ನೀಟ್: ವಿದ್ಯಾರ್ಥಿಗಳ ಬೆವರಿಳಿಸಿದ ಭೌತಶಾಸ ವಿಷಯ ಪ್ರಶ್ನೆಗಳು

ಇವೆಲ್ಲದರ ನಡುವೆ ಪರೀಕ್ಷೆಯನ್ನು ಕಟ್ಟುನಿಟ್ಟಾಗಿ ಮಾಡುವ ಜತೆಗೆ ಪ್ರಶ್ನೆಪತ್ರಿಕೆಯನ್ನು ತುಂಬಾ ಕಠಿಣವಾಗಿ ರೂಪಿಸಲಾಗಿದೆ ಎಂದು ವಿದ್ಯಾರ್ಥಿಗಳು ತೀವ್ರ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ರಾಷ್ಟ್ರೀಯ ಟೆಸ್ಟಿಂಗ್ ಏಜೆನ್ಸಿ (ಎನ್‌ಟಿಎ) ರೂಪಿಸಿರುವ ಪ್ರಶ್ನೆಪತ್ರಿಕೆಯು ಅಭ್ಯರ್ಥಿಗಳನ್ನು ಬೆಚ್ಚುಬೀಳುವಂತೆ ಮಾಡಿದೆ ಎಂದು ವಿದ್ಯಾರ್ಥಿ ರಾಕೇಶ್ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಮರು ಪರೀಕ್ಷೆಯು ಹಿಂದಿನ ಪರೀಕ್ಷೆಗಿಂತ ಹೆಚ್ಚು ಕಠಿಣವಾಗಿತ್ತು. ಶೇ.60-70ರಷ್ಟು ರ‌್ಯಾಂಕ್ ಪಡೆಯುವ ವಿದ್ಯಾರ್ಥಿಗಳು ಉತ್ತಮ ಸ್ಕೋರ್ ಮಾಡುವುದು ಅಸಾಧ್ಯವೆಂದೇ ಹೇಳಬಹುದು. ಏಕೆಂದರೆ, ಕೆಲವೊಂದು ಪ್ರಶ್ನೆಗಳು ತುಂಬಾ ಉದ್ದವಾಗಿ ನೀಡಲಾಗಿತ್ತು. ಇದರಿಂದ ವಿದ್ಯಾರ್ಥಿಗಳು ಲೆಕ್ಕ ಮಾಡುವುದು ಮತ್ತು ಸಮಯವನ್ನು ಸರಿದೂಗಿಸುವುದೇ ದೊಡ್ಡ ಸವಾಲಾಗಿತ್ತು.

ಭೌತಶಾಸ ಮತ್ತು ರಸಾಯನಶಾಸ ಪ್ರಶ್ನೆಗಳು ಜೀವಶಾಸಕ್ಕಿಂತ ಕಠಿಣವಾಗಿದ್ದವು. ಅದರಲ್ಲಿಯೂ 8 ಪ್ರಶ್ನೆಗಳು ತುಂಬಾ ಆಳವಾದ ಜ್ಞಾನವೊಂದಿದ್ದವರಿಗೆ ಮಾತ್ರ ಬಿಡಿಸಲು ಸಾಧ್ಯವೇ ವಿನಾ ವಿದ್ಯಾರ್ಥಿಗಳ ಹಂತದಲ್ಲಿ ಕಷ್ಟವೇ ಎನಿಸಬಹುದಾದ ಪ್ರಶ್ನೆಗಳಿದ್ದವು.

ಪ್ರಥಮ ಪಿಯುಸಿ ಪಠ್ಯಕ್ರಮದಿಂದ 20 ಮತ್ತು ದ್ವಿತೀಯ ಪಿಯುಸಿಯಿಂದ 25 ಪ್ರಶ್ನೆಗಳನ್ನು ತೆಗೆಯಲಾಗಿದೆ. ಇದರಲ್ಲಿ 5 ಪ್ರಶ್ನೆಗಳು ಗ್ರಾಪ್ಸ್ ಆಧಾರಿತ ಮತ್ತು 2 ಪ್ರಶ್ನೆಗಳನ್ನು ಪ್ರಾಯೋಗಿಕ ಭೌಶಾಸದ ಪ್ರಶ್ನೆಗಳಾಗಿವೆ. ಮೂರು ವರ್ಷಗಳ ಬಳಿಕ ಉಷ್ಣ ಗುಣಲಕ್ಷಣಗಳ ಪ್ರಶ್ನೆಗಳನ್ನು ಸೇರಿಸಲಾಗಿದೆ. ಇದನ್ನೂ ಯಾರೊಬ್ಬರು ಕೂಡ ನಿರೀಕ್ಷೆ ಮಾಡಿರಲಿಲ್ಲ ಎಂದು ಭೌತಶಾಸ ವಿಭಾಗದ ಮುಖ್ಯಸ್ಥರೊಬ್ಬರು ತಿಳಿಸಿದ್ದಾರೆ.

ಇನ್ನು ರಸಾಯನಶಾಸದಲ್ಲಿ ಭೌತಿಕ ಮತ್ತು ಸಾವಯವ ರಸಾಯನಶಾಸಕ್ಕೆ ಸಮಾನವಾಗಿ ಪ್ರಶ್ನೆಗಳನ್ನು ಕೇಳಲಾಗಿದೆ. ಸೂತ್ರ ಆಧಾರಿತವಾಗಿ (ಾರ್ಮುಲಾ ಬೇಸ್ಡ್) ಆಗಿ ಪ್ರಶ್ನೆಗಳಿದ್ದವು. ಎನ್‌ಸಿಇಆರ್‌ಟಿ ಪಠ್ಯಪುಸ್ತಕಗಳ ಪ್ರಶ್ನೆಗಳೇ ಇದ್ದವು.

ಜೀವಶಾಸದಲ್ಲಿ 52 ಪ್ರಶ್ನೆಗಳು ಮೊದಲ ಪಿಯುಸಿ ಮತ್ತು 38 ಪ್ರಶ್ನೆಗಳು ದ್ವಿತೀಯ ಪಿಯುಸಿಯಿಂದ ನೀಡಲಾಗಿತ್ತು. ಹೇಳಿಕೆ ಆಧಾರಿತ ಪ್ರಶ್ನೆಗಳು, ಪ್ರತಿಪಾದನೆ ಅನುಕ್ರಮ ಜೋಡಣೆ ಮತ್ತು ನೇರವಾದ ಪ್ರಶ್ನೆಗಳನ್ನು ಕೇಳಲಾಗಿತ್ತು. ಭೌತಶಾಸ ಮತ್ತು ರಸಾಯಶಾಸಕ್ಕೆ ಹೋಲಿಸಿದ್ದಲ್ಲಿ ಜೀವಶಾಸವು ಸುಲಭವಾಗಿತ್ತು ಎಂದು ಹೇಳಿದ್ದಾರೆ.

ಹೆಚ್ಚುವರಿಯಾಗಿ 15 ನಿಮಿಷ ನೀಡಿದ್ದು ಹೆಚ್ಚು ಅನುಕೂಲವಾಯಿತು. ಆದರೆ, ಪ್ರಶ್ನೆಪತ್ರಿಕೆ ತೀರಾ ಕಷ್ಟಕರವಾಗಿದ್ದರಿಂದ ಆ ಸಮಯ ಕೂಡ ಸಾಕಾಗಲಿಲ್ಲ ಎಂದು ವಿದ್ಯಾರ್ಥಿನಿ ತೃಪ್ತಿ ತಿಳಿಸಿದರು.