ಸಚಿವ ಮುನಿಯಪ್ಪ ಸಿಎಂ ಆಗಲಿ

ಪ್ರಗತಿಪರ ಚಿಂತಕ ಡಾ.ಕಾಳೇನಹಳ್ಳಿ ನರಸಿಂಹಯ್ಯ ಮಾತನಾಡಿ, ನಮ್ಮ ಜನಾಂಗದ ಹಿರಿಯ ರಾಜಕಾರಣಿ, ಕೇಂದ್ರ ಸರ್ಕಾರದಲ್ಲಿ ಗುರುತಿಸಿಕೊಂಡು ಹೈಕಮಾಂಡ್​ ಜತೆಗೆ ಉತ್ತಮ ಒಡನಾಟ ಹೊಂದಿರುವ ಕೆ.ಎಚ್​.ಮುನಿಯಪ್ಪ ಅವರಿಗೆ ಮುಖ್ಯಮಂತ್ರಿಯಾಗಲು ಎಲ್ಲ ಅರ್ಹತೆಗಳಿವೆ. ಕಾಂಗ್ರೆಸ್​ ಹೈಕಮಾಂಡ್​ ಇವರ ಸೇವೆ ಗುರುತಿಸಿ ಸಿಎಂ ಮಾಡಲಿ ಎಂದು ಒತ್ತಾಯಿಸಿದರು.

ಮಧುಗಿರಿಯ ಶಕ್ತಿದೇವತೆ ಶ್ರೀ ದಂಡಿನ ಮಾರಮ್ಮನ ದೇವಸ್ಥಾನಕ್ಕೆ ತೆರಳಿ ವಿಶೇಷ ಪೂಜೆ ಸಲ್ಲಿಸಿ ನಂತರ ಪ್ರವಾಸಿ ಮಂದಿರಕ್ಕೆ ತೆರಳಿದ ಕೆ.ಎಚ್​.ಮುನಿಯಪ್ಪ ಸಮುದಾಯದ ಮುಖಂಡರ ಜತೆ ಕೆಲ ಕಾಲ ಚರ್ಚಿಸಿ, ಈಗಾಗಲೇ ರಾಜ್ಯಾದ್ಯಂತ ಮಾದಾರ ಮಹಾಸಭಾ ಸಂಘಟನೆ ತುಂಬಾ ಚುರುಕಾಗಿ ಸಂಘಟನೆಯಾಗುತ್ತಿದೆ. ಪ್ರತಿಯೊಬ್ಬರೂ ಸಂಘದ ಸದಸ್ಯತ್ವವನ್ನು ನೋಂದಾಯಿಸಿ ಬೆಂಬಲಿಸಬೇಕೆಂದು ಮನವಿ ಮಾಡಿದರು.

ಮುಖಂಡ ಎಚ್​.ಎಂ.ಟಿ.ನರಸೀಯಪ್ಪ, ದಸಾಪ ಅಧ್ಯಕ್ಷ ಮಹರಾಜು, ವಕೀಲ ನರಸಿಂಹಮೂರ್ತಿ, ಬಸವನಹಳ್ಳಿ ನಾಗರಾಜು, ಸಣ್ಣರಾಮಯ್ಯ, ಎಸ್​.ಕೆ.ರಂಗನಾಥ್​, ಎಸ್​.ಸಂಜಿವಯ್ಯ ಮತ್ತಿತರರು ಇದ್ದರು.