ಹುನಗುಂದ ಕ್ಷೇತ್ರದ ಅಭಿವೃದ್ಧಿಗೆ ಕಾಶಪ್ಪನವರ ಕೊಡುಗೆ ಅಪಾರ

ನಗರದ ಬಸವ ಮಂಟಪದಲ್ಲಿ ಶನಿವಾರ ಹಮ್ಮಿಕೊಂಡ ಎಸ್.ಆರ್. ಕಾಶಪ್ಪನವರ 24ನೇ ಪುಣ್ಯಸ್ಮರಣೆ ಕಾರ್ಯಕ್ರಮ ನಿಮಿತ್ತ ಎಸ್ಸೆಸ್ಸೆಲ್ಸಿ, ದ್ವಿತೀಯ ಪಿಯುಸಿ ಪ್ರತಿಭಾನ್ವಿತ ವಿದ್ಯಾರ್ಥಿಗಳ ಪ್ರತಿಭಾ ಪುರಸ್ಕಾರ ಹಾಗೂ ವಿಶೇಷ ಸಾಧಕರ ಗೌರವ ಸತ್ಕಾರ ಸಮಾರಂಭದಲ್ಲಿ ಅವರು ಮಾತನಾಡಿದರು.

ಕಾಶಪ್ಪನವರ ಮನೆತನವು ಗುರುಲಿಂಗ ಜಂಗಮದ ಸಂಸ್ಕಾರ ಹೊಂದಿದೆ. ಯಾವುದೇ ಕಾರಣಕ್ಕೂ ಗುರುಲಿಂಗ ಜಂಗಮದ ಮಾತುಗಳನ್ನು ಮೀರಿ ನಡೆದುಕೊಳ್ಳುವುದಿಲ್ಲ. ತಂದೆಯಂತೆಯೇ ವಿಜಯಾನಂದ ಕಾಶಪ್ಪನವರು ಜನರ ಸೇವೆ ಕ್ಷೇತ್ರದಲ್ಲಿ ಮುಂದುವರಿದುಕೊಂಡು ಹೋಗುತ್ತಿದ್ದಾರೆ ಎಂದರು.

ಶಾಸಕ ವಿಜಯಾನಂದ ಕಾಶಪ್ಪನವರ ಮಾತನಾಡಿ, ನಮ್ಮ ತಂದೆ ಎಸ್.ಆರ್. ಕಾಶಪ್ಪನವರ ಸಮಾಜ, ಜನಸೇವೆ ಮತ್ತು ಲಿಂಗ- ಜಂಗಮ ದಾಸೋಹದಲ್ಲಿ ನಂಬಿಕೆ ಇರಿಸಿ ಜನರ ಕಷ್ಟಗಳಿಗೆ ದಿನದ 24 ಗಂಟೆ ಕಷ್ಟಗಳಿಗೆ ಸ್ಪಂದಿಸುವ ಮೂಲಕ ರಾಜಕೀಯದಲ್ಲಿ ಹೆಜ್ಜೆ ಇಟ್ಟು ಜನರ ಮೇಲೆ ನಂಬಿಕೆಯಿಂದ ಸಚಿವರಾಗಿ ತಮ್ಮ 54ನೇ ವಯಸ್ಸಿನಲ್ಲಿ ಮರೆಯಾದರು.

ಎಸ್ಸೆಸ್ಸೆಲ್ಸಿ ವಿಭಾಗದಲ್ಲಿ 88, ಪಿಯುಸಿ ವಿಭಾಗದಲ್ಲಿ 44 ವಿದ್ಯಾರ್ಥಿಗಳು ಹಾಗೂ ಸಾಧಕರನ್ನು ಸನ್ಮಾನಿಸಿ ಗೌರವಿಸಲಾಯಿತು.

ಎಸ್‌ಆರ್‌ಕೆ ಪ್ರತಿಷ್ಠಾನದ ಗೌರವಾಧ್ಯಕ್ಷೆ ಮಾಜಿ ಶಾಸಕಿ ಗೌರಮ್ಮ ಕಾಶಪ್ಪನವರ, ಕಾರ್ಯದರ್ಶಿ ಬಸವರಾಜ ಶಿರೂರ, ಸದಸ್ಯ ಸಿ.ವಿ. ಕೋಟಿ, ಖಜಾಂಚಿ ದೇವಾನಂದ ಕಾಶಪ್ಪನವರ, ತರಣಪ್ಪ ಆಮದಿಹಾಳ, ಶೇಖರಪ್ಪ ಬಾದವಾಡಗಿ, ಸಿದ್ದಪ್ಪ ಹೊಸೂರ, ಶಿವಾನಂದ ಕಂಠಿ, ಸಂಗಣ್ಣ ಗಂಜಿಹಾಳ, ದೇವು ಡಂಬಳ, ರವಿ ಹುಚನೂರ, ನೀಲಪ್ಪ ತಪೇಲಿ, ಗಂಗಣ್ಣ ಬಾಗೇವಾಡಿ, ಬಸವರಾಜ ಜಾಲಿಹಾಳ, ಮಹಾಂತೇಶ ಅವಾರಿ, ಸುಧಾರಾಣಿ ಸಂಗಮ ಇತರರಿದ್ದರು. ಜಿಪಂ ಮಾಜಿ ಅಧ್ಯಕ್ಷೆ ವೀಣಾ ಕಾಶಪ್ಪನವರ ಸ್ವಾಗತಿಸಿದರು. ಎಸ್.ಕೆ. ಕೊನೆಸಾಗರ ನಿರೂಪಿಸಿದರು.