ರಾಜ್ಯ

ರಸ್ತೆಯಲ್ಲಿ ಕಸ ಹಾಕಿದವರಿಗೆ ಸನ್ಮಾನ! /ANEKAL

ಆನೇಕಲ್​ನಲ್ಲಿ ಕಸ ಹಾಕುತ್ತಿದ್ದವರನ್ನು ಗುರುತಿಸಿ ಪುರಸಭೆ ಸಿಬ್ಬಂದಿ ಸನ್ಮಾನಿಸಿದರು.
ಆನೇಕಲ್​ನಲ್ಲಿ ಕಸ ಹಾಕುತ್ತಿದ್ದವರನ್ನು ಗುರುತಿಸಿ ಪುರಸಭೆ ಸಿಬ್ಬಂದಿ ಸನ್ಮಾನಿಸಿದರು.
ಬೆಂಗಳೂರು ಗ್ರಾಮಾಂತರ ಡೆಸ್ಕ್
Published on: 
ಆನೇಕಲ್​ : ಪಟ್ಟಣದ ಹಲವೆಡೆ ಕಂಡಕಂಡ ಜಾಗದಲ್ಲಿ ಕಸ ಹಾಕುತ್ತಿದ್ದವರನ್ನು ಪತ್ತೆ ಮಾಡಿ ಅವರಿಗೆ ಸನ್ಮಾನ ಮಾಡುವ ಮೂಲಕ ಪುರಸಭೆ ಸಿಬ್ಬಂದಿ ವಿಭಿನ್ನವಾಗಿ ಜಾಗೃತಿ ಮೂಡಿಸಿದ್ದಾರೆ. ಪಟ್ಟಣದ ಹಲವು ವಾರ್ಡ್​ ಹಾಗೂ ಮುಖ್ಯ ರಸ್ತೆಗಳಲ್ಲಿ ಮಂಗಳವಾರ ಕಸವನ್ನು ಚೀಲದಲ್ಲಿ ತಂದು ಎಸೆಯುತ್ತಿದ್ದವರಿಗೆ ಶಾಲು, ಹಾರ ಹಾಕಿ ಸನ್ಮಾನ ಮಾಡಿ ಮತ್ತೆ ಕಸ ಹಾಕದಂತೆ ಎಚ್ಚರಿಕೆ ನೀಡಿ ಪುರಸಭೆ ಸಿಬ್ಬಂದಿ ಕಳುಹಿಸಿದರು.
ವಾರ್ಡ್​ 18ರ ತಳ್ಳಿ ರಸ್ತೆ, ಅತ್ತಿಬೆಲೆ ರಸ್ತೆಗಳಲ್ಲಿ ಕಸ ಹಾಕಿದವರಿಗೆ ಸನ್ಮಾನ ಮಾಡುವ ಸಂದರ್ಭದಲ್ಲಿ ಯಮನ ವೇಷಧಾರಿಯ ಜತೆಗೆ ಹೋಗಿ ಕಸವನ್ನು ಹಾಕುವುದರಿಂದ ಆಗುವ ತೊಂದರೆ ಬಗ್ಗೆ ತಿಳಿಸಲಾಯಿತು. ಕಸದ ತೊಟ್ಟಿಗಳಲ್ಲಿ ಕಸ ಹಾಕಬೇಕು, ಯಾವುದೇ ಕಾರಣಕ್ಕೂ ರಸ್ತೆಯ ಅಕ್ಕಪಕ್ಕದಲ್ಲಿ ಎಸೆಯಬಾರದು ಎನ್ನುವ ಸಂದೇಶವನ್ನು ಯಮನವೇಷ ಧರಿಸಿದ್ದ ಕಲಾವಿದ ತಿಳಿಸಿದರು. ಪಟ್ಟಣದಾದ್ಯಂತ ಕಸ ಹಾಕಲು ಅಲ್ಲಲ್ಲಿ ತೊಟ್ಟಿಗಳನ್ನು ನಿರ್ಮಾಣ ಮಾಡಲಾಗಿದೆ, ಆದರೂ ಜನ ಕಸ ಎಸೆಯುತ್ತಿದ್ದು, ಇನ್ನು ಮುಂದೆ ಕಸವನ್ನು ಎಸೆದು ಹೋಗುವವರಿಗೆ, ರಸ್ತೆಯ ಅಕ್ಕಪಕ್ಕದಲ್ಲಿ ಕಸ ಹಾಕುವವರಿಗೆ ನಿರಂತರವಾಗಿ ಜಾಗೃತಿ ಮೂಡಿಸಲಿದ್ದಾರೆ ಪುರಸಭೆ ಸಿಬ್ಬಂದಿ.
ಪರಿಸರದ ರಣೆಗಾಗಿ ಕ್ರಮ : ಸ್ವಚ್ಛತೆ ಬಗ್ಗೆ ಅರಿವು ಮೂಡಿಸಲಾಗಿದೆ, ಮುಂದಿನ ದಿನಗಳಲ್ಲಿ ಕಸ ಹಾಕುವವರಿಗೆ ದಂಡ ವಿಧಿಸಲಾಗುವುದು. ಮನೆಯ ಬಳಿ ಪುರಸಭೆ ವಾಹನ ಬಂದಾಗ ಕಸವನ್ನು ಗಾಡಿಗೆ ನೀಡಿ, ಮುಂಬರುವ ದಿನಗಳಲ್ಲಿ ಪುರಸಭೆ ಅಧಿಕಾರಿಗಳ ತಂಡ ರಸ್ತೆಗಳಲ್ಲಿ ಕಸ ಹಾಕುವವರ ಮೇಲೆ ಕಣ್ಣಿಡಲಿದ್ದಾರೆ. ಪುರಸಭೆಯ ವಾಹನ ಪ್ರತಿದಿನವೂ ಅಂಗಡಿ ಮಳಿಗೆಗಳು ಹಾಗೂ ವಾರ್ಡ್​ಗಳ ಬಳಿ ಬಂದು ಮೈಕ್​ ಮೂಲಕ ಕಸವನ್ನು ವಾಹನದಲ್ಲಿ ಹಾಕುವಂತೆ ಹೇಳಿದರೂ ಜನ ರ್ನಿಲಕ್ಷ$್ಯ ತೋರುತ್ತಿದ್ದುಮ ಪರಿಸರದ ರಣೆಗಾಗಿ ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಪುರಸಭಾ ಮುಖ್ಯಾಧಿಕಾರಿ ಕುಮಾರ್​ ತಿಳಿಸಿದರು.
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net