸ್ಟರ್ಸ್ ಇರತ್ತೆ ಅಣ್ಣನಿಗೆ ಹುಟ್ಟುಹಬ್ಬದ ಶುಭಾಷಯ ಅಂತ ಅಲ್ಲಿ ಸಂಧಿಯಲ್ಲಿ ಸಣ್ಣದೊಂದು ಮನೆ ನಂದು' ಎಂದು ವ್ಯಂಗ್ಯವಾಡಿದ್ದಾರೆ.

ಇದಕ್ಕೆ ಇನ್ ಸ್ಟಾಗ್ರಾಂ ಬಳಕೆದಾರರೊಬ್ಬರು..ನನ್ನ ಮಕ್ಕಳು ಇತ್ತೀಚೆಗೆ ಅವರು ದೇವರು ಎಂದು ಕೈ ಮುಗಿಯಲು ಶುರು ಮಾಡಿದ್ದಾರೆ ಎಂದು ಹೇಳಿದರು. ಇತ್ತೀಚೆಗೆ ಇದನ್ನೆಲ್ಲ ನೋಡಿ ಸಾಕಾಗಿದೆ ಎಂದು ಮತ್ತೊಬ್ಬರು ಹೇಳಿದ್ದಾರೆ.ಟ್ರಾವೆಲ್ ಹ್ಯಾಪಿ ಸೋಲ್ ಎನ್ನುವವರು ಪೋಸ್ಟ್ ಹಂಚಿಕೊಂಡೊದ್ದು, ವಿಜಯನಗರ ಪ್ರವೇಶಿಸುವ ಮುನ್ನ ಇಲ್ಲಿನ ಶಾಸಕರನ್ನು ಮೀಟ್ ಮಾಡಿ ಟ್ರೋಲ್​ ಮಾಡಿದ್ದಾರೆ.