ಎಸ್​ಐಆರ್​ ಅರಿವಿಗಾಗಿ ಸಹಾಯ ಡೆಸ್ಕ್​ ಸ್ಥಾಪನೆ Desk

ಸಹಾಯ ಡೆಸ್ಕ್​ನಲ್ಲಿ ಮತದಾರರ ಪಟ್ಟಿಯಲ್ಲಿನ ಮತಗಟ್ಟೆ ಸಂಖ್ಯೆ, ಭಾಗ ಸಂಖ್ಯೆ, ಮತದಾರರ ವಿವರ, 2002ರ ದಾಖಲೆಗಳಿಗೆ ಸಂಬಂಧಿಸಿದ ಮಾಹಿತಿ ಸೇರಿ ಎಸ್​ಐಆರ್​ ಪ್ರಕ್ರಿಯೆ ಕುರಿತು ಸಾರ್ವಜನಿಕರಲ್ಲಿ ಇದ್ದ ಗೊಂದಲಗಳಿಗೆ ಸ್ಪಷ್ಟನೆ ನೀಡಲಾಯಿತು. ಅರ್ಜಿ ಭರ್ತಿ ಮಾಡುವ ವಿಧಾನ, ಅಗತ್ಯ ದಾಖಲೆಗಳ ಮಾಹಿತಿ ಹಾಗೂ ಬೂತ್​ ಮಟ್ಟದ ಅಧಿಕಾರಿಗಳ (ಬಿಎಲ್​ಒ) ವಿವರಗಳನ್ನು ಒದಗಿಸಿ ಮತದಾರರಲ್ಲಿ ಜಾಗೃತಿ ಮೂಡಿಸಲಾಯಿತು.

ಈ ವೇಳೆ ತಾಲೂಕಿನ ವಿವಿಧ ಭಾಗಗಳಿಂದ ಆಗಮಿಸಿದ್ದ ಮತದಾರರಿಗೆ ಎಸ್​ಐಆರ್​ ದಾಖಲೆಗಳ ಪರಿಶೀಲನೆ, ಅರ್ಜಿ ನಮೂನೆಗಳ ವಿತರಣೆ, ಬಿಎಲ್​ಒಗಳ ಮಾಹಿತಿ ಸೇರಿ ವಿವಿಧ ರೀತಿಯ ತಾಂತ್ರಿಕ ಹಾಗೂ ಆಡಳಿತಾತ್ಮಕ ನೆರವು ನೀಡಲಾಯಿತು. ಸಾರ್ವಜನಿಕರು ಸಹಾಯ ಡೆಸ್ಕ್​ನ ಸೇವೆಯನ್ನು ವ್ಯಾಪಕವಾಗಿ ಬಳಸಿಕೊಂಡು ತಮ್ಮ ಮತದಾರರ ಮಾಹಿತಿಯನ್ನು ಪರಿಶೀಲಿಸಿಕೊಂಡರು. Desk

ಬ್ಲಾಕ್​ ಕಾಂಗ್ರೆಸ್​ ಗ್ರಾಮಾಂತರ ಅಧ್ಯಕ್ಷ ಅರಕೆರೆ ಶಂಕರ್​, ನಗರ ಕಾಂಗ್ರೆಸ್​ ಅಧ್ಯಕ್ಷ ಅಶ್ವತ್ಥ್​ ನಾರಾಯಣ, ಮಹಿಳಾ ಘಟಕದ ಅಧ್ಯಕ್ಷೆ ಜಯಮ್ಮ ಉಪಸ್ಥಿತರಿದ್ದು, ಮತದಾರರು ಎಸ್​ಐಆರ್​ ಪ್ರಕ್ರಿಯೆಯನ್ನು ಗಂಭೀರವಾಗಿ ಪರಿಗಣಿಸಿ ತಮ್ಮ ಹೆಸರು ಹಾಗೂ ದಾಖಲೆಗಳನ್ನು ನಿಗದಿತ ಅವಧಿಯೊಳಗೆ ಪರಿಷ್ಕರಿಸಿಕೊಳ್ಳುವಂತೆ ಮನವಿ ಮಾಡಿದರು.

ಸಹಾಯ ಡೆಸ್ಕ್​ನಲ್ಲಿ ಕೋಳಾಲ ಹರೀಶ್​ ಗೌಡ, ನಾರಾಯಣ, ಉಮೇಶ್​, ದಿಲೀಪ್​, ಅಶ್ವತ್ಥ್​, ಕಾಂತರಾಜು, ಕೃಷ್ಣಮೂರ್ತಿ ಇದ್ದರು.