ಭವನ ನಿರ್ಮಾಣಕ್ಕೆ 3 ಕೋಟಿ ರೂ. ಅನುದಾನ

ಪಟ್ಟಣದ ಆದರ್ಶ ವಿದ್ಯಾಲಯದ ಬಳಿಯ 20 ಗುಂಟೆ ಸ್ಥಳದಲ್ಲಿ ಭಾನುವಾರ ಮುಖ್ಯಮಂತ್ರಿಗಳ ಮೂಲಸೌಕರ್ಯ ಮತ್ತು ಅಭಿವೃದ್ಧಿ ಯೋಜನೆಯಡಿಯಲ್ಲಿ 50 ಲಕ್ಷ ರೂ.ಗಳ ಅನುದಾನದಲ್ಲಿ ತಳವಾರ ಸಮಾಜದ ಸಮುದಾಯ ಭವನ ನಿರ್ಮಾಣ ಕಾಮಗಾರಿಗೆ ಭೂಮಿಪೂಜೆ ನೆರವೇರಿಸಿ, ಅವರು ಮಾತನಾಡಿ, ತಳವಾರ ಸಮುದಾಯದ ಅಭಿವೃದ್ಧಿಗೆ ಶಾಸಕ ಮನಗೂಳಿ ಅವರ ಸಂಪೂರ್ಣ ಸಹಕಾರವಿದ್ದು, ಸಮಾಜದ ಬಂಧುಗಳು ಅವರ ಸಹಕಾರವನ್ನು ಪಡೆದು ಸಮಾಜದ ಒಳಿತಿನ ಕಾರ್ಯ ಮಾಡಬೇಕು ಎಂದರು.

ಶಾಸಕ ಎ.ಎಂ. ಮನಗೂಳಿ ಮಾತನಾಡಿ, ತಾಲೂಕಿನ ತಳವಾರ ಸಮುದಾಯದ ಜನರಿಗೆ ಸರ್ಕಾರದ ಸೌಲಭ್ಯಗಳೊಂದಿಗೆ ಸಮಾಜದ ಅಭಿವೃದ್ಧಿಗೆ ಶ್ರಮಿಸುವೆ. ತಳವಾರ ಸಮುದಾಯದ ಭವನಕ್ಕೆ ಮೊದಲ ಹಂತವಾಗಿ 50 ಲಕ್ಷ ರೂ. ಬಿಡುಗಡೆಯಾಗಿದ್ದು, ಕಟ್ಟಡ ಲೋಕಾರ್ಪಣೆಗೊಳ್ಳುವವರೆಗೂ ಸರ್ಕಾರದಿಂದ ಅಗತ್ಯ ಅನುದಾನ ಒದಗಿಸುವುದಾಗಿ ಭರವಸೆ ನೀಡಿದರು.

ಮಾಜಿ ಶಾಸಕ ಶರಣಪ್ಪ ಸುಣಗಾರ ಮಾತಾನಾಡಿ, ಶಾಸಕ ಮನಗೂಳಿ ಸಮುದಾಯಕ್ಕೆ ಮೌಲ್ಯದ ಸ್ಥಳವನ್ನು ಗುರುತು ಮಾಡಿ, ಭೂಮಿಪೂಜೆ ನೆರವೇರಿಸಿದ್ದು, ಮುಂಬರುವ ದಿನಗಳಲ್ಲಿ ಯಾರಿಂದಲೇ, ಯಾವುದೇ ಒತ್ತಡ ಬಂದರೂ ಗುರುತಿಸಿದ ಸ್ಥಳವನ್ನು ಬದಲಾಯಿಸದೇ ಸಮಾಜಕ್ಕೆ ಕೊಟ್ಟ ಭರವಸೆಯಂತೆ ನಡೆದುಕೊಳ್ಳಬೇಕು. ಶಾಸಕ ಕಮಕನೂರ ಹಾಗೂ ಮನಗೂಳಿ ಅವರ ತಲಾ 3 ಕೋಟಿ ರೂ, ಅನುದಾನದಲ್ಲಿ ಸುಂದರ ಸಮುದಾಯ ಭವನ ನಿರ್ಮಾಣಗೊಳ್ಳಲಿ ಎಂದರು.

ನಿವೃತ್ತ ಪ್ರಾಧ್ಯಾಪಕ ಅರವಿಂದ ಮನಗೂಳಿ, ಕೆಡಿಪಿ ಸದಸ್ಯ ಶಿವಣ್ಣ ಕೋಟಾರಗಸ್ತಿ, ಶಿವಾಜಿ ಮೆಟಗಾರ, ವೈ.ಸಿ. ಮಯೂರ ಮಾತನಾಡಿದರು.

ನಗರ ಯೋಜನಾ ಪ್ರಾಧಿಕಾರದ ಅಧ್ಯಕ್ಷ ಹಣಮಂತ ಸುಣಗಾರ, ಗುತ್ತಿಗೆದಾರ ಮಹಾದೇವಪ್ಪ ಗುಡ್ಲಮನಿ, ಪ್ರಭು ವಾಲಿಕಾರ, ಅಂಬರೀಷ ಕಾಮನಕೇರಿ ದೌಲತರಾಯ ಸೊನ್ನ, ಬಸವರಾಜ ಯರನಾಳ, ಶಾಂತಪ್ಪ ರಾಣಾಗೋಳ, ಭೀಮಾಶಂಕರ ನೆಲ್ಲಗಿ, ಯಲ್ಲು ಬಳ್ಳುಂಡಗಿ, ಈರಣ್ಣ ಕುರಿ, ರಾಜು ಬೋರಗಿ, ಬಸವರಾಜ ಕಾಂಬಳೆ ಇತರರಿದ್ದರು.