ಹಂಪಿ ಉತ್ಸವ; ಸಮಸಮಾಜದ ಸಾಂಸ್ಕೃತಿಕ ಬೇರುಗಳ ಅನಾವರಣ

ಸಮಸಮಾಜದ ಸಾಂಸ್ಕೃತಿಕ ಬೇರುಗಳು ಹುಟ್ಟಿದ್ದೇ ಇಲ್ಲಿ ಎಂಬುದು ವಿಶೇಷ. ಜನಸಾಮಾನ್ಯರ ಭಾವನೆಗಳು ಸಾಮ್ರಾಜ್ಯದೊಂದಿಗೆ ಬೆರೆತಿದ್ದರಿಂದಲೇ ಇಲ್ಲಿನ ಕೀರ್ತಿ ವಿಶ್ವದಾದ್ಯಂತ ಪಸರಿಸಿತು. ಸುವರ್ಣಯುಗ ಸೃಷ್ಟಿಸಿದ ಈ ಆಡಳಿತ ಶೈಲಿಯ ಬಗ್ಗೆ ಇಂದಿಗೂ ಕುತೂಹಲವಿದೆ. ಆದ್ದರಿಂದ ಅರಸರ ಯಶಸ್ಸಿನ ಹಿಂದೆ ಶ್ರಮಿಸಿದ ಜನಸಾಮಾನ್ಯರ ಕುರಿತು ಹೆಚ್ಚಿನ ಅಧ್ಯಯನಗಳು ನಡೆಯುವ ಅಗತ್ಯವಿದೆ ಎಂದರು.

ಗೋಷ್ಠಿಯಲ್ಲಿ ಸಂಶೋಧಕರು ಹಾಗೂ ಚಿಂತಕರು ಹಂಪಿ ಬಗೆಗೆ ತಮ್ಮದೇ ಅಧ್ಯಯನ ಮೂಲದಿಂದ ಹೆಕ್ಕಿ ತೆಗೆದ ವಿಚಾರಗಳನ್ನು ಮಂಡಿಸಿದರು. ಪ್ರೌಢದೇವರಾಯನ ಕಾಲದ ಸಾಹಿತ್ಯ ಕುರಿತು ಲೇಖಕ ಡಾ. ಎಂ. ಎಂ. ಶಿವಪ್ರಕಾಶ್ ಮಾಹಿತಿ ಹಂಚಿಕೊಂಡು, ಅಂದಿನ ಶರಣರು ಮತ್ತು ಸಾಹಿತ್ಯದ ಬಗ್ಗೆ ವಿವರಿಸಿದರು. ಮಹಿಳಾ ಚಿಂತಕಿ ಟಿ. ಎಚ್. ಎಂ. ಅಕ್ಕನಾಗಮ್ಮ ವಿಜಯನಗರ ಕಾಲದ ಮಹಿಳೆಯರ ಸ್ಥಿತಿಗತಿ ಕುರಿತು ಮಾತನಾಡಿದರು.

ಹಂಪಿಯ ಪಾವಿತ್ರ್ಯತೆ ಉಳಿಸುವಲ್ಲಿ ಜಗದ್ಗುರು ಕೊಟ್ಟೂರುಸ್ವಾಮಿ ಮಠದ ಕೊಡುಗೆ ಕುರಿತು ಶರಣಯ್ಯ ಎಸ್. ಚರೇದ ಮಾಹಿತಿ ನೀಡಿದರು. ಸಂಶೋಧಕ ಹಾಗೂ ಲೇಖಕ ಡಾ. ಜಾಜಿ ದೇವೇಂದ್ರಪ್ಪ ಆಶಯ ನುಡಿಗಳನ್ನಾಡಿದರು. ಕಸಾಪ ಬಳ್ಳಾರಿ ಜಿಲ್ಲಾಧ್ಯಕ್ಷ ನಿಷ್ಠಿರುದ್ರಪ್ಪ, ಹೊಸಪೇಟೆ ತಾಲೂಕು ಅಧ್ಯಕ್ಷ ಡಾ. ಗುಂಡಿ ಮಾರುತಿ, ಕೊಪ್ಪಳ ಜಿಲ್ಲಾಧ್ಯಕ್ಷ ಶರಣೇಗೌಡ ಪೊಲೀಸ್ ಪಾಟೀಲ್ ಉಪಸ್ಥಿತರಿದ್ದರು.