ರಾಜ್ಯ

ಮಾರಮ್ಮ ದೇವಿ ಪ್ರತಿಷ್ಠಾಪನಾ ಮಹೋತ್ಸವ ಸಂಪನ್ನ / DEVANAHALLI

ದೇವನಹಳ್ಳಿ ಮಾರಿಕಾಂಬ ದೇವಾಲಯದ 14ನೇ ವಾರ್ಷಿಕೋತ್ಸವದಲ್ಲಿ ಪುರಸಭೆ ಮುಖ್ಯಾಧಿಕಾರಿ ಎ.ಮುನಿರಾಜು, ಕೆಪಿಸಿಸಿ ಸದಸ್ಯ ಎ.ಚಿನ್ನಪ್ಪ, ಜಿಪಂ ಮಾಜಿ ಉಪಾದ್ಯಕ್ಷೆ ಅನಂತಕುಮಾರಿ ಇತರರು ಇದ್ದರು.
ದೇವನಹಳ್ಳಿ ಮಾರಿಕಾಂಬ ದೇವಾಲಯದ 14ನೇ ವಾರ್ಷಿಕೋತ್ಸವದಲ್ಲಿ ಪುರಸಭೆ ಮುಖ್ಯಾಧಿಕಾರಿ ಎ.ಮುನಿರಾಜು, ಕೆಪಿಸಿಸಿ ಸದಸ್ಯ ಎ.ಚಿನ್ನಪ್ಪ, ಜಿಪಂ ಮಾಜಿ ಉಪಾದ್ಯಕ್ಷೆ ಅನಂತಕುಮಾರಿ ಇತರರು ಇದ್ದರು.
ಬೆಂಗಳೂರು ಗ್ರಾಮಾಂತರ ಡೆಸ್ಕ್
Published on: 
ದೇವನಹಳ್ಳಿ : ಸಂಪ್ರದಾಯದಂತೆ ಪಟ್ಟಣದಲ್ಲಿನ ಪುಟ್ಟಪ್ಪನಗುಡಿ ಬೀದಿಯ ಬೋವಿ ನಗರದಲ್ಲಿ ಎರಡು ದಿನ ಶ್ರೀ ಮಾರಮ್ಮ ದೇವಿಯ 14ನೇ ಪ್ರತಿಷ್ಠಾಪನ ಮಹೋತ್ಸವ ಸಡಗರದಿಂದ ಸಂಪನ್ನಗೊಂಡಿತು.
ವಿಶೇಷವಾಗಿ ಕಳಸಸ್ಥಾಪನೆ, ಹೋಮ&ಹವನ, ದೇವತೆಯ ಮೆರವಣಿಗೆ, ದೇವಿಗೆ ವಿಶೇಷ ಹೂವಿನ ಅಲಂಕಾರ ಮಾಡಲಾಗಿತ್ತು. ಮಹಿಳೆಯರು ವಿವಿಧ ಬಗೆಯ ಹೂಗಳಿಂದ ತಯಾರಿಸಿದ ಪೂರ್ಣಕುಂಭ ಸಹಿತ ದೀಪಾರತಿ ಹೊತ್ತು ಪಟ್ಟಣದ ಪಮ್ರುಖ ಬೀದಿಗಳಲ್ಲಿ ಮೆರವಣಿಗೆ ಮಾಡಿ ಮಾರಮ್ಮ ದೇವಿಗೆ ದೀಪಾರತಿ ಸೇವೆ ಮಾಡಿದರು.
ದೇವಾಲಯದ ಟ್ರಸ್ಟಿ ಕೆಪಿಸಿಸಿ ಸದಸ್ಯ ಎ.ಚಿನ್ನಪ್ಪ ಮಾತನಾಡಿ, ಮಾರಮ್ಮ ದೇವಿ ದೇವಾಲಯದ ಜೀಣೋರ್ದ್ಧಾರದ ಬಳಿಕ ವಾರ್ಷಿಕೋತ್ಸವ ವೇಳೆ ಎರಡು ದಿನ ವಿಶೇಷ ಅಲಂಕಾರ, ಹೋಮ&ಹವನ, ಮಹಿಳೆಯರಿಂದ ತಂಬಿಟ್ಟು ದೀಪಾರತಿ, ಬಲಿಪ್ರಧಾನ ಮಾಡಿ ಮಾರಮ್ಮನ ಜತೆ ಗಂಗಮ್ಮ, ದೊಡ್ಡಮ್ಮ, ಕಾಳಮ್ಮ, ಮುನೇಶ್ವರ ಸ್ವಾಮಿಯನ್ನು ಪೂಜಿಸಲಾಗುವುದು. ಎಲ್ಲದೇವರನ್ನು ಹೂವಿನ ರಥಗಳಲ್ಲಿ ಪ್ರತಿಷ್ಠಾಪಿಸಿ ಪಟ್ಟಣದ ಪ್ರಮುಖ ಬೀದಿಗಳಲ್ಲಿ ಮೆರವಣಿಗೆ ಮಾಡಲಾಗುವುದು ಎಂದರು.
ಜಿಪಂ ಮಾಜಿ ಉಪಾಧ್ಯಕ್ಷೆ ಅನಂತಕುಮಾರಿ ಮಾತನಾಡಿದರು. ಪುರಸಭೆ ನಿವೃತ್ತ ಮುಖ್ಯಾಧಿಕಾರಿ ಎ.ಮುನಿರಾಜು, ಕೆಪಿಸಿಸಿ ಸದಸ್ಯ ಎ.ಚಿನ್ನಪ್ಪ, ಜಿಪಂ ಮಾಜಿ ಉಪಾಧ್ಯಕ್ಷೆ ಅನಂತಕುಮಾರಿ, ದೊಡ್ಡಬಳ್ಳಾಪುರ ನಗರಸಭೆ ಕಂದಾಯ ನಿರೀಕ್ಷಕ ನಾರಾಯಣಸ್ವಾಮಿ, ದೇವನಹಳ್ಳಿ ಪುರಸಭೆ ಕಂದಾಯ ನಿರೀಕ್ಷಕ ಎ.ಮಂಜುನಾಥ್​, ಗುತ್ತಿಗೆದಾರ ಭಾನುಪ್ರಕಾಶ, ಪುರಸಭೆ ನೌಕರ ಗೋಪಾಲ್​, ಅರ್ಚಕ ಪದ್ಮನಾಭ ಆಚಾರ್ಯ ಇತರರು ಭಾಗವಹಿಸಿದ್ದರು.
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net