ಕಲ್ಯಾಣ ಕರ್ನಾಟಕಕ್ಕೆ ಖರ್ಗೆ ಕೊಡುಗೆ ಅಪಾರ

ಹುಮನಾಬಾದ್​: ರಾಜ್ಯ ಹಾಗೂ ಕಲ್ಯಾಣ ಕರ್ನಾಟಕ ಭಾಗದ ಅಭಿವೃದ್ಧಿಗೆ ಎಐಸಿಸಿ ಅಧ್ಯಕ್ಷ ಡಾ. ಮಲ್ಲಿಕಾರ್ಜುನ ಖರ್ಗೆ ಕೊಡುಗೆ ಅಪಾರವಾಗಿದೆ ಎಂದು ಡಿಸಿಸಿ ಬ್ಯಾಂಕ್​ ಉಪಾಧ್ಯಕ್ಷ ಅಭಿಷೇಕ್​ ಪಾಟೀಲ್​ ಹೇಳಿದರು.

ಪಟ್ಟಣದ ಮಾಜಿ ಸಚಿವ ರಾಜಶೇಖರ ಪಾಟೀಲ್​ ಗೃಹ ಕಚೇರಿಯಲ್ಲಿ ಮಂಗಳವಾರ ಹಮ್ಮಿಕೊಂಡಿದ್ದ ರ್ಖಗೆ ಅವರ 84ನೇ ಜನ್ಮದಿನ ಕಾರ್ಯಕ್ರಮದಲ್ಲಿ ಕೇಕ್​ ಕತ್ತರಿಸಿ ಮಾತನಾಡಿದ ಅವರು, 371(ಜೆ) ವಿಧಿ ಜಾರಿಗೊಳಿಸುವಲ್ಲಿ ರ್ಖಗೆ ಪಾತ್ರ ಮಹತ್ವದ್ದಾಗಿದ್ದು, ಈ ಭಾಗದ ವಿದ್ಯಾರ್ಥಿಗಳು ಹಾಗೂ ಯುವಕರಿಗೆ ಶಿಕ್ಷಣ ಮತ್ತು ಉದ್ಯೋಗದಲ್ಲಿ ಹೆಚ್ಚಿನ ಅವಕಾಶ ದೊರೆಯುವಂತಾಗಿದೆ ಎಂದರು.

ಬಳಿಕ ಕಾಂಗ್ರೆಸ್​ ಮುಖಂಡರು ಸಿಹಿ ಹಂಚಿಕೊಂಡು ಸಂಭ್ರಮಿಸಿದರು. ಸಾರ್ವಜನಿಕ ಆಸ್ಪತ್ರೆಗೆ ತೆರಳಿ ರೋಗಿಗಳಿಗೆ ಹಣ್ಣು ವಿತರಿಸಿದರು. ಕಾಂಗ್ರೆಸ್​ ಪಕ್ಷದ ಪ್ರಮುಖರಾದ ಅಫ್ಸರ್​ಮಿಯಾ, ಉಮೇಶ ಜಮಗಿ, ಮಲ್ಲಿಕಾರ್ಜುನ ಮಾಳಶಟ್ಟಿ, ಮಹೇಶ ಅಗಡಿ, ಗಣೇಶ ಪಾಟೀಲ್​, ಸುರೇಶ ಘಾಂಗ್ರೆ, ಮುಕ್ರಮ ಜಾ, ವಿಜಯಕುಮಾರ ನಾತೆ, ಶ್ರೀನಾಥ ದೇವಣಿ, ಮಾರುತಿ ಕಂದಾರಿ, ದೇವೇಂದ್ರ ಪೋಲಾ, ಅವಿನಾಶ ಪೊಲದಾಸ್​, ಮನೋಜ ಕೊಟೇಕರ,ಲಖನ್​ ಕೋಳಿವಾಡ, ಶಿವಾನಂದ ಕಟ್ಟಿಮನಿ, ನರಸಪ್ಪ ಪರಸನೋರ್​ ಇತರರಿದ್ದರು.