ದಿಂಡಿ ಉತ್ಸವ ಅದ್ದೂರಿ

ಪಾಂಡುರಂಗ, ರುಕ್ಮಿಣಿ ಭಾವಚಿತ್ರವನ್ನು ವಿಶೇಷ ಹೂವಿನ ಪಲ್ಲಕ್ಕಿ ರಥದಲ್ಲಿ ಪ್ರತಿಷ್ಠಾಪಿಸಿ ಪಟ್ಟಣದ ಪ್ರಮುಖ ರಾಜಬೀದಿಗಳಲ್ಲಿ ಕಲಾ ತಂಡಗಳಾದ ವೀರಗಾಸೆ, ಭದ್ರಾಕಾಳಿ, ಚಿಟ್ಟಿಮೇಳೆ, ಮಕ್ಕಳಿಂದ ಚಕ್ಕೆ ಭಾಜನೆ, ಕರಗ ನೃತ್ಯ, ನವಿಲು ಕುಣಿತ, ಗೊಂಬೆ ಕುಣಿತ, ನಾಸಿಕ್​ ಡೋಲ್​ ಡೊಳ್ಳುಕುಣಿತ, ಕೇರಳದ ಚಂಡೆ ವಾದ್ಯ, ತಮಟೆ ವಾದ್ಯ ಇನ್ನೂ ಮುಂತಾದ ಕಲಾತಂಡಗಳೊಂದಿಗೆ ಭವ್ಯ ಮೆರವಣಿಗೆ ನಡೆಸಲಾಯಿತು.

ಪಟ್ಟಣದ ಬಸ್​ ನಿಲ್ದಾಣ ಬಳಿ ಮೆರವಣಿಗೆ ತಲುಪಿದ ಸಮಯದಲ್ಲಿ ಶ್ರೀ ಪಾಂಡುರಂಗ ಮತ್ತು ಶ್ರೀ ರುಕ್ಮಿಣಿ ದೇವರು 22 ಅಡಿ ಎತ್ತರದ ಭಾವಚಿತ್ರಕ್ಕೆ ಪಂಚಾಮೃತ ಅಭಿಷೇಕ ಹಾಗೂ ವಿಶೇಷ ಪೂಜೆ ನೆರವೇರಿಸಲಾಯಿತು.

ಭಾವಸಾರ ಕ್ಷತ್ರಿಯ ಸಮಾಜದ ಮಂಜುನಾಥ್​ ಮಾಳೋದೆ, ಮಹೇಶ್​ ಅಂಬೇಕರ್​, ಜಿ.ಬಿ.ಚಂದನ್​ ರಾವ್​ ನಾಜರೆ, ಪಿ.ಮೋಹನ್​ ಕುಮಾರ್​ ಮಿರಸ್ಕರ್​, ಎಸ್​.ಒ.ಬಾಸುತ್ಕರ್​, ರವಿ ಮಿರಸ್ಕರ್​, ಆನಂದ್​ ರಾವ್​, ಜಿ.ಕೆ.ಮಾಳೋದೆ, ನಾಗದೀಪ್​ ಮಾಳೋದೆ, ಕಿರಣ್​ ಕುಮಾರ್​ ಮಿರಸ್ಕರ್​, ಜಿ.ಕೆ.ಮಂಜುನಾಥ್​ ರಾವ್​ ಮಾಳೋದೆ, ಡಾ.ಮೌರ್ಯ, ಹದಿನೆಂಟು ಕೋಮಿನ ಮುಖಂಡ ಕೆಂಪೇಗೌಡ, ರೇಣುಕಾಸ್ವಾಮಿ ಇದ್ದರು.