ಶಾಲೆಗಳಲ್ಲಿ ಕನ್ನಡ ಶಿಕ್ಷಣ ಕಡ್ಡಾಯಗೊಳ್ಳಲಿ

ನಗರದ ಎಚ್.ಜಿ. ಕಾಲೇಜ್ ಆವರಣದ ದಿ. ಎಂ.ಸಿ. ಮನಗೂಳಿ ವೇದಿಕೆಯಲ್ಲಿ ಮಂಗಳವಾರ ಜರುಗಿದ 21ನೇ ಜಿಲ್ಲಾ ಕನ್ನಡ ಸಾಹಿತ್ಯ ಸಮ್ಮೇಳನದಲ್ಲಿ ಅವರು ಮಾತನಾಡಿದರು.

ಸರ್ಕಾರ 1ನೇ ತರಗತಿಯಿಂದ 5ನೇ ತರಗತಿ ವರೆಗಿನ ಶಿಕ್ಷಣಕ್ಕೆ ಮಾತೃಭಾಷೆಯನ್ನೇ ಕಡ್ಡಾಯಗೊಳಿಸಿದರೆ, ಕನ್ನಡ ಸಶಕ್ತ ಮಾಧ್ಯಮವಾಗುವುದಲ್ಲದೇ, ಈ ಪ್ರಾಥಮಿಕ ಶಾಲೆಗಳಲ್ಲಿ ಶಿಕ್ಷಣದ ಜತೆಗೆ ಮಕ್ಕಳಲ್ಲಿ ಅಗತ್ಯ ಮೌಲ್ಯಗಳನ್ನು ಬಿತ್ತಲು ಅವಕಾಶ ಸಿಗುವ ಕಾರಣ ಮಕ್ಕಳಿಗೆ ಕನ್ನಡ ಶಿಕ್ಷಣ ಕಡ್ಡಾಯಗೊಳ್ಳಲಿ ಎಂಬ ಒತ್ತಾಸೆ ವ್ಯಕ್ತಪಡಿಸಿದರು.

ಸಮ್ಮೇಳನ ಏಕೆ ನಡೆಯುವುದು: ಮನುಷ್ಯನಿಗೆ ಸಾಹಿತ್ಯ ಸಂಸ್ಕಾರ ಕೊಡುತ್ತದೆ. ಸಾಹಿತ್ಯ ಸಮ್ಮೇಳನ, ಪುಸ್ತಕ, ಪುರಾಣ ಹಾಗೂ ಪ್ರವಚನಗಳಿಂದ ಲಭಿಸಿದ ಜ್ಞಾನದಿಂದ ಅವನು ಮಾನವನಾಗುತ್ತಾನೆ. ಅದಕ್ಕೂ ಹೆಚ್ಚಿನ ಸಂಸ್ಕಾರ ಸಿಕ್ಕರೆ ಅವನು ದೇವಮಾನವನಾಗುತ್ತಾನೆ. ಅದಕ್ಕಾಗಿಯೇ ಸಮ್ಮೇಳನಗಳು ಜರುಗುತ್ತವೆ ಎಂದರು.

ಸಾಹಿತ್ಯ-ಸಂಸ್ಕೃತಿ ಕೇಂದ್ರ: ನಗರದಲ್ಲಿ ಕಾದಂಬರಿಗಾರ್ತಿ ಸುಶೀಲಾ ಕಮತಗಿ, ಪಿ. ಮುನಿಕುಮಾರ ಸೇರಿ ಅನೇಕರು ಸಾಹಿತ್ಯದ ಮೊದಲಿಗರಾಗಿದ್ದು, ಅಂದಿನಿಂದಲೇ ಕನ್ನಡ ಸಾಹಿತ್ಯದ ಬೇರಾಗಿ ಉದಯಿಸಿದೆ. ಊರಿನ ಹಿರಿಯ ಮಠದಲ್ಲಿ ರೇ.ಚ. ರೇವಡಿಗಾರ ಅವರು ಕನ್ನಡ ಬಳಗ ಕಟ್ಟಿ ಕನ್ನಡದ ಕಂಪನ್ನು ಪಸರಿಸಿದ್ದರು. ಆಗಲೂ ಸಾಹಿತ್ಯದ ಓದು, ಅದರ ಕೆಲಸ ಕಾರ್ಯಗಳು, ಕೃತಿಗಳ ರಚನೆಯ ಸಾಮರ್ಥ್ಯ ಗಿಟ್ಟಿಸಿಕೊಂಡಿದೆ. ಎಲ್ಲ ಧರ್ಮದ ಶಿಕ್ಷಣ ಸಂಸ್ಥೆಗಳೂ ಇಲ್ಲಿ ಬೇರೂರಿವೆ. ಸೌಹಾರ್ದ ನೆಲೆಯಲ್ಲರಳಿದ ಸಿಂದಗಿ ಎಂದಿಗೂ ಅನನ್ಯ ಸಾಹಿತ್ಯ ಮತ್ತು ಸಂಸ್ಕೃತಿಯ ಕೇಂದ್ರವಾಗಿ ಕಂಗೊಳಿಸುತ್ತಿದೆ ಎಂದರು.

ಮಕ್ಕಳ ಸಾಹಿತಿಗಳಿಗೆ ದಕ್ಕಿಲ್ಲ: ರಾಜ್ಯದ ಇತಿಹಾಸದಲ್ಲಿ ನನಗೆ ತಿಳಿದಂತೆ ಇಂದಿಗೂ ಅಪ್ಪಟ ಮಕ್ಕಳ ಸಾಹಿತಿಗಳಿಗೆ ಸಮ್ಮೇಳನದ ಸರ್ವಾಧ್ಯಕ್ಷ ಸ್ಥಾನ ದಕ್ಕಿಲ್ಲ. ಬಹುಶಃ ಅದರಲ್ಲಿ ನಾನು ಮೊದಲಿಗನಾಗಿರಬಹುದು. 16 ಕೃತಿ, 5 ಸಂಪಾದನಾ ಕೃತಿಗಳನ್ನು ಕೃಷಿ ಮಾಡಿರುವ ನನ್ನ ಆಯ್ಕೆ ಜಿಲ್ಲೆಯ, ತಾಲೂಕಿನ ಪದಾಧಿಕಾರಿಗಳದ್ದು ಎಂದರು.

ನನಗೆ ಆತ್ಮ ತೃಪ್ತಿಯಿದೆ: ರಾಷ್ಟ್ರದ ಆದರ್ಶ ಶಿಕ್ಷಕ ಪುರಸ್ಕೃತ ನಾದರೂ, ನಾನು ಯಾವ ಪ್ರಶಸ್ತಿ ಹಿಂದೆ ಬಿದ್ದವನಲ್ಲ. ಮಕ್ಕಳ ಸಂಗಮದ ಪದಾಧಿಕಾರಿಗಳೆಲ್ಲರೂ ಸೇರಿ ಶಾಸಕ ಮನಗೂಳಿ ಅವರಿಗೆ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿಗೆ ಪೂಜಾರಿ ಗುರುಗಳು ಅರ್ಹರು ಎಂದು ಪ್ರಸ್ತಾವನೆ ಸಲ್ಲಿಸಿದ್ದರು. ಅದರಂತೆ ಶಾಸಕರು ಅದನ್ನು ಅನುಮೋದಿಸಿದ್ದರಿಂದ ಆ ಪ್ರಶಸ್ತಿ ದಕ್ಕಿದೆ. ನಾನು ಸಾಹಿತ್ಯ ಕೇತ್ರದಲ್ಲಿ ಮಾಡಿದ ಕೆಲಸಕ್ಕೆ ಈಗಿನ ಸಮ್ಮೇಳನದ ಸರ್ವಾಧ್ಯಕ್ಷನಾಗಿದ್ದು, ನನಗೆ ಆತ್ಮ ತೃಪ್ತಿಯಿದೆ ಎಂದು ಹೇಳಿದರು.

ಮಕ್ಕಳ ಕಾಳಜಿ ಹೀಗಿರಲಿ: ಪಾಲಕರು, ಶಿಕ್ಷಕರು ಮಕ್ಕಳ ಮನಸ್ಸು ಅರಿತು ಅದರ ಅಭಿವ್ಯಕ್ತಿಗಾಗಿ ಶ್ರಮಿಸಿದರೆ ಮಾತ್ರ ಮಕ್ಕಳ ಹಾಗೂ ಅವರ ಭವಿಷ್ಯದ ಕುರಿತು ಕಾಳಜಿಯಾಗುತ್ತದೆ. ಮಕ್ಕಳಿಗಾಗಿ ಮೀಸಲಿರುವ ಹಕ್ಕುಗಳನ್ನು ಪೋಷಿಸಿ, ಅವುಗಳ ಲಾಭ ಅವರಿಗೆ ಒದಗಿಸುವಲ್ಲಿ ನಾವು ಸದಾ ಕಾಳಜಿ ತೋರಬೇಕು.

"

ಸರ್ಕಾರ ಗಡಿ ಭಾಗದಲ್ಲಿರುವ ಕನ್ನಡ ಪ್ರಾಥಮಿಕ ಶಾಲೆಗಳಿಗೆ ಮೂಲ ಸೌಕರ್ಯಗಳನ್ನು ಸುಧಾರಿಸಬೇಕು. ಕನ್ನಡಿಗರ ಉದ್ಯೋಗ ಮೀಸಲಾತಿಗಾಗಿ ಸರೋಜಿನಿ ಮಹಿಷಿ ವರದಿಯನ್ನು ಕೂಡಲೇ ಜಾರಿ ಮಾಡಬೇಕು. ಸಿಂದಗಿ ನಗರವನ್ನು ಜಿಲ್ಲೆಯನ್ನಾಗಿಸಬೇಕು.

ಹ.ಮ. ಪೂಜಾರ ಸರ್ವಾಧ್ಯಕ್ಷರು.