ಉತ್ತಮ ಜೇವನಶೈಲಿಯಿಂದ ಆರೋಗ್ಯ ವೃದ್ಧಿ

ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ಐಕ್ಯೂಎಸಿ ಯುವ ರೆಡ್​ ಕ್ರಾಸ್​, ರೆಡ್​ ರಿಬ್ಬನ್​ ಕ್ಲಬ್​ ಮತ್ತು ರಾಷ್ಟ್ರೀಯ ಸೇವಾ ಯೋಜನೆಯಿಂದ ಮಂಗಳವಾರ ಆಯೋಜಿಸಿದ್ದ ವಿಶ್ವ ಆರೋಗ್ಯ ದಿನಾಚರಣೆಯಲ್ಲಿ ಮಾತನಾಡಿ, ದೈಹಿಕ ಚಟುವಟಿಕೆ ನಮ್ಮನ್ನು ಶಕ್ತಿಯುತವನ್ನಾಗಿಸಿ ಅನೇಕ ಕಾಯಿಲೆಗಳಿಂದ ದೂರ ಮಾಡುತ್ತವೆ. ಕಾಯಿಲೆ ಬಂದಾಗ ಚಿಕಿತ್ಸೆ ಪಡೆಯುವ ಬದಲು ಕಾಯಿಲೆ ಬರದಂತೆ ಮುಂಜಾಗ್ರತೆ ವಹಿಸಬೇಕು ಎಂದರು.

ಅಕ್ಷಯ ನ್ಯೂಟ್ರಿಷಿಯನ್​ ಕ್ಲಬ್​ನ ರಾಜೇಶ್​ ಮಾತನಾಡಿ, ಶೇ.35 ಜನರು ಸ್ಥೂಲಕಾಯ ಹೊಂದಿದ್ದು, ಶೇ.15ರಷ್ಟು ಜನರು ಅತಿಯಾದ ತೂಕ ಹೊಂದಿದುವ ಮೂಲಕ ಅನೇಕ ಆರೋಗ್ಯ ಸಮಸ್ಯೆಗಳಿಂದ ಬಳಲುತ್ತಿದ್ದಾರೆ. ಎತ್ತರಕ್ಕೆ ತಕ್ಕ ತೂಕವಿರಬೇಕು. ದೇಹ ರ್ನಿಜಲೀಕರಣವಾಗದಂತೆ ಅಗತ್ಯ ನೀರು ಕುಡಿಯಬೇಕು. ಅತಿಯಾದ ಮೊಬೈಲ್​ ಸ್ಕ್ರೀನ್​ ಟೈಮ್​ ನಿದ್ದೆ ಬರದಂತೆ ಮಾಡಿ ಮನಸ್ಸಿನ ಮೇಲೆ ನಕಾರಾತ್ಮಕ ಪರಿಣಾಮ ಬೀರಿ, ಹಾಮೋರ್ನ್​ ಉತ್ಪತ್ತಿ ವ್ಯತ್ಯಯವಾಗುತ್ತದೆ. ಆದುದರಿಂದ ಹದಿಹರೆಯದಲ್ಲಿ ಆರೋಗ್ಯಕರ ಜೀವನಶೈಲಿ ಅಳವಡಿಸಿಕೊಳ್ಳಬೇಕು ಎಂದರು.

ತುಮಕೂರಿನ ಆರ್ಚಿಡ್​ ಸಂಸ್ಥೆಯ ಮುತ್ತುರಾಯ ಮಾತನಾಡಿ, ಮದ್ಯಪಾನ, ಡ್ರಗ್ಸ್​ ಮತ್ತಿತರ ಸಾಮಾಜಿಕ ಪಿಡುಗುಗಳಿಗೆ ಯುವಜನರು ಬಲಿಯಾಗುತ್ತಿದ್ದು, ಬಲಿಯಾದವರ ಭವಿಷ್ಯ ಮಸುಕಾಗುತ್ತಿದೆ. ವಿಶ್ವ ಆರೋಗ್ಯ ದಿನದಂದು ಉತ್ತಮ ಆರೋಗ್ಯ ಪಡೆಯಲು ಯುವಜನರು ಶಪಥ ಮಾಡಬೇಕು ಎಂದರು.

ಯುವ ರೆಡ್​ ಕ್ರಾಸ್​ ಸಂಚಾಲಕ ಶ್ರೀನಿವಾಸಪ್ರಭು ಮಾತನಾಡಿ, ಎಲ್ಲ ಸಂಪತ್ತಿಗಿಂತಲೂ ಆರೋಗ್ಯ ಸಂಪತ್ತು ಶ್ರೇಷ್ಠ. ಆರೋಗ್ಯದ ಮಹತ್ವವನ್ನು ಎಲ್ಲರೂ ಅರಿಯಬೇಕು. ಸಮತೋಲಿತ, ಪೌಷ್ಟಿಕ ಆಹಾರ ಸೇವನೆಯಿಂದ ಆರೋಗ್ಯ ವೃದ್ಧಿ ಸಾಧ್ಯ ಎಂದರು.