ಡಿಜಿಟಲ್​ ಅರೆಸ್ಟ್​ಗೊಳಗಾದ ಸರ್ಕಾರಿ ನೌಕರ; 83 ಲಕ್ಷ 22ರೂ. ಪಂಗನಾಮ, ದೂರು ದಾಖಲು..Digital Arrest

ಬಾಗಲಕೋಟೆಯ ಸರ್ಕಾರಿ ನೌಕರರೊಬ್ಬರು  ತಮ್ಮ ನಿವೃತ್ತ ಜೀವನಕ್ಕಾಗಿ ಉಳಿತಾಯ ಮಾಡಿದ್ದ  83 ಲಕ್ಷ 22 ಸಾವಿರ ರೂಪಾಯಿ ಕಳೆದುಕೊಂಡಿರುವ ಘಟನೆ ಬೆಳಕಿಗೆ ಬಂದಿದೆ. ಇವರು ಇನ್ನೂ ಮೂರು ತಿಂಗಳಲ್ಲಿ ನಿವೃತ್ತಿ  ಪಡೆದುಕೊಳ್ಳುತ್ತಿದ್ದರು ಎನ್ನಲಾಗಿದೆ. 

ನಿಮ್ಮ ಹೆಸರಿನಲ್ಲಿ ಸಿಮ್ ಪಡೆದು,  ನಿಮ್ಮ​​​​ ನಂಬರ್​ಗಳಿಂದ ಹೆಣ್ಣು ಮಕ್ಕಳಿಗೆ ಅಶ್ಲೀಲ ಮೆಸೇಜ್​  ಬಂದಿದೆ ಎಂದು ದೂರು ದಾಖಲಾಗಿದೆ. ಹೀಗಾಗಿ, ನೀವು ಡಿಜಿಟಲ್​ ಅರೆಸ್ಟ್​ಗೆ ಒಳಗಾಗಿದ್ದೀರಿ, ವಿಡಿಯೋ ಕಾಲ್​ ಮೂಲಕ ವಿಚಾರಣಗೆ ಹಾಜರಾಗಿ.  ನಿಮ್ಮ ಕೇಸ್ ಸಿಬಿಐಗೆ  ವರ್ಗಾವಣೆ ಆಗಿದೆ ಎಂದು  ಕರೆ ಮಾಡಿದ್ದರು ಎನ್ನುವುದಾಗಿ ಸರ್ಕಾರಿ  ನೌಕರ ಹೇಳಿಕೊಂಡಿದ್ದಾರೆ ಎನ್ನಲಾಗಿದೆ.

ಇದನ್ನೂ ಓದಿ: Bengaluru ಮುನ್ನೇಕೊಳಾಲ ಪ್ರದೇಶದ ದುಸ್ಥಿತಿ ಅನಾವರಣಗೊಳಿಸಿದ ಟೆಕ್ಕಿ; 'ಇದು ನನ್ನ ನಗರ' ಎಂದು ಹೇಳಲು ಸಾಧ್ಯವಾಗುತ್ತಿಲ್ಲ ಎಂದು ಬೇಸರ

ನಕಲಿ ಕೋರ್ಟ್, ಸಿಬಿಐ ಕಚೇರಿ ವಿಡಿಯೋ ಕಾಲ್ ನಲ್ಲಿ ವಿಚಾರಣೆ ಸೆಟಪ್ ಮಾಡಿ, ಫೆಬ್ರವರಿ 22 ರಿಂದ ಏಪ್ರಿಲ್ 13 ರ ವರೆಗೆ ಹಂತ ಹಂತವಾಗಿ ಹಣ ವರ್ಗಾವಣೆ ಮಾಡಿಸಿಕೊಂಡಿದ್ದಾರೆ ಎನ್ನಲಾಗಿದೆ.  ಇಷ್ಟಕ್ಕೇ ನಿಲ್ಲದೇ ಮತ್ತಷ್ಟು ಹಣಕ್ಕೆ ಬೇಡಿಕೆಯಿಟ್ಟಾಗ  ಮನೆಯಲ್ಲಿದ್ದ ಚಿನ್ನ ಅಡವಿಟ್ಟು ಹಣ ಪಾವತಿ ಮಾಡಿದ್ದಾರೆ. ಜೊತೆಗೆ ನ್ಯಾಯಾಲಯದ ಜಾಮೀನು ಹೆಸರಿನಲ್ಲಿ 25 ಲಕ್ಷ ಹಣ ಪಾವತಿಸಿಕೊಂಡಿದ್ದಾರೆ ಎನ್ನಲಾಗಿದೆ, (ಏಜೆನ್ಸೀಸ್​).