ಅರಿಕೆರೆ ಗ್ರಾಮದಲ್ಲೇ ಎಂಎಸ್​ಪಿಸಿ ಕೇಂದ್ರ ಮರುಪ್ರಾರಂಭಿಸಿ MSPC center

ತಾಲೂಕಿನ ಯಲ್ದೂರು ಹೋಬಳಿಯ ಅರಿಕೆರೆ ಗ್ರಾಮದಲ್ಲಿ ಶ್ರೀ ನಾಗನಾಥೇಶ್ವರಸ್ವಾಮಿ ದೇವಾಲಯ ಟ್ರಸ್ಟ್​ ಜಾಗದಲ್ಲಿ ಸುಮಾರು 18 ವರ್ಷಗಳಿಂದ ಸಿಡಿಪಿಒ ಕಚೇರಿಯಿಂದ ಎಂಎಸ್​ಪಿಸಿ ಟಕವನ್ನು ನಡೆಸಲಾಗುತ್ತಿದೆ. ಈ ಕೇಂದ್ರದಲ್ಲಿ ಸ್ಥಳಿಯ ಮಹಿಳಾ ಗುಂಪು ಕಾರ್ಯನಿರ್ವಹಿಸುತ್ತಿದ್ದು, ಇಲ್ಲಿ ಉತ್ತಮ ವಾತಾವರಣ ಇದ್ದರೂ ಯಾರದೋ ಒತ್ತಡಕ್ಕೆ ಮಣಿದು ನಮ್ಮ ಗಮನಕ್ಕೂ ತಾರದೆ ಶ್ರೀನಿವಾಸಪುರದ ಚಿಂತಾಮಣಿ ರಸ್ತೆಯ ಜೂಸ್​ ಫ್ಯಾಕ್ಟರಿ ಮುಂಭಾಗಲ್ಲಿನ ಬಾರ್​ ಆ್ಯಂಡ್​ ರೆಸ್ಟೋರೆಂಟ್​ ಸಮೀಪದ ಸ್ಥಳದಲ್ಲಿ ಎಂಎಸ್​ಪಿಸಿ ಟಕ ಪ್ರಾರಂಭಿಸಿರುವುದು ಸರಿಯಲ್ಲ ಎಂದು ಟ್ರಸ್ಟ್​ ಅಧ್ಯಕ್ಷ ರಮೇಶ್​ ಬಾಬು ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ಸುಮಾರು ವರ್ಷಗಳಿಂದ ನಮ್ಮ ದೇವಾಲಯಕ್ಕೆ ಸೇರಿದ ಆವರಣದಲ್ಲಿ ಎಂಎಸ್​ಪಿಸಿ ಕೇಂದ್ರ ಪ್ರಾರಂಭಿಸಿ ಈವರೆಗೆ ನಡೆಸಿಕೊಂಡು ಬರಲಾಗಿದೆ. ಕಾರ್ಮಿಕರಿಗೆ ಅಗತ್ಯ ಸೌಲಭ್ಯ ನೀಡಿದ್ದೇವೆ. ಮಾಸಿಕವಾಗಿ ಬರುತ್ತಿದ್ದ ಬಾಡಿಗೆ ಹಣ ದೇವಾಲಯದ ಅಭಿವೃದ್ಧಿಗೆ ವಿನಿಯೋಗವಾಗುತ್ತಿತ್ತು ಎಂದರು.

ಒಬ್ಬರ ಸ್ವಾರ್ಥಕ್ಕೆ ಎಂಎಸ್​ಪಿಸಿ ಕೇಂದ್ರವನ್ನು ಪಟ್ಟಣಕ್ಕೆ, ಅದರಲ್ಲೂ ಮಾವಿನಕಾಯಿ ಮಂಡಿಗಳ ಪ್ರಾಂಗಣದಲ್ಲಿ ತೆರೆಯಲಾಗಿದೆ. ಬೇಸಿಗೆ ಇರುವುದರಿಂದ ಶೀಟುಗಳ ಶೆಡ್ಡಿನಲ್ಲಿ ಪೂರಕ ಆಹಾರ ಪದಾರ್ಥ ಸಿದ್ಧಪಡಿಸುವುದು ಅವೈಜ್ಞಾನಿಕ ಎಂದರು.