ವಲಸೆ ಕಾರ್ಮಿಕರ ನೋಂದಣಿಗೆ ಮಾರ್ಗಸೂಚಿ ರಚಿಸಿ| High court

ವಿಚಾರಣಾ ನ್ಯಾಯಾಲಯದ ಆದೇಶ ಪ್ರಶ್ನಿಸಿ ರಾಜ್ಯ ಸರ್ಕಾರ ಸಲ್ಲಿಸಿದ್ದ ಮೇಲ್ಮನವಿಯನ್ನು ಪುರಸ್ಕರಿಸಿರುವ ನ್ಯಾಯಮೂರ್ತಿಗಳಾದ ಎಚ್​.ಪಿ. ಸಂದೇಶ್​ ಮತ್ತು ಟಿ. ವೆಂಕಟೇಶ್​ ನಾಯ್ಕ್​ ಅವರಿದ್ದ ವಿಭಾಗೀಯ ನ್ಯಾಯಪೀಠವು ಈ ಆದೇಶ ನೀಡಿದೆ. ತೀರ್ಪಿನಲ್ಲಿ ವಲಸೆ ಕಾರ್ಮಿಕರು ಅಪರಾಧ ಕೃತ್ಯಗಳಲ್ಲಿ ತೊಡಗುತ್ತಿರುವ ಪ್ರಕರಣಗಳ ಸಂಖ್ಯೆಯಲ್ಲಿ ಇತ್ತೀಚೆಗೆ ಏರಿಕೆಯಾಗುತ್ತಿದೆ ಎಂದು ಅಭಿಪ್ರಾಯಪಟ್ಟಿರುವ ನ್ಯಾಯಪೀಠ, ವಲಸೆ ಕಾರ್ಮಿಕರ ನೋಂದಣಿ ಮತ್ತು ಹಿನ್ನಲೆ ಪರಿಶೀಲನೆಗಾಗಿ ಮಾರ್ಗಸೂಚಿಗಳನ್ನು ಬಿಡುಗಡೆ ಮಾಡುವಂತೆ ರಾಜ್ಯ ಸರ್ಕಾರಕ್ಕೆ ನಿರ್ದೇಶನ ನೀಡಿದೆ. 

ಪ್ರಕರಣದ ಹಿನ್ನಲೆ:

ನಗರದ ಐಐಎಸ್​ಸಿಯ ನಿವೃತ್ತ ಪ್ರೊೆಸರ್​ ಆಗಿದ್ದ ಪುರುಷೋತ್ತಮ ಲಾಲ್​ ಸಚ್​ದೇವ್​ ಅವರು ತಮ್ಮ ಪತ್ನಿ ಮತ್ತು ಪುತ್ರನೊಂದಿಗೆ ಆರ್​.ಟಿ. ನಗರದ ಮನೆಯಲ್ಲಿ ವಾಸವಾಗಿದ್ದರು. ಇವರ ಮನೆಯಲ್ಲಿ ಕೆಲಸಕ್ಕಿದ್ದ ದಂಪತಿಗಳಾದ ಪಶ್ಚಿಮ ಬಂಗಾಳ ಮೂಲದ ದೀಪಕ್​ ಹಲ್ದಾರ್​ ಮತ್ತು ಸುಚಿತ್ರಾ ಎಂಬವರು ಸಂಚು ರೂಪಿಸಿ 2009ರ ಫೆ. 16ರಂದು ಮೂವರನ್ನು ಕೊಲೆಗೈದು, ಚಿನ್ನಾಭರಣ ದೋಚಿ ಪರಾರಿಯಾಗಿದ್ದರು. ಇವರ ಕೃತ್ಯಕ್ಕೆ ಮಹಮ್ಮದ್​ ಸರ್ಬಾಲ್​ ಮತ್ತು ಬಿದನ್​ ಶಿಕಾರಿ ಸಹಾಯ ಮಾಡಿದ್ದರು. ಆರೋಪಿಗಳನ್ನು 30 ದಿನಗಳ ನಂತರ ಬಂಧಿಸಿದ್ದ ಪೊಲೀಸರು ಚಾರ್ಜ್​ಶೀಟ್​ ಸಲ್ಲಿಸದ್ದರು. ಆದರೆ, ವಿಚಾರಣಾ ನ್ಯಾಯಾಲಯವು 2016ರ ಫೆ. 29ರಂದು ಇವರನ್ನು ಪ್ರಕರಣದಿಂದ ಖುಲಾಸೆಗೊಳಿಸಿತ್ತು. ಈ ಆದೇಶ ಪ್ರಶ್ನಿಸಿ ರಾಜ್ಯ ಸರ್ಕಾರ ಹೈಕೋರ್ಟ್​ಗೆ ಮೇಲ್ಮನವಿ ಸಲ್ಲಿಸಿತ್ತು.