ಮೌಲ್ಯಯುತ ಬದುಕಿಗೆ ವಚನಗಳು ಪ್ರೇರಣೆ

ಬಸವಕಲ್ಯಾಣ: ವಚನಗಳು ಮಕ್ಕಳಲ್ಲಿ ಸತ್ಯ, ನ್ಯಾಯ, ನಿಷ್ಠೆ, ಪ್ರಾಮಾಣಿಕ ಬೆಳೆಸುತ್ತವೆ. ಇವು ಮೌಲ್ಯಯುತ ಬದುಕಿಗೆ ಪ್ರೇರಣೆ ಆಗುತ್ತವೆ ಎಂದು ಬಸವಕಲ್ಯಾಣ ೇತ್ರ ಸಮಿತಿಯ ಸಂಯೋಜಕ, ಮಾಜಿ ಸಂದಸ ಬಸವರಾಜ ಪಾಟೀಲ ಸೇಡಂ ಹೇಳಿದರು.

ನಗರದ ಹರಳಯ್ಯನವರ ಗವಿಯಲ್ಲಿ ಅಂತಾರಾಷ್ಟ್ರೀಯ ಲಿಂಗಾಯತ ಧರ್ಮ ಕೇಂದ್ರ ಹಾಗೂ ಅಖಿಲ ಭಾರತ ಲಿಂಗವಂತ ಹರಳಯ್ಯ ಪೀಠ, ಹಾಗೂ ವಿಶ್ವಕಲ್ಯಾಣ ಮಕ್ಕಳ ಪರಿಷತ್​ ಸಹಯೋಗದಲ್ಲಿ ಭಾನುವಾರ ಸಂಜೆ ಆಯೋಜಿಸಿದ್ದ ಶರಣು ಶರಣಾರ್ಥಿ ಸಮಾವೇಶ ಮತ್ತು ಮಕ್ಕಳ ಕೂಟ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿ ಅವರು, ಬೆಳೆಯುವ ಸಿರಿ ಮೊಳಕೆಯಲ್ಲಿ ಎಂಬಂತೆ ಮಕ್ಕಳಿಗೆ ಈಗಿನಿಂದಲೇ ಬಸವತತ್ವ ಕಲಿಯಲು ಹಾಗೂ ಪಾಲಿಸಲು ಪಾಲಕರು ಹೇಳಿಕೊಡಬೇಕು. ಮಕ್ಕಳಿಗೆ ನೀಡುವ ಉತ್ತಮ ಸಂಸ್ಕಾರ ಅವರ ಜೀವನದುದ್ದಕ್ಕೂ ಉಳಿಯುತ್ತದೆ ಎಂದರು.

ಸಾನ್ನಿಧ್ಯ ವಹಿಸಿದ್ದ ಪೂಜ್ಯ ಡಾ.ಗಂಗಾಂಬಿಕಾ ಅಕ್ಕ ಮಾತನಾಡಿ, ಮಕ್ಕಳಿಗೆ ಹೇಳಿ ಕಲಿಸುವ ಆಚರಣೆಗಿಂತ ಅವರು ಅನುಕರಣೆಯಿಂದ ಕಲಿಯುವ ವಿಚಾರಗಳು ಹೆಚ್ಚಾಗಿವೆ. ಮಕ್ಕಳಿಗೆ ಶಿಕ್ಷಣದ ಜತೆಗೆ ಉತ್ತಮ ಸಂಸ್ಕಾರ ನೀಡಬೇಕು. ಮಕ್ಕಳನ್ನು ಸತಜೆಯನ್ನಾಗಿ ರೂಪಿಸುವಲ್ಲಿ ತಾಯಿಯ ಮೇಲೆ ಬಹುದೊಡ್ಡ ಜವಾಬ್ದಾರಿ ಇದೆ. ಬೇರೆ ಬೇರೆ ವಯಸ್ಸಿನ ಮಕ್ಕಳು ಇಂತಹ ಕಾರ್ಯಕ್ರಮಗಳಲ್ಲಿ ಭಾಗವಹಿಸುವುದರಿಂದ ಅವರಲ್ಲಿ ಜೀವನ ಸಂಸತಿ ಮೈಗೂಡುತ್ತದೆ ಎಂದು ತಿಳಿಸಿದರು.

ಲಾತೂರಿನ ಶ್ರೀ ಬಸವೇಶ್ವರ ಶಿಕ್ಷಣ ಸಂಸ್ಥೆ ಕಾರ್ಯದರ್ಶಿ ಮಾಧವರಾವ ಪಾಟೀಲ ಟಾಕಳಿಕರ ಮಾತನಾಡಿ, ಬಸವಾದಿ ಶರಣರು ಬದುಕಿನಲ್ಲಿ ಕಂಡುಕೊಂಡ ಅನುಭವಗಳೇ ವಚನಗಳ ಮೂಲಕ ಅನಾವರಣಗೊಂಡವು. ಅಂತಹ ಅನ್ಯರ್ರತ್ನಗಳಾದ ವಚನಗಳನ್ನು ಪಸರಿಸುವ ಕೆಲಸದಲ್ಲಿ ಮಕ್ಕಳ ಕೂಟದ ಕಾರ್ಯಕ್ರಮಗಳು ಅರ್ಥಪೂರ್ಣ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು.

ನಿವೃತ್ತ ಡೀನ್​ ಅಮರನಾಥ ಸೋಲಪುರೆ, ಸೊಲ್ಲಾಪುರದ ವಿಜಯಕುಮಾರ ಹತ್ತೂರೆ, ನಾಂದೇಡದ ಪ್ರೊ.ಶೇಷವರಾವ ಸೇಟೆ, ರೇಣುಕಾ ಹೋಗ್ತಾಪುರೆ, ಕವಿತಾ ರಾಜೋಳೆ ಮಾತನಾಡಿದರು. ಹರಳಯ್ಯ ಸಮಾಜದ ಮುಖಂಡ ಸುಧಾಕರ ಗೋಖಲೆ ಧ್ವಜಾರೋಹಣ ನೆರವೇರಿಸಿದರು. ಗಂಗಾಂಬಿಕಾ ಮಡಿವಾಳ ಸ್ವಾಗತಿಸಿದರು. ಶ್ರೀಶೈಲಾ ವಡ್ಡೆ ನಿರೂಪಣೆ ಮಾಡಿದರು. ಸಂಸತಿ ರಾಜೇಶ್ವರ ಗುರುಪೂಜೆ ನಡೆಸಿಕೊಟ್ಟರು. ಉಷಾ ಶಿವಶಂಕರ ಕನ್ನಾಡೆ ಪ್ರಸಾದ ದಾಸೋಹ ವ್ಯವಸ್ಥೆ ಮಾಡಿದರು. ಮಕ್ಕಳ ವಚನ ಗಾಯನ, ನೃತ್ಯ, ಪಠಣ ನೋಡುಗರ ಗಮನ ಸೆಳೆಯಿತು.