ಸುಜ್ಜಲೂರು ವಿವಿಧೋದ್ದೇಶ ಸಹಕಾರ ಸಂಘಕ್ಕೆ ಎಂ.ರಾಜೇಂದ್ರ ಅಧ್ಯಕ್ಷ

ನಿಕಟಪೂರ್ವ ಅಧ್ಯಕ್ಷ ಚಂದ್ರಪ್ಪ ಅವರ ರಾಜಿನಾಮೆಯಿಂದ ತೆರವಾಗಿದ್ದ ಸ್ಥಾನಕ್ಕೆ ಸಂಘದ ಕಚೇರಿಯಲ್ಲಿ ನಡೆದ ಚುನಾವಣಾ ಪ್ರಕ್ರಿಯೆಯಲ್ಲಿ ಅಧ್ಯಕ್ಷ ಸ್ಥಾನಕ್ಕೆ ನಾಮಪತ್ರ ಸಲ್ಲಿಸಿದ್ದ ಮಹದೇವು 5 ಪಡೆದರೆ, ಎಂ.ರಾಜೇಂದ್ರ 7 ಮತಗಳನ್ನು ಪಡೆದು ವಿಜೇತರಾದರು. ಚುನಾವಣಾಧಿಕಾರಿಯಾಗಿ ಸಂಘದ ಕಾರ್ಯದರ್ಶಿ ಟಿ.ಆರ್.ಅಶೋಕ್ ಕಾರ್ಯ ನಿರ್ವಹಿಸಿದರು.

ಎಲ್ಲ ನಿರ್ದೇಶಕರ ಸಹಕಾರ ಸಹಕಾರ ಪಡೆದು ಸಂಘದ ಅಭಿವೃದ್ಧಿಗೆ ಶ್ರಮಿಸಲಾಗುವುದು. ಆ ಮೂಲಕ ಮಾದರಿಯನ್ನಾಗಿ ಮಾಡಲು ಶ್ರಮಿಸಲಾಗುವುದು ಎಂದು ಎಂ.ರಾಜೇಂದ್ರ ತಿಳಿಸಿದರು.

ಉಪಾಧ್ಯಕ್ಷ ದೊಡ್ಡಯ್ಯ, ನಿರ್ದೇಶಕರಾದ ಸೋಮಶೇಖರ್, ಎಚ್.ಪಿ.ಚಂದ್ರು, ನಾಗಲಾಂಬಿಕೆ, ಶಿವಲಿಂಗಮ್ಮ, ಮಹದೇವಸ್ವಾಮಿ, ರೇವಣ್ಣ, ಬ್ಯಾಂಕ್ ಪ್ರತಿನಿಧಿ ಬಸವರಾಜು, ಮನ್‌ಮುಲ್ ನಿರ್ದೇಶಕ ಆರ್.ಎನ್.ವಿಶ್ವಾಸ್, ಮಾಜಿ ನಿರ್ದೇಶಕ ಚನ್ನಪಿಳ್ಳೇಕೊಪ್ಪಲು ಸಿದ್ದೇಗೌಡ, ಮುಖಂಡರಾದ ಕಲ್ಕುಣಿ ದೇವರಾಜು, ಮಾರ್ಕಾಲ್ ಮಾಧು, ಹಂಗ್ರಾಪುರ ಪ್ರಭು, ಮೊಳ್ಳಯ್ಯ ಇತರರು ಇದ್ದರು.