ಉತ್ತಮ ಆಹಾರದಿಂದ ಆರೋಗ್ಯ ವೃದ್ಧಿ

ಚಿಕ್ಕನಾಯಕನಹಳ್ಳಿ: ಗರ್ಭಕೋಶದ ಕ್ಯಾನ್ಸರ್​ನಂತಹ ಮಾರಕ ರೋಗಗಳು ಬಾರದಂತೆ ತಡೆಯಲು ಎಚ್​ವಿಪಿ ಲಸಿಕೆಯನ್ನು ಯಾವುದೇ ಭಯಪಡದೇ ಹಾಕಿಸಿಕೊಳ್ಳಿ ಎಂದು ಶಾಸಕ ಸಿ.ಬಿ.ಸುರೇಶ್​ಬಾಬು ಮನವಿ ಮಾಡಿದರು.

ಪಟ್ಟಣದ ಸರ್ಕಾರಿ ಸಾರ್ವಜನಿಕ ಆಸ್ಪತ್ರೆಯಲ್ಲಿ ಸೋಮವಾರ ಸಾರ್ವಜನಿಕ ಶಿಕ್ಷಣ ಇಲಾಖೆ ಹಾಗೂ ತಾಲೂಕು ಆರೋಗ್ಯ ಇಲಾಖೆಯಿಂದ ಆಯೋಜಿಸಿದ್ದ ಎಚ್​ವಿಪಿ ಲಸಿಕಾ ಅಭಿಯಾನ ಉದ್ಘಾಟಿಸಿ ಮಾತನಾಡಿ, ಇಂದಿನ ಆಹಾರ ಪದ್ಧತಿಯಲ್ಲಿ ನಮ್ಮ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತಿದೆ. ಇಂತಹ ಸಮಯದಲ್ಲಿ ಗರ್ಭಕಂಠಕ ಕ್ಯಾನ್ಸರ್​ನಂತರ ರೋಗಗಳಿಗೆ ಹೆಚ್ಚು ಜನ ತುತ್ತಾಗುತ್ತಿದ್ದು, ಇದನ್ನು ಗಮನಿಸಿ ಕೇಂದ್ರ ಹಾಗೂ ರಾಜ್ಯ ಸರ್ಕಾರಗಳು ಈ ಎಚ್​ವಿಪಿ ಲಸಿಕಾ ಅಭಿಯಾನವನ್ನು ರೂಪಿಸಿದ್ದು, ಇದನ್ನು ಸದ್ಬಳಸಿಕೊಳ್ಳುವಂತೆ ತಿಳಿಸಿದರು.

ವೈದ್ಯೆ ಡಾ.ಸ್ಮೀತಾ ಮಾತನಾಡಿ, ಮಹಿಳೆಯರಲ್ಲಿ ಕಂಡುಬರುವ ಗರ್ಭಕಂಠದ ಕ್ಯಾನ್ಸರ್​ಗೆ ಇದೇ ಎಚ್​ವಿಪಿ ವೈರಸ್​ ಕಾರಣವಾಗಿದೆ ಎಂಬುದು ಅಧ್ಯಯನದ ಮೂಲಕ ಗುರುಸಿ ಈ ಲಸಿಕೆಯನ್ನು ನೀಡಲಾಗುತ್ತಿದೆ. ಇದು ಕಳೆದ 15 ವರ್ಷಗಳಿಂದಲೇ ನೀಡಲಾಗುತ್ತಿದ್ದು, ಈಗಾಗಲೇ 50 ಕೋಟಿ ಲಸಿಕೆಯನ್ನು ಜಗತ್ತಿನಲ್ಲಿ ನೀಡಲಾಗಿದೆ ಎಂದು ಮಾಹಿತಿ ನೀಡಿದರು.