ಲಿಂಗಾಯತ ಸಮುದಾಯ ಒಗ್ಗಟ್ಟು ಪ್ರದರ್ಶಿಸಲಿ

ತಾಲೂಕಿನ ಹೇರೂರು ಗ್ರಾಮದ ಶ್ರೀ ಗುರು ಸಿದ್ಧರಾಮೇಶ್ವರ ಸಮುದಾಯ ಭವನದಲ್ಲಿ ತಾಲೂಕು ಬಸವ ಜಯಂತಿ ಆಚರಣಾ ಸಮಿತಿಯಿಂದ ಆಯೋಜಿಸಿದ್ದ ಬಸವ ಜಯಂತಿ ಹಾಗೂ ಬಸವ ತತ್ವ ಚಿಂತನಾ ಸಮಾರಂಭದಲ್ಲಿ ಮಾತನಾಡಿ, ಬರ ಪೀಡಿತ ಪ್ರದೇಶಗಳಲ್ಲಿ ಗುಬ್ಬಿ ತಾಲೂಕು ಕೂಡಾ ಸೇರಿದ್ದ ಕಾಲ ಸರಿದು, ಇಂದು ರಾಜ್ಯದ ಉತ್ತಮ ಎರಡನೇ ತಾಲೂಕು ಎನಿಸಿದೆ. ಇಲ್ಲಿನ ಶರಣರ ಅನುಭಾವ ನಮ್ಮ ಯುವಕರಲ್ಲಿ ಮನೆ ಮಾಡಬೇಕು. ದುಶ್ಚಟಗಳಿಂದ ದೂರವಿದ್ದು, ನಮ್ಮ ಸಮಾಜವನ್ನು ಎಲ್ಲ ಕ್ಷೇತ್ರದಲ್ಲಿ ಅತ್ಯುತ್ತಮವಾಗಿ ಬೆಳೆಸಬೇಕು ಎಂದು ತಿಳಿಸಿದರು.

ಬಿಜೆಪಿ ಮುಖಂಡ ಎಸ್​.ಡಿ.ದಿಲೀಪ್​ ಕುಮಾರ್​ ಮಾತನಾಡಿ, ಬಸವ ತತ್ವಗಳ ಜತೆಗೆ ಮಕ್ಕಳಿಗೆ ಶಿಕ್ಷಣಕ್ಕೆ ಪ್ರೋತ್ಸಾಹ ನೀಡಲು ಪ್ರತಿಭಾ ಪುರಸ್ಕಾರ ಪ್ರದಾನ ಮಾಡಲಾಗುತ್ತಿದೆ. ಮಕ್ಕಳಲ್ಲಿ ತಂದೆ&ತಾಯಿಯ ಬಗ್ಗೆ ಅರಿವು ಮೂಡಬೇಕು. ಹೆಚ್ಚು ಓದಿ ವಿದೇಶದಲ್ಲಿ ನೆಲೆಸುವ ಮಕ್ಕಳು ವೃದ್ಧಾಶ್ರಮದ ದಾರಿ ತೋರುತ್ತಾರೆ. ಈ ಅಚಾತುರ್ಯ ನಡೆಯುವ ಮುನ್ನ ಮಕ್ಕಳನ್ನು ಸಂಸ್ಕಾರವಂತರಾಗಿ ಸಿದ್ಧಪಡಿಸಿ ಎಂದು ಕರೆ ನೀಡಿದರು.

ಜಿಪಂ ಮಾಜಿ ಸದಸ್ಯ ಪಿ.ಬಿ.ಚಂದ್ರಶೇಖರಬಾಬು ಮಾತನಾಡಿ, ಬಸವಣ್ಣ ಅವರ ಬಗ್ಗೆ ಇಂದಿನ ಮಕ್ಕಳಿಗೆ ತಿಳಿಸಬೇಕಿದೆ. ಪ್ರತಿಭಾವಂತ ಮಕ್ಕಳು ನಮ್ಮ ಸಮಾಜ ತಿದ್ದುವ ಕೆಲಸ ಮಾಡಲಿ ಎಂಬ ಉದ್ದೇಶಕ್ಕೆ ಈ ಕಾರ್ಯಕ್ರಮವನ್ನು ಮಕ್ಕಳ ಉಪಸ್ಥಿತಿಯಲ್ಲಿ ನಡೆಸಿದ್ದೇವೆ ಎಂದರು.ಬೆಟ್ಟದಹಳ್ಳಿ ಮಠದ ಶ್ರೀ ಚಂದ್ರಶೇಖರ ಸ್ವಾಮೀಜಿ ಮಾತನಾಡಿ, ಬಸವ ತತ್ವ ಹಾಗೂ ಆದರ್ಶಗಳನ್ನು ಅನುಷ್ಠಾನಕ್ಕೆ ತರಲು ಬಸವ ಜಯಂತಿ ಆಚರಣೆ ಅಗತ್ಯವಿದೆ ಎಂದರು.

ಮುಂಡುಗೋಡು ಶ್ರೀ ಬಸವೇಶ್ವರ ಮಾತಾಜಿ ಮಾತನಾಡಿ, ಕಾರ್ತಿಕ ಕತ್ತಲಲ್ಲಿ ಜನಿಸಿದ ಬಸವಣ್ಣ ಜಾತಿ ವ್ಯವಸ್ಥೆ, ಧಾರ್ಮಿಕ ಅಸಮಾನತೆ, ಹೆಣ್ಣುಮಕ್ಕಳ ರ್ನಿಲಕ್ಷ$್ಯ ಬಗ್ಗೆ ಧ್ವನಿ ಎತ್ತಿದ್ದರು. ಚಿಕ್ಕ ವಯಸ್ಸಿನಲ್ಲಿ ಧಾರ್ಮಿಕ ಕಂದಾಚಾರ ವಿರುದ್ಧ ಸಿಡಿದು ಕೂಡಲ ಸಂಗಮದಲ್ಲಿ ಅನುಭವ ಮಂಟಪ ಕಟ್ಟಿ ದೇಶ, ವಿದೇಶಕ್ಕೆ ಸಾಮಾಜಿಕ ಪರಿವರ್ತನೆಯ ಸಂದೇಶ ನೀಡಿದ್ದರು ಎಂದರು.

ಗುಬ್ಬಿ ಶ್ರೀ ಚನ್ನಬಸವೇಶ್ವರಸ್ವಾಮಿ ದೇವಾಲಯದಿಂದ ಬಸವಣ್ಣ ಪುತ್ಥಳಿ ಮೆರವಣಿಗೆ ನಡೆಸಲಾಯಿತು. ತೊರೆಮಠದ ಶ್ರೀ ಅಟವಿ ಚನ್ನಬಸವ ಸ್ವಾಮೀಜಿ, ಅಖಿಲ ಭಾರತ ವೀರಶೈವ ಲಿಂಗಾಯತ ಮಹಾಸಭಾದ ಕೇಂದ್ರ ಪ್ರಧಾನ ಕಾರ್ಯದರ್ಶಿ ಸಾಗರನಹಳ್ಳಿ ನಟರಾಜು, ತಾಲೂಕು ಅಧ್ಯಕ್ಷ ಮಂಜುನಾಥ್​, ಮುಖಂಡರಾದ ಎನ್​.ಸಿ.ಪ್ರಕಾಶ್​, ರುದ್ರೇಶ್​, ಹಿತೇಶ್​, ಮಲ್ಲಿಕಾರ್ಜುನ್​, ಉಪನ್ಯಾಸಕ ಡಾ.ಮಂಜುನಾಥ್​, ಬಸವ ಜಯಂತಿ ಆಚರಣಾ ಸಮಿತಿಯ ಪಾಲನೇತ್ರಪ್ಪ, ದಿವ್ಯಪ್ರಕಾಶ್​, ವಿಶ್ವನಾಥ್​, ಜಯಣ್ಣ, ಪಪಂ ಮಾಜಿ ಸದಸ್ಯ ಜಿ.ಆರ್​.ಶಿವಕುಮಾರ್​, ಪ್ರೌಢಶಾಲಾ ಸಹ ಶಿಕ್ಷಕರ ಸಂಘದ ಜಿಲ್ಲಾಧ್ಯಕ್ಷ ಉಮೇಶ್​ ಇತರರು ಇದ್ದರು.