ಕಲಬುರಗಿ-ಬೆಂಗಳೂರು ವಿಮಾನ ಸೇವೆ

ಕಲಬುರಗಿ:ರಾಜ್ಯ ಸರ್ಕಾರವು ಕಲಬುರಗಿ&ಬೆಂಗಳೂರು ವಿಮಾನ ಮಾರ್ಗಕ್ಕೆ 28.47 ಕೋಟಿ ರೂ. ವಿಜಿಎಫ್​ ನಿಧಿ ಮಂಜೂರು ಮಾಡಿ, ಸ್ಟಾರ್​ ಏರ್​ (ಗೋಢಾವತ್​ ಎಂಟರ್​ಪೆಸೆಸ್​ ಲಿಮಿಟೆಡ್​) ಮೂಲಕ ವಿಮಾನ ಸೇವೆ ಮರು ಆರಂಭಿಸಲು ಕೈಗೊಂಡಿರುವ ಕ್ರಮವನ್ನು ಕಲ್ಯಾಣ ಕರ್ನಾಟಕ ವಾಣಿಜ್ಯೋದ್ಯಮ ಸಂಸ್ಥೆ ಸ್ವಾಗತಿಸಿದೆ.

2025ರ ಅಕ್ಟೋಬರ್​ 15ರಿಂದ ಕಲಬುರಗಿ ವಿಮಾನ ಸೇವೆ ಸ್ಥಗಿತಗೊಂಡಿದ್ದು, ವ್ಯಾಪಾರಿಗಳು, ಉದ್ಯಮಿಗಳು ಹಾಗೂ ಪ್ರಯಾಣಿಕರಿಗೆ ತುಂಬಾ ತೊಂದರೆ ಉಂಟಾಗಿದೆ. ಈ ಹಿನ್ನೆಲೆಯಲ್ಲಿ ರಾಜ್ಯ ಸರ್ಕಾರದ ಈ ಕ್ರಮ ಸರಿಯಾದ ಸಮಯದಲ್ಲಿ ತೆಗೆದುಕೊಂಡ ಮಹತ್ವದ ಹೆಜ್ಜೆ ಎಂದು ಬಣ್ಣಿಸಿದೆ.

ಈ ಕುರಿತು ಹೇಳಿಕೆ ಬಿಡುಗಡೆ ಮಾಡಿರುವ ಸಂಸ್ಥೆಯ ಅಧ್ಯಕ್ಷ ಶರಣು ಪಪ್ಪಾ, ಕಾರ್ಯದರ್ಶಿ ಶಿವರಾಜ ಇಂಗಿನಶೆಟ್ಟಿ, ರಾಜ್ಯ ಸರ್ಕಾರ ವಿಜಿಎಫ್​ ೂಷಣೆ ಮಾಡಿದ ನಂತರವೂ ಸ್ಟಾರ್​ ಏರ್​ ಇನ್ನೂ ವಿಮಾನ ಸೇವೆ ಆರಂಭಿಸಿಲ್ಲ ಎಂಬುದನ್ನು ಗಮನಕ್ಕೆ ತಂದಿದೆ. ಜತೆಗೆ ಸ್ಟಾರ್​ ಏರ್​ಗೂ ಪತ್ರ ಬರೆದು ತಣವೇ ಸೇವೆ ಆರಂಭಿಸಲು ಕೋರಲಾಗಿದೆ ಎಂದಿದ್ದಾರೆ.

ವಿಮಾನದ ಪ್ರಯಾಣ ದರ ಸಾಧ್ಯವಾದಷ್ಟು ಕಡಿಮೆ ಮಾಡಬೇಕು. ರಾಜ್ಯ ಸರ್ಕಾರದ ನೆರವು ಇರುವ ಹಿನ್ನೆಲೆಯಲ್ಲಿ ಟಿಕೆಟ್​ ದರ 5 ಸಾವಿರ ರೂ. ಮೀರಬಾರದು. 2026ರ ಮಾರ್ಚ್​ 25ರಂದು ೂಷಿಸಲಾದ ಉಡಾನ್​ 2.0 ಯೋಜನೆ ಅಡಿಯಲ್ಲಿ ಕಲಬುರಗಿಗೆ ಶಾಶ್ವತ ವಿಮಾನ ಸಂಪರ್ಕ ಕಲ್ಪಿಸಲು ನಮ್ಮ ಸಂಸ್ಥೆಯು ಕೇಂದ್ರ ಸರ್ಕಾರ ಮತ್ತು ವಿಮಾನ ಕಂಪನಿಗಳಿಗೆ ಮನವಿ ಸಲ್ಲಿಸಿದೆ. ಆದರೆ, ಉಡಾನ್​ 2.0 ಟೆಂಡರ್​ ಪ್ರಕ್ರಿಯೆ ಇನ್ನೂ ಆರಂಭವಾಗಿಲ್ಲ, ಇದರಿಂದ ಶಾಶ್ವತ ಪರಿಹಾರದಲ್ಲಿ ವಿಳಂಬವಾಗುತ್ತಿದೆ.

ರಾಜ್ಯ ಸರ್ಕಾರದ ಈ ಕ್ರಮ ತಣ ವಿಮಾನ ಸೇವೆ ಮರು ಆರಂಭಕ್ಕೆ ಮಹತ್ವದ ನೆರವಾಗಿದೆ. ವಿಶ್ವಾಸಾರ್ಹ ವಿಮಾನ ಸಂಪರ್ಕಕ್ಕಾಗಿ ಕಲಬುರಗಿಯನ್ನು ಕೇಂದ್ರ ಸರ್ಕಾರ ಉಡಾನ್​ 2.0 ಯೋಜನೆಯಡಿ ಒಳಪಡಿಸುವುದು ಅತ್ಯಂತ ಅಗತ್ಯ. ಈ ಮೂಲಕ ನಿಯಮಿತ ಮತ್ತು ವಿಶ್ವಾಸಾರ್ಹ ಸೇವೆ, ಕಡಿಮೆ ದರದಲ್ಲಿ ಪ್ರಯಾಣ, ವಿವಿಧ ನಗರಗಳಿಗೆ ಸಂಪರ್ಕ ಸಾಧ್ಯವಾಗಲಿದೆ. ಬೆಂಗಳೂರು, ದೆಹಲಿ, ಮುಂಬೈ, ಹೈದರಾಬಾದ್​, ಮಂಗಳೂರು, ತಿರುಪತಿ, ಅಹಮದಾಬಾದ್​ ನಗರಗಳಿಗೆ ಸೇವೆ ವಿಸ್ತರಿಸಬೇಕು ಎಂದು ಕೇಂದ್ರ ಸರ್ಕಾರವನ್ನು ಆಗ್ರಹಿಸಿದ್ದಾರೆ.

"

ಪ್ರಯಾಣಿಕರಿಗೆ ಅನುಕೂಲವಾಗುವ ಬೆಳಗ್ಗೆ ಮತ್ತು ಸಂಜೆ ಸಮಯದಲ್ಲಿ ವಿಮಾನ ಓಡಿಸಲು ಅಸಮರ್ಪಕ ಸಮಯ ತಪ್ಪಿಸಲು, ದರ ನಿಯಂತ್ರಣ ಮತ್ತು ಪ್ರಯಾಣಿಕರ ಹಿತ ಕಾಪಾಡುವಂತೆ ಸ್ಟಾರ್​ಏರ್​ಗೆ ಮನವಿ ಮಾಡಲಾಗಿದೆ.

— ಶರಣು ಪಪ್ಪಾ, ಅಧ್ಯಕ್ಷ, ಕೆಕೆಸಿಸಿಐ ಕಲಬುರಗಿ.