ಯುವಕರು ವ್ಯಸನ ಬಿಟ್ಟು ಕ್ರೀಡೆಯಲ್ಲಿ ಭಾಗಿಯಾಗಲಿ

ಸೇಡಂ: ಕ್ರೀಡೆಗಳಿಂದ ದೈಹಿಕ ಸಾಮರ್ಥ್ಯ ಹೆಚ್ಚಾಗುವುದರ ಜತೆಗೆ ಬೌದ್ಧಿಕ ಮಟ್ಟ ವೃದ್ಧಿಯಾಗುತ್ತದೆ. ಹೀಗಾಗಿ ಪ್ರತಿಯೊಬ್ಬರೂ ಕ್ರೀಡಾ ಚಟುವಟಿಕೆಗಳಲ್ಲಿ ಭಾಗಿಯಾಗಬೇಕು ಎಂದು ಸಿಪಿಐ ಮಹಾದೇವ ದಿಡ್ಡಿಮನಿ ಹೇಳಿದರು.

ತಾಲೂಕು ಕ್ರೀಡಾಂಗಣದಲ್ಲಿ ಆರ್​ಆರ್​ ಚಾಂಪಿಯನ್ಸ್​ ಸೀಸನ್​&3 ಪ್ರೀಮಿಯರ್​ ಲೀಗ್​ಗೆ ಮಂಗಳವಾರ ಸಂಜೆ ಚಾಲನೆ ನೀಡಿ ಮಾತನಾಡಿದ ಅವರು, ಇಂದಿನ ತಂತ್ರಜ್ಞಾನ ಯುಗದಲ್ಲಿ ಯುವ ಜನತೆ ದುಶ್ಚಟಗಳಿಗೆ ಬಲಿಯಾಗುತ್ತಿದ್ದು, ಯುವಕರನ್ನು ವ್ಯಸನದಿಂದ ದೂರವಿಡಲು ಕ್ರೀಡೆಗಳು ಸಹಾಯಕವಾಗಿವೆ. ಮೊಬೈಲ್​, ಕಂಪ್ಯೂಟರ್​ ಗೇಮ್​ಗಳನ್ನು ಬಿಟ್ಟು, ಖೋಖೋ, ಕಬಡ್ಡಿ, ವಾಲಿಬಾಲ್​ನಂತಹ ಆಟಗಳಲ್ಲಿ ತೊಡಗಸಿಕೊಳ್ಳಬೇಕು. ಕ್ರಿಕೆಟ್​ ಇಂದಿನ ಯುವಕರ ಅಚ್ಚುಮೆಚ್ಚಿನ ಆಟವಾಗಿದೆ. ಕ್ರಿಕೆಟ್​ ಜತೆಗೆ ದೇಶಿಯ ಕ್ರಿಡೆಗಳಿಗೆ ಉತ್ತೇಜನ ನೀಡಬೇಕು ಎಂದು ಅಭಿಪ್ರಾಯಪಟ್ಟರು.

ಪುರಸಭೆ ಮಾಜಿ ಉಪಾಧ್ಯಕ್ಷ ಶಿವಾನಂದಸ್ವಾಮಿ ಮಾತನಾಡಿ, ಸೇಡಂನ ಯುವಕರು ಕ್ರಿಕೆಟ್​ನಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಬಲ್ಲ ಸಾಮರ್ಥ್ಯ ಹೊಂದಿದ್ದಾರೆ. ಆದರೆ ಅವರಿಗೆ ಸೂಕ್ತ ವೇದಿಕೆ ಅವಶ್ಯಕತೆ ಇತ್ತು. ಅದನ್ನು ಕಲ್ಪಿಸಿಕೊಡುವ ಕೆಲಸ ಆಯೋಜಕ ಹಫೀಜ್​ ಮಾಡಿದ್ದಾರೆ. ಇದು ಹೀಗೆ ನಿರಂತರವಾಗಿ ನಡೆಯಲಿ ಎಂದರು.

ಪುರಸಭೆ ಮಾಜಿ ಅಧ್ಯಕ್ಷ ವೀರೇಂದ್ರ ರುದ್ನೂರ, ಮಾಜಿ ಸದಸ್ಯರಾದ ಅಬ್ದುಲ್​ ರಸೀದ್​ ರಂಜೋಳ, ಹಾಜಿ ನಾಡೇಪಲ್ಲಿ, ದೇವು ದೊರೆ, ಪ್ರಮುಖರಾದ ಯೂನೂಸ್​ ಸವೇರಾ, ಈರಣ್ಣಗೌಡ ರೆಮ್ಮಣ್ಣಿ, ದೀಪಕ್​ ಎಂ.ಜಿ., ಎಂ.ಡಿ.ಸುಲೇಮಾನ್​, ಖಾಸೀಂಸಾಬ್​ ಊಡಗಿ, ವಿಷ್ಣು ಊಡಗಿ, ರಾಬೀನ್​ಸನ್​ ಹೋಸಳ್ಳಿಕರ್​, ಮಂಜುನಾಥ, ಸೋಮಶೇಖರ ಬಿಬ್ಬಳ್ಳಿ, ಬಸವರಾಜ ಹೊಸಮನಿ ಇತರರಿದ್ದರು.

ನಮ್ಮ ಭಾಗದ ಕ್ರೀಡಾಸಕ್ತರಿಗೆ ಸೂಕ್ತ ವೇದಿಕೆ ಕೊರತೆಯಿದೆ. ಸ್ಥಳಿಯ ಜನಪ್ರತಿನಿಧಿಗಳು ಪಾತೀತವಾಗಿ ಒಗ್ಗೂಡಿ ಸ್ಥಳಿಯ ಪ್ರತಿಬೆಗಳನ್ನು ಪೋತ್ಸಾಹಿಸುವ ಕೆಲಸ ಮಾಡಬೇಕಿದೆ. ಪ್ರತಿ ಗ್ರಾಪಂ ವ್ಯಾಪ್ತಿಯಲ್ಲಿ ಕ್ರೀಡಾಂಗಣ ನಿರ್ಮಾಣ ಮಾಡಬೇಕು. ಆ ಮೂಲಕ ಇಲ್ಲಿನ ಕ್ರೀಡಾಪಟುಗಳಿಗೆ ಸೂಕ್ತ ವೇದಿಕೆ ಕಲ್ಪಿಸಬೇಕು.