ಶೌರ್ಯ ತಂಡ ವಿಪತ್ತುಗಳನ್ನು ಸಮರ್ಥವಾಗಿ ಎದುರಿಸಲಿ

ನಗರದ ರನ್ನ ಗ್ರಂಥಾಲಯ ಸಭಾಭವನದಲ್ಲಿ ಭಾನುವಾರ ಆಯೋಜಿಸಲಾಗಿದ್ದ ಮುಧೋಳ ಮತ್ತು ಜಮಖಂಡಿ ತಾಲೂಕಿನ ಶೌರ್ಯ ತಂಡದ ಕೋರ್ ಕಮಿಟಿ ಸಭೆಯನ್ನು ಉದ್ಘಾಟಿಸಿ ಅವರು ಮಾತನಾಡಿದರು.

ಮುಧೋಳದಲ್ಲಿ 90 ಮತ್ತು ಜಮಖಂಡಿಯಲ್ಲಿ 95 ಸ್ವಯಂ ಸೇವಕರು ಕಾರ್ಯನಿರ್ವಹಿಸುತ್ತಿದ್ದು, ಮಳೆಗಾಲದ ಅವಘಡಗಳನ್ನು ನಿರ್ವಹಿಸುವ ಕುರಿತು ತರಬೇತಿ ನೀಡಲಾಗಿದೆ. ಡಾ. ವೀರೇಂದ್ರ ಹೆಗ್ಗಡೆಯವರ ಕಲ್ಪನೆ ಮತ್ತು ಹೇಮಾವತಿ ಅಮ್ಮನವರ ಆಶಯದಂತೆ ಕಳೆದ ಐದು ವರ್ಷಗಳಿಂದ ಈ ತಂಡ ಸೇವೆ ಸಲ್ಲಿಸುತ್ತಿದೆ.

ತಾಲೂಕು ಆಡಳಿತ ಮತ್ತು ಎನ್‌ಡಿಆರ್‌ಎಫ್ ನಿಂದ ತರಬೇತಿ ಪಡೆದ ಈ ತಂಡ ರಾಜ್ಯದ 91 ತಾಲೂಕುಗಳಲ್ಲಿ 10,470 ಸ್ವಯಂಸೇವಕರ ಮೂಲಕ ವಿಪತ್ತು ನಿರ್ವಹಣೆಯಲ್ಲಿ ತೊಡಗಿಸಿಕೊಂಡಿದೆ. ತುರ್ತು ಪರಿಸ್ಥಿತಿಗಳಿಗಾಗಿ ಲೈಫ್ ಜಾಕೆಟ್, ಸೇಪ್ಟಿ ಹೆಲ್ಮೆಟ್, ಚೈನ್ ಶೊ, ಸ್ಟ್ರಕ್ಚರ್, ರೋಪ್, ಮರ ಕೊಯ್ಯುವ ಯಂತ್ರ ಪರಿಕರಗಳನ್ನು ನೀಡಿದ್ದು ಅಗತ್ಯವಾಗಿ ಬಳಸಿಕೊಳ್ಳುವಂತೆ ತಿಳಿಸಲಾಗಿದೆ ಎಂದು ತಿಳಿಸಿದರು.

ಯೋಜನಾಧಿಕಾರಿ ಕಿಶೋರ್ ಕುಮಾರ್, ಕ್ಷೇತ್ರ ಯೋಜನಾಧಿಕಾರಿಗಳಾದ ರಾಜು ಕೆ., ನಿಂಗಪ್ಪ ಎನ್. ಇತರರಿದ್ದರು.