ಮೃತ ಭಿಕ್ಷುಕಿ ಮನೆಯಲ್ಲಿತ್ತು ಲಕ್ಷ ಲಕ್ಷ ಹಣ; 30 ಚೀಲದಲ್ಲಿ ನೋಟು, ಚಿಲ್ಲರೆ ಸೇರಿದಂತೆ 8.40 ಲಕ್ಷ ರೂ.ಪತ್ತೆ..Mandya

ಪ್ರಮುಖ ಮುಖ್ಯಾಂಶಗಳು

• ಮಂಡ್ಯದಲ್ಲಿ ಭಿಕ್ಷುಕಿ ಮೃತ; ಮನೆಯಲ್ಲಿ ಕಂತು ಕಂತು ನೋಟುಗಳು ಪತ್ತೆ.
• ಭಿಕ್ಷಾಟನೆ ಮಾಡಿ 30 ಚೀಲದಲ್ಲಿ 8.40 ಲಕ್ಷ ರೂ. ಹಣ ತುಂಬಿಸಿಟ್ಟಿದ್ದ ಭಿಕ್ಷುಕಿ.
• ನೋಟು, ಚಿಲ್ಲರೆಗಳನ್ನು ಎಣಿಕೆ ಮಾಡಿ ಸಂಬಂಧಿಕರಿಗೆ ಕೊಟ್ಟ ಸ್ಥಳೀಯರು.

ಮಂಡ್ಯ: ಭಿಕ್ಷೆ ಬೇಡಿ ಜೀವನ ನಡೆಸುತ್ತಿದ್ದ ವೃದ್ಧೆಯೊಬ್ಬರು ವಯೋಸಹಜ ಕಾಯಿಲೆಯಿಂದ ಮಂಡ್ಯದಲ್ಲಿ ಶನಿವಾರ ಮೃತಪಟ್ಟಿದ್ದು, ಅವರ ಮನೆಯಲ್ಲಿ ಎಂಟು ಲಕ್ಷಕ್ಕೂ ಹೆಚ್ಚು ಹಣ ಪತ್ತೆಯಾದ ಘಟನೆ ಗುತ್ತಲು ಬಡಾವಣೆಯಲ್ಲಿ ಬೆಳಕಿಗೆ ಬಂದಿದೆ.

30 ಚೀಲದಲ್ಲಿತ್ತು ಹಣ

ಹೂರ್​ ಉನ್ನೀಸ್

​ಗೆ ಕುಟುಂಬಸ್ಥರು ಇರಲಿಲ್ಲ. ಯಾರು ಅವರೊಂದಿಗೆ ಮಾತನಾಡುತ್ತಿರಲಿಲ್ಲ. ಹೀಗಾಗಿ ಹಲವು ವರ್ಷಗಳಿಂದ ನಿತ್ಯ ಭಿಕ್ಷೆ ಬೇಡುತ್ತಾ ಜೀವನ ಸಾಗಿಸುತ್ತಿದ್ದರು. ಆದರೆ, ವಯೋಸಹಜ ಕಾಯಿಲೆಯಿಂದ ಬಳಲುತ್ತಿದ್ದ ಅವರು ಶನಿವಾರ ಮೃತಪಟ್ಟಿದ್ದಾರೆ ಎನ್ನಲಾಗಿದೆ.

ಅಕ್ಕನೊಂದಿಗಿದ್ದ ಹೂರ್

ಹೂರ್​ ಉನ್ನೀಸ್​ ಮತ್ತು ಅವರ ಅಕ್ಕ ಮನೆ ಬಾಡಿಗೆ ಪಡೆದು ವಾಸವಾಗಿದ್ದರು. ಇಬ್ಬರಿಗೂ ಮದುವೆಯಾಗಿರಲಿಲ್ಲ. ಆದರೆ,

ಸಹೋದರಿ ಇತ್ತೀಚೆಗೆ ನಿಧನರಾಗಿದ್ದರು. ಅದೇ ಬಾಡಿಗೆ ಮನೆಯಲ್ಲಿ ಹೂರ್​ ಒಬ್ಬರೆ ವಾಸ ಮಾಡುತ್ತಿದ್ದರು ಎನ್ನಲಾಗಿದೆ.

ಒಂದೆರಡು ದಿನಗಳಿಂದ ಹೂರ್​ ರಸ್ತೆಗಳಲ್ಲಿ ಕಾಣಲಿಲ್ಲ. ಹೀಗಾಗಿ ಅನುಮಾನಗೊಂಡ ಸಂಬಂಧಿಕರು ಮನೆಗೆ ತೆರಳಿ ನೋಡಿದಾಗ ಮೃತಪಟ್ಟಿರುವುದು ಖಾತ್ರಿಯಾಗಿದೆ.

ಸಂಬಂಧಿಕರಿಗೆ ಹಣ ಕೊಟ್ಟ ಗ್ರಾಮಸ್ಥರ

ಸದ್ಯ ಸೋಶಿಯಲ್​ ಮೀಡಿಯಾದಲ್ಲಿ ನೂರ್​​ ಮನೆಯಲ್ಲಿದ್ದ ವಸ್ತುಗಳು, ಹಣವನ್ನು ಜಾಲಾಡುತ್ತಿರುವ ದೃಶ್ಯ ವೈರಲ್​ ಆಗಿದೆ. ಕೆಲವರು ಆಕೆಯ ಮನೆಯಲ್ಲಿದ್ದ ಮೂವತ್ತು ಮೂಟೆಯಲ್ಲಿ 10, ಇಪ್ಪತ್ತು ಮತ್ತು 50 ರೂಪಾಯಿ ನೋಟಿಗಳನ್ನು ಎಣಿಸುತ್ತಾ ಕೂತರೇ ಇನ್ನೂ ಕೆಲವರು ನಾಣ್ಯವನ್ನು ಎಣಿಕೆ ಮಾಡುತ್ತರುವ ವಿಡಿಯೋ ಇದೆ.