ಜು.11ಕ್ಕೆ ರಾಷ್ಟ್ರೀಯ ಲೋಕ ಅದಾಲತ್​

ಆಳಂದ: ತಾಲೂಕು ಕಾನೂನು ಸೇವಾ ಸಮಿತಿ ಆಶ್ರಯದಲ್ಲಿ ಜು.11ರಂದು ನ್ಯಾಯಾಲಯದಲ್ಲಿ ರಾಷ್ಟ್ರೀಯ ಲೋಕ ಅದಾಲತ್​ ಹಮ್ಮಿಕೊಳ್ಳಲಾಗಿದೆ ಎಂದು ಪ್ರಧಾನ ಸಿವಿಲ್​ ನ್ಯಾಯಾಧೀಶೆ ಸುಮನಾ ಚಿತ್ತರಗಿ ತಿಳಿಸಿದರು. 

ಜೆಎಂಎಫ್​ಸಿ ನ್ಯಾಯಾಲಯ ಆವರಣದಲ್ಲಿ ಬುಧವಾರ ಹಮ್ಮಿಕೊಂಡಿದ್ದ ಪೂರ್ವಭಾವಿ ಸಭೆಯಲ್ಲಿ ಅಧ್ಯಕ್ಷತೆ ವಹಿಸಿ ಮಾತನಾಡಿ, ಬ್ಯಾಂಕ್​ ವಸೂಲಾತಿ, ಮೋಟಾರ್​ ಅಪಘಾತ ಪರಿಹಾರ, ಮಿತ್ಯ ಹಾಗೂ ನೀರಿನ ಶುಲ್ಕ, ಭೂಸ್ವಾದಿನ, ರಾಜಿಯಾಗಬಲ್ಲ ಸಿವಿಲ್​ ಮತ್ತು ಕ್ರಿಮಿನಲ್​ ಪ್ರಕರಣ ಬಗ್ಗೆ ಚರ್ಚಿಸುವ ಸಲುವಾಗಿ ಈ ಸಭೆ ಹಮ್ಮಿಕೊಳ್ಳಲಾಗಿದೆ. ಲೋಕ ಅದಾಲತ್​ನ ಸದುಪಯೋಗ ಪಡೆದುಕೊಳ್ಳಬೇಕು ಎಂದು ಸಲಹೆ ನೀಡಿದರು.

ತಹಸೀಲ್ದಾರ್​ ಅಣ್ಣಾರಾವ ಪಾಟೀಲ್​, ಪಿಎಸ್​ಐ ಸಂಜೀವ ರೆಡ್ಡಿ, ಸಹಾಯಕ ಸರ್ಕಾರಿ ಅಭಿಯೋಜಕ ಜ್ಯೋತಿ ಬಂದಿ,   ಇಸ್ಮಾಯಿಲ್​ ಪಟೇಲ್​, ನ್ಯಾಯವಾದಿಗಳ ಸಂದ ತಾಲೂಕು ಅಧ್ಯಕ್ಷ ಕಮಲಾಕರ ರಾಠೋಡ್​, ಪಿಎಸ್​ಐ ಮಹಾಂತೇಶ ಪಾಟೀಲ್​, ಪ್ರಭಾರಿ ಬಿಇಒ ಅಣ್ಣಪ್ಪ ಹಾದಿಮನಿ, ಸಾರಿಗೆ ಟಕ ವ್ಯವಸ್ಥಾಪಕ ಯೋಗಿರಾಜ ಸರಸಂಬಿ ಇತರರಿದ್ದರು.