ರಾಜ್ಯ

ಮರಗಳ ಕೊರಳಿಗೆ ಕಬ್ಬಿಣದ ಉರುಳು

ಮರಗಳ ಕೊರಳಿಗೆ ಕಬ್ಬಿಣದ ಉರುಳು
ಮರಗಳ ಕೊರಳಿಗೆ ಕಬ್ಬಿಣದ ಉರುಳು
ಮಂಜುನಾಥ ಅಂಗಡಿ
Published on: 
ಮಂಜುನಾಥ ಎಸ್​. ಅಂಗಡಿ ಧಾರವಾಡ
ಅವಳಿನಗರದ ರಸ್ತೆ ಬದಿಯಲ್ಲಿ ಹಸಿರೀಕರಣ ಉದ್ದೇಶದಿಂದ ಆಗಾಗ ಗಿಡಗಳನ್ನು ನೆಡಲಾಗುತ್ತದೆ. ವಿವಿಧ ಸಂ& ಸಂಸ್ಥೆಗಳ ಸಹಯೋಗದೊಂದಿಗೆ ಆಥಿರ್ಕ ನೆರವು ಪಡೆದು ಸಾವಿರಾರು ಗಿಡಗಳನ್ನು ನೆಡಲಾಗಿದೆ. ಅವುಗಳ ಸಂರಕ್ಷಣೆಗೆ ಅಳವಡಿಸಿದ್ದ ಟ್ರೀ ಗಾರ್ಡ್​ಗಳು ಮರಗಳ ಕೊರಳಿಗೆ ಉರುಳಾಗಿ ಪರಿಣಮಿಸಿವೆ. ಗಿಡಗಳನ್ನು ನೆಡುವಾಗ ಇದ್ದ ಪರಿಸರ ಕಾಳಜಿ ಮರಗಳಾದ ಮೇಲೆ ಇಲ್ಲ ಎಂಬುದಕ್ಕೆ ಇದು ನಿದರ್ಶನ.
ಪ್ರತಿವರ್ಷ ಮಳೆಗಾಲದಲ್ಲಿ ಹುಧಾ ಮಹಾನಗರ ಪಾಲಿಕೆ, ಅರಣ್ಯ ಇಲಾಖೆ, ವಿವಿಧ ಸಂ& ಸಂಸ್ಥೆಗಳು, ಪರಿಸರ ಹೆಸರಿನ ಸಂಗಳು ಅತ್ಯಂತ ಉತ್ಸಾಹದಿಂದ ಗಿಡಗಳನ್ನು ನೆಡುವುದು ಸಾಮಾನ್ಯ. ಇದೇರೀತಿ 8& 10 ವರ್ಷಗಳಿಂದ ಹಿಂದೆ ನಗರದಲ್ಲಿ ಸಾವಿರಾರು ಗಿಡಗಳನ್ನು ನೆಡಲಾಗಿತ್ತು. ಸಸಿಗಳನ್ನು ಬಿಡಾಡಿ ದನಗಳಿಂದ ಸಂರಸಲು ಟ್ರೀ ಗಾರ್ಡ್​ಗಳನ್ನು ಅಳವಡಿಸಲಾಗಿತ್ತು.
ಸ್ಟೇಟ್​ ಬ್ಯಾಂಕ್​ ಆ್​ ಇಂಡಿಯಾ, ಎಲ್​ಐಸಿ, ಕೆವಿಜಿ ಬ್ಯಾಂಕ್​ಗಳು ತಮ್ಮ ಸಿಎಸ್​ಆರ್​ ಅಡಿ ಹಣ ಖರ್ಚು ಮಾಡಿ ಟ್ರೀ ಗಾರ್ಡ್​ಗಳನ್ನು ಕೊಡಿಸಿವೆ. ಗಿಡಗಳೀಗ ಮರಗಳಾಗಿ ಬೆಳೆದು ನಿಂತಿದ್ದು, ರಕ್ಷಣೆಗಾಗಿ ಅಳವಡಿಸಿದ್ದ ಟ್ರೀ ಗಾರ್ಡ್​ಗಳೇ ಮರಗಳ ಬೆಳವಣಿಗೆ ಅಡ್ಡಿಯಾಗಿವೆ.
* ಪರಿಸರವಾದಿಗಳು ಗಪ್​ಚುಪ್​:
ಪರಿಸರ ದಿನಾಚರಣೆ ಮತ್ತು ಇತರ ಪರಿಸರಕ್ಕೆ ಸಂಬಂಧಿಸಿದ ದಿನಗಳಂದು ಭಾಷಣ ಹೊಡೆಯುವ ಪರಿಸರವಾದಿಗಳಿಗೇನು ಕೊರತೆ ಇಲ್ಲ. ದಿನಾಚರಣೆಗಳಂದು 4- 5 ಗಿಡ ನೆಟ್ಟು ಪೋಸು ಕೊಡುವ ಅನೇಕ ಪರಿಸರವಾದಿಗಳು ಗಪ್​ಚುಪ್​ ಇದ್ದಾರೆ. ಎಸ್​ಬಿಐ, ಎಲ್​ಐಸಿ ಮತ್ತು ಕರ್ನಾಟಕ ಕಾಲೇಜು ರಸ್ತೆ, ಜಿಲ್ಲಾಧಿಕಾರಿ ಕಚೆರಿಯ ಸುತ್ತಲಿನ ರಸ್ತೆಗಳು, ಕೇಂದ್ರ ಗ್ರಂಥಾಲಯ ರಸ್ತೆ, ಸಪ್ತಾಪುರ, ಶ್ರೀನಗರ ಪ್ರದೇಶದಲ್ಲಿ ಇಂಥ ನೂರಾರು ಮರಗಳು ಕಂಡರೂ ಪರಿಸರವಾದಿಗಳು ಕಣ್ಣಿದ್ದು ಕುರುಡರಂತೆ ವತಿರ್ಸುತ್ತಿದ್ದಾರೆ.
* ಪಾಲಿಕೆ, ಅರಣ್ಯ ಇಲಾಖೆ ನಿರ್ಲಕ್ಷ್ಯ:
ಈ ಬಗ್ಗೆ ಹುಬ್ಬಳ್ಳಿ& ಧಾರವಾಡ ನಾಗರಿಕ ಪರಿಸರ ಸಮಿತಿಯವರು ಪಾಲಿಕೆ ಮತ್ತು ಅರಣ್ಯ ಇಲಾಖೆಗೆ ಅನೇಕ ಬಾರಿ ಮನವಿ ನೀಡಿದ್ದಾರೆ. ಮರಗಳ ಕೊರಳಿಗೆ ಉರುಳಾಗುವ ಗಾರ್ಡ್​ಗಳನ್ನು ತೆಗೆಸುವಂತೆ ವಿನಂತಿಸಿದ್ದಾರೆ. ಆದರೆ, ಪಾಲಿಕೆ ಮತ್ತು ಅರಣ್ಯ ಇಲಾಖೆ ಇದು ನಮಗೆ ಸಂಬಂಧಿಸಿದ್ದಲ್ಲ ಎಂದು ಮನವಿಯನ್ನು ಮೂಲೆಗೆ ಎಸೆದಿದ್ದಾರೆ. ಹಳೇ ಕಬ್ಬಿಣ, ತರಡು ಮಾರುವವರಿಗೆ ಹೇಳಿದರೆ ಒಂದೇ ದಿನದಲ್ಲಿ ಅನವಶ್ಯಕ ಟ್ರೀ ಗಾರ್ಡ್​ಗಳನ್ನು ಕತ್ತರಿಸಿಕೊಂಡು ಹೋಗುತ್ತಾರೆ. ಅದಕ್ಕಾದರೂ ಸಂಬಂಧಪಟ್ಟ ಇಲಾಖೆಯವರು ಅನುಮತಿ ನೀಡಬೇಕು ಎನ್ನುತ್ತಾರೆ ಹುಧಾ ನಾಗರಿಕ ಪರಿಸರ ಸಮಿತಿ ಅಧ್ಯಕ್ಷ ಶಂಕರ ಕುಂಬಿ.
"

ಅವಳಿನಗರದ ರಸ್ತೆ ಬದಿ ಗಿಡಗಳನ್ನು ನೆಡುವಾಗ ಅವುಗಳ ರಕ್ಷಣೆಗಾಗಿ ಟ್ರೀ ಗಾರ್ಡ್​ಗಳನ್ನು ಅಳವಡಿಸಲಾಗಿದೆ. ಗಿಡಗಳು ಈಗ ಮರಗಳಾಗಿದ್ದು, ಟ್ರೀ ಗಾರ್ಡ್​ಗಳು ಉರುಳಾಗಿವೆ. ಮರಗಳ ಬೆಳವಣಿಗೆಗೆ ಅಡ್ಡಿಯಾಗುತ್ತಿದೆ. ಈ ಸಂಬಂಧ ಮಹಾನಗರ ಪಾಲಿಕೆ ಹಾಗೂ ಅರಣ್ಯ ಇಲಾಖೆಗೆ ಅನೇಕ ಬಾರಿ ಮನವಿ ಸಲ್ಲಿಸಿದರೂ ಪ್ರಯೋಜನವಾಗಿಲ್ಲ.

- ಶಂಕರ ಕುಂಬಿ, ಹುಧಾ ನಾಗರಿಕ ಪರಿಸರ ಸಮಿತಿ ಅಧ್ಯಕ್ಷ

iron noose
necks of trees
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net