ದೇವನಹಳ್ಳಿ ನಿವಾಸಿ 19 ವರ್ಷದ ಯುವತಿ ವರ್ಷಿಣಿ, 2025ರ ಡಿ. 11ರಂದು ಸಂಜೆ ಅಂಗಡಿಯಿಂದ ಮನೆಗೆ ವಾಪಸ್ ಆಗುತ್ತಿದ್ದಾಗ ಆರೋಪಿ ಅರುಣ್ ಬೈಕ್ನಲ್ಲಿ ಬಂದು ಅಡ್ಡಗಟ್ಟಿದ್ದ. ತನ್ನನ್ನು ಪ್ರೀತಿಸುವಂತೆ, ಫೋನ್ ಕರೆ ಹಾಗೂ ಸಂದೇಶಗಳಿಗೆ ಉತ್ತರಿಸುವಂತೆ ಪೀಡಿಸಿ, ಆಕೆಗೆ ಹಲ್ಲೆ ಮಾಡಿ, ಜಾತಿ ನಿಂದನೆ ಮಾಡಿ ಜೀವಬೆದರಿಕೆ ಹಾಕಿದ್ದ. ಸಾರ್ವಜನಿಕವಾಗಿ ನಡೆದ ಈ ಹಲ್ಲೆ ಹಾಗೂ ತೀವ್ರ ಅಪಮಾನದಿಂದ ಮನನೊಂದ ವರ್ಷಿಣಿ, ಮರುದಿನವೇ (ಡಿ.12) ಮನೆಯಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಳು. ನೆರೆಮನೆಯ ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸಿದಾಗ ಆರೋಪಿಯ ಕೃತ್ಯ ಬೆಳಕಿಗೆ ಬಂದಿದ್ದು, ಯುವತಿಯ ತಂದೆ ನೀಡಿದ ದೂರಿನನ್ವಯ ದೇವನಹಳ್ಳಿ ಪೊಲೀಸರು ಆತ್ಮಹತ್ಯೆಗೆ ಪ್ರೇರಣೆ ಹಾಗೂ ಎಸ್ಸಿ&ಎಸ್ಟಿ ದೌರ್ಜನ್ಯ ತಡೆ ಕಾಯ್ದೆಯಡಿ ಪ್ರಕರಣ ದಾಖಲಿಸಿದ್ದರು.
