ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳು ಮಾತನಾಡಿದ್ದು, ಗುರು ಎಂದರೆ ಭಾರ. ತನ್ನ ಶಿಷ್ಯರ ಬದುಕು ರೂಪಿರುವ ಮಹತ್ತರ ಜವಾಬ್ದಾರಿಯನ್ನ ಹೊತ್ತಿರುವ ದೇವರ ರೂಪ. ಶಾಲೆಯಲ್ಲಿ ಅಕ್ಷರ ಕಲಿಸುವವರು ಮಾತ್ರವೇ ಗುರು ಅಲ್ಲ. ಜೀವನದ ಎಲ್ಲ ಹಂತದಲ್ಲಿ ಸನ್ಮಾರ್ಗ ತೋರುವ ಪ್ರತಿಯೊಬ್ಬರು ಗುರು. ಈ ನಿಟ್ಟಿನಲ್ಲಿ ಶಿಕ್ಷಣ, ರಂಗಭೂಮಿ, ಸಿನಿಮಾ, ಪತ್ರಿಕೋದ್ಯಮ, ರಾಜಕೀಯ, ಸಮಾಜ ಸೇವೆ ಹೀಗೆ ಹಲವು ಕ್ಷೇತ್ರದ 100 ಮಂದಿಗೆ ಒಂದೇ ವೇದಿಕೆಯಲ್ಲಿ ಗುರುವಂದನೆ ಸಲ್ಲಿಸಿದ್ದು ಕಾರ್ಯಕ್ರಮವನ್ನ ಅರ್ಥಪೂರ್ಣವಾಗಿಸಿದೆ ಎಂದು ಸಂತೋಷ ವ್ಯಕ್ತಪಡಿಸಿದರು.
ಹಿರಿಯ ಹೃದ್ರೋಗ ತಜ್ಞರಾದ ಡಾ. ಪವನ್ ಕುಮಾರ್, ಪಿ. ರಾಸಲ್ಕರ್ ಅವರು ಸಭಿಕರೊಂದಿಗೆ ಹೃದಯದ ಕಾಳಜಿ ಕುರಿತು ಸಂವಾದ ನಡೆಸಿದರು. ಕಾರ್ಡಿಯಾಕ್ ಅರೆಸ್ಟ್ ಮತ್ತು ಹೃದಯಾಘಾತ ಎರಡು ಬೇರೆ ಬೇರೆ ಎಂದು ತಿಳಿಸಿದರು. ರಕ್ತನಾಳದ ಬ್ಲಾಕ್ ಆಗುವಿಕೆ ಹೃದಯಾಘಾತ, ಹೃದಯವೇ ಸ್ತಂಭನವಾಗಿದ್ರೆ ಅದು ಕಾರ್ಡಿಯಾಕ್ ಅರೆಸ್ಟ್. ಸುಸ್ತು, ಬೆವರುವಿಕೆ, ಎದೆನೋವು, ಕುತ್ತಿಗೆ ನೊವು, ಬಿಪಿ ಏರುಪೇರು, ಗ್ಯಾಸ್ಟ್ರಿಕ್ ಲಕ್ಷಣ ಕಾಣಿಸಿಕೊಂಡರೆ ನಿರ್ಲಕ್ಷಿಸದೆ ತಪಾಸಣೆ ಮಾಡಿಸಿಕೊಳ್ಳುವುದು ಉತ್ತಮ ಎಂದು ಸಲಹೆ ನೀಡಿದ್ದಾರೆ.
