ಕಠಿಣ ಕ್ರಮವಿಲ್ಲದ ಕಾರಣ ಅಪರಾಧ ಪ್ರವೃತ್ತಿ ಹೆಚ್ಚಳ| High court

ಸಹಪಾಠಿಯಾಗಿದ್ದ ಯುವತಿ ಮೇಲೆ ಅತ್ಯಾಚಾರ ಎಸಗಿದ ಆರೋಪದ ಪ್ರಕರಣದಲ್ಲಿ ಬಂಧನಕ್ಕೊಳಗಾಗಿರುವ ಗೋಪಿ ರೆಡ್ಡಿ ಕಾರ್ತಿಕ್​ ರೆಡ್ಡಿ ಎಂಬಾತ ಸಲ್ಲಿಸಿದ್ದ ಅರ್ಜಿಯನ್ನು ನ್ಯಾಯಮೂರ್ತಿ ಆರ್​. ನಟರಾಜ್​ ಅವರಿದ್ದ ಏಕಸದಸ್ಯ ನ್ಯಾಯಪೀಠ ವಿಚಾರಣೆ ನಡೆಸಿತು. 

ಅಪರಾಧಿಗಳ ವಿರುದ್ಧ ಕಠಿಣ ನಿಲುವು ತಳೆಯದೆ ಇರುವುದರಿಂದ ಕಾನೂನು ತನ್ನ ಪ್ರಾಮುಖ್ಯತೆ ಕಳೆದುಕೊಂಡಿದೆ. ಮಧ್ಯಪ್ರಾಚ್ಯ ರಾಷ್ಟ್ರಗಳಲ್ಲಿನ ಶಿೆಗಳಂತೆ ನೀಡಿದರೆ ಕಾನೂನು ಪಾಲಿಸಬೇಕು ಎಂದು ಅರ್ಥಮಾಡಿಕೊಳ್ಳಬಹುದು. ಇಲ್ಲಿ ಪ್ರಜಾಪ್ರಭುತ್ವ ಇರುವ ಕಾರಣ ಸುಲಭವಾಗಿ ತೆಗೆದುಕೊಳ್ಳುತ್ತಾರೆ. ಸ್ವಲ್ಪ ದಿನ ಜೈಲಿನಲ್ಲಿರಲಿ ಎಂದು ನ್ಯಾಯಪೀಠ ಅಭಿಪ್ರಾಯಪಟ್ಟಿತು. ಸರ್ಕಾರಕ್ಕೆ ನೋಟಿಸ್​ ಜಾರಿಯಾಗಿದ್ದು, ವಿಚಾರಣೆ ಜೂ. 8ಕ್ಕೆ ನಿಗದಿಯಾಗಿದೆ. 

ಆರೋಪಿ ಪರ ವಾದಿಸಿದ ವಕೀಲರು, ಯಾವುದೇ ಅಪರಾಧ ಮಾಡಿಲ್ಲವಾದರೂ ಅರ್ಜಿದಾರರು ಎರಡು ತಿಂಗಳಿಂದ ಜೈಲಿನಲ್ಲಿದ್ದಾರೆ. ಮೂರು ವರ್ಷಗಳ ಹಿಂದೆ ನಡೆದ ಪ್ರಕರಣಕ್ಕೆ ಸಂಬಂಧಿಸಿ ಬಂಧಿಸಲಾಗಿದೆ. ಇದು ಅವರ ವೃತ್ತೀಜಿವನಕ್ಕೆ ಹಾನಿ ಮಾಡಲಿದೆ ಎಂದರು.

ಉಡುಪಿ ಜಿಲ್ಲೆಯ ಖಾಸಗಿ ಕಾಲೇಜೊಂದರಲ್ಲಿ ಸಹಪಾಠಿಗಳಾಗಿದ್ದ ಆರೋಪಿ ಮತ್ತು ದೂರುದಾರೆ ಇಬ್ಬರೂ ಪ್ರೇಮಿಗಳಾಗಿದ್ದರು. ಆದರೆ, ನಂತರ ಯುವಕನಿಂದ ಅಂತರ ಯುವತಿಯು ಅಂತರ ಕಾಯ್ದುಕೊಂಡಿದ್ದಳು. 2023ರ ಸೆ. 12ರಂದು ಯುವತಿಯನ್ನು ಮಾತುಕತೆಗೆ ತಾನಿದ್ದ ಅಪಾರ್ಟ್​ಮೆಂಟ್​ಗೆ ಆರೋಪಿಯು ಕರೆದೊಯ್ದಿದ್ದನು. ಈ ವೇಳೆ ಅಲ್ಲಿ ತನ್ನ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ್ದಾನೆ ಎಂದು ಯುವತಿ ಆರೋಪಿದ್ದಾಳೆ. ಇದರಿಂದ ಆಘಾತಕ್ಕೊಳಗಾಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದಿದ್ದೇನೆ. ಪ್ರಕರಣ ದಾಖಲಿಸುವ ಮೊದಲು ಬೆಂಗಳೂರಿನಲ್ಲಿ ರಾಷ್ಟ್ರೀಯ ಮಹಿಳಾ ಆಯೋಗದ ಕಚೇರಿಗೂ ದೂರು ನೀಡಲಾಗಿತ್ತು.