ತಾಲೂಕಿನ ಹಲವು ಗ್ರಾಮಗಳಲ್ಲಿ ಬೆಂಗಳೂರಿನ ಕಸ ತಂದು ವಿಲೇವಾರಿ ನೆಪದಲ್ಲಿ ಪರಿಸರ ಮಾಲಿನ್ಯಕ್ಕೆ ಕಾರಣರಾಗುತ್ತಿದೆ. ಇದರಲ್ಲಿ ವಿದ್ಯುತ್ ಕೇಬಲ್ ಸುಟ್ಟು ಅದರಲ್ಲಿನ ತಾಂಬ್ರ ಸಂಗ್ರಹಿಸುವುದು, ಕೋಳಿ ಕಸ ಬಿಸಾಡಿ ಬೆಂಕಿ ಹಚ್ಚುತ್ತಿರುವ ದೂರುಗಳು ಬಂದಿದ್ದು, ಈ ಭಾಗದ ರೈತರ ಬೆಳೆಗಳಿಗೆ ಹಾನಿಯಾಗುತ್ತಿದೆ. ಇದನ್ನು ಪ್ರಶ್ನಿಸಿದಲ್ಲಿ ಕಿಡಿಗೇಡಿಗಳಿಂದ ಜೀವ ಬೆದರಿಕೆ ಒಡ್ಡಲಾಗುತ್ತಿದೆ ಎಂಬ ಆರೋಪಗಳಿವೆ. ತಾಲೂಕಿನ ಚೀಮಂಡಹಳ್ಳಿ, ಸೂಲಿಬೆಲೆ, ಇಂಜನಹಳ್ಳಿ, ಗಣಗಲು ಕೆರೆ ಭಾಗದಲ್ಲಿ ಹಾಗೂ ಮೇಡಿ ಮಲ್ಲಸಂದ್ರ ಗ್ರಾಮಗಳ ಆಸು ಪಾಸಿನಲ್ಲಿ ಈ ಕೃತ್ಯ ನಡೆಯುತಿದ್ದು, ರಾತ್ರೋರಾತ್ರಿ ಕಸದ ಲಾರಿಗಳು ಬಂದು ಕಸ ಸುರಿದು ಹೋಗುತ್ತಿವೆ. ಈ ಬಗ್ಗೆ ಪೊಲೀಸ್ ಇಲಾಖೆ ರಾತ್ರಿ ಗಸ್ತನ್ನು ಹೆಚ್ಚಿಸಿ ಕಸ ಸುರಿಯುವವರ ವಿರುದ್ಧ ಕ್ರಮ ಕೈಗೊಳ್ಳಬೇಕು ಎಂದು ಡಿವೈಎಸ್ಪಿ ಮಲ್ಲೇಶ್ಗೆ ಶಾಸಕರು ಸೂಚಿಸಿದರು.
