ಗಿರಿಜಿಲ್ಲೆ ಬರಪೀಡಿತ ಪಟ್ಟಿಗೆ ಸೇರಿಸಿ

ಇಡೀ ಜಿಲ್ಲೆಯಲ್ಲಿ ಮಳೆ ಬಾರದೆ ಒಣಬರಗಾಲದ ಛಾಯೆ ಆವರಿಸಿದ್ದರೂ ಕೇವಲ ಶಹಾಪುರ ತಾಲೂಕು ಒಂದೇ ಬಡಪೀಡಿತ ಘೋಷಣೆ ಮಾಡಿದ ರಾಜ್ಯ ಸರ್ಕಾರದ ಕ್ರಮ ಖಂಡಿಸಿದ ಪದಾಧಿಕಾರಿಗಳು, ಆಗಿರುವ ತಪ್ಪನ್ನು ತಿದ್ದಿಕೊಂಡು ಇಡೀ ಜಿಲ್ಲೆ ಬರಗಾಲ ಎಂದು ಘೋಷಣೆ ಮಾಡಬೇಕೆಂದು ಆಗ್ರಹಿಸಿದರು.

ಮುಂಗಾರಿನ ಪ್ರಮುಖ ಬೆಳೆಗಳಾದ ಹೆಸರು, ಉದ್ದು, ಶೇಂಗಾ, ತೊಗರಿ ಬೀಜಗಳನ್ನು ಬಿತ್ತಿದಾಗ ಸಕಾಲಕ್ಕೆ ಮಳೆಯಿಲ್ಲದೆ ಬೆಳೆಗಳು ಒಣಗುತ್ತಿವೆ. ಸಾಲ ಮಾಡಿದ ಬಿತ್ತನೆ ಮಾಡಿದ ರೈತರು ಇಂದು ಆತ್ಮಹತ್ಯೆ ದಾರಿ ತುಳಿಯುತ್ತಿದ್ದಾರೆ. ಕಾರಣ ಸರ್ಕಾರ ಕುಂಟು ನೆಪ ಹೇಳದೇ ಕೂಡಲೇ ಬರಪೀಡಿತ ಜಿಲ್ಲೆಯೆಂದು ಘೋಷಿಸಿ ಎಕರೆಗೆ ೫೦ ಸಾವಿರ ರೂ. ಪರಿಹಾರ ನೀಡಬೇಕೆಂದು ಆರು ತಾಲೂಕುಗಳಲ್ಲಿ ತಹಸಿಲ್ ಕಚೇರಿ ಎದುರು ಪ್ರತಿಭಟನೆ ನಡೆಸಿ ಮನವಿಪತ್ರ ಸಲ್ಲಿಸಿದರು.

ಯಾದಗಿರಿ ತಹಸಿಲ್ದಾರ ಕಚೇರಿ ಮುಂದೆ ನಡೆದ ಪ್ರತಿಭಟನೆಯಲ್ಲಿ ಕರವೇ ಜಿಲ್ಲಾ ಪದಾಧಿಕಾರಿಗಳಾದ ಸಿದ್ದುನಾಯಕ ಹತ್ತಿಕುಣಿ, ನಿಂಗಪ್ಪ ಗುಡಗುಡಿ, ವಿಶ್ವರಾಜ ಪಾಟೀಲ್, ಸಿದ್ದಪ್ಪ ಕೂಯಿಲೂರ, ಭೀಮರಾಯ ರಾಮಸಮುದ್ರ, ಸಿದ್ದಪ್ಪ ಕ್ಯಾಸಪನಳ್ಳಿ, ಅಶೋಕ ನಾಯಕ, ಸುಭಾಷ ಯರಗೋಳ, ವೆಂಕಟರಾಮುಲು ಸೈದಾಪೂರ, ಸುರೇಶ ಬೆಳಗುಂದಿ, ಜರ್ನಾಧನ ಬಡಿಗೇರಾ, ಮಹೇಶ ಠಾಣಗುಂದಿ, ಸೈದಪ್ಪ ಬಾಂಬೆ, ನಾಗಪ್ಪ ಗೋಪಾಳಪೂರ, ಸಾಗರ, ಬಸ್ಸು ಸೈದಾಪೂರ, ಅನೀಲ ದಾಸನಕೇರಿ, ವಿಜಯಕುಮಾರ ರಾಠೋಡ, ಸಾಬು ನೀಲಹಳ್ಳಿ, ನಾಗೇಂದ್ರ ಕೂಡ್ಲೂರ, ರವಿ ಜಮ್ಮಾರ್, ನಾಗು ತಾಂಡೂರಕರ್, ಭಿಮರಾಯ ಗೌಡಗೇರಾ, ಲಿಂಗಾರೆಡ್ಡಿ ವಡವಟ್, ಸಿದ್ದು ಸಾಹುಕಾರ ಠಾಣಗುಂದಿ, ರಮೇಶ.ಡಿ.ನಾಯಕ ಇತರರಿದ್ದರು. ನಂತರ ತಹಸಿಲ್ದಾರ ಸುರೇಶ ಅಂಕಲಗಿ ಅವರಿಗೆ ಜಿಲ್ಲಾಧ್ಯಕ್ಷ ಟಿ.ಎನ್.ಭೀಮುನಾಯಕ ಮನವಿ ಸಲ್ಲಿಸಿದರು.

"