ಸಾಹಿತ್ಯ ಅಕಾಡೆಮಿಗೆ ಅನುದಾನ ನೀಡಿ

ಪಟ್ಟಣದ ಕನ್ನಡ ಭವನದಲ್ಲಿ ನಾಗರಿಕರ ಅಭಿನಂದನೆ ಸ್ವೀಕರಿಸಿ ಮಾತನಾಡಿದ ಅವರು, ಸಾಮಾನ್ಯ ಜನರಿಗೂ ಸಾಹಿತ್ಯ ತಲುಪಿಸುವ ನಿಟ್ಟಿನಲ್ಲಿ ಸಾಹಿತ್ಯ ಅಕಾಡೆಮಿ ಹಲವು ಜನಪರ ಯೋಜನೆಗಳನ್ನು ಹಮ್ಮಿಕೊಂಡಿದೆ. ಈ ಸಾಲಿನಲ್ಲಿ 250 ಗ್ರಂಥಗಳನ್ನು ತರುವ ಯೋಜನೆಯಿದ್ದು, ಭಾಷಾಭಾರತಿ ಸಹಕಾರದೊಂದಿಗೂ ಪುಸ್ತಕಗಳನ್ನು ಬಿಡುಗಡೆಗೊಳಿಸಲಾಗುತ್ತಿದೆ. ಡಾ.ಅಂಬೇಡ್ಕರ್​ ಕುರಿತ 10 ಸಾವಿರ ಪ್ರತಿಗಳ ಪ್ರಕಟಣೆ ಜತೆಗೆ ಸೌಹಾರ್ದ ಕರ್ನಾಟಕ ಯೋಜನೆಯಡಿ ವ್ಯಕ್ತಿ, ವಿಷಯ ಆಧಾರಿತ ನಾಡಿನ ಸಾಹಿತ್ಯ ವೈವಿಧ್ಯತೆಗಳನ್ನು ಪರಿಚಯಿಸುವ 50 ಕಿರು ಕೃತಿಗಳನ್ನು ಹೊರತರಲಾಗುವುದು. ಈ ಕೃತಿಗಳ ಲೇಖಕರು ಓದುಗರ ಮುಂದೆ ಕೃತಿಯನ್ನು ಪರಿಚಯಿಸಿ ಚರ್ಚೆಯ ನಂತರ ಕೃತಿಯನ್ನು ಪರಿಷ್ಕರಿಸಬೇಕು ಎಂದರು.

ಸಾಹಿತಿ ಪ್ರೊ.ಕೆ.ಪುಟ್ಟರಂಗಪ್ಪ ಮಾತನಾಡಿ, ಮುಕುಂದರಾಜ್​ ಸಾಹಿತ್ಯ ಅಕಾಡೆಮಿಯ ಚಟುವಟಿಕೆಗಳನ್ನು ನಗರ ಪ್ರದೇಶಗಳಿಂದ ಗ್ರಾಮೀಣ ಪ್ರದೇಶಗಳಿಗೂ ವಿಕೇಂದ್ರೀಕರಣಗೊಳಿಸಿದ್ದಾರೆ. ಇದು ಅನುಕರಣೀಯ ಮಾದರಿಯಾಗಿದೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು.

ನಿಪೂ ಅಧ್ಯಕ್ಷ ಸಾ.ಶಿ.ದೇವರಾಜು, ಚಿದಂಬರೇಶ್ವರ ಗ್ರಂಥಾಲಯದ ಸಂಸ್ಥಾಪಕ ರಾಮಚಂದ್ರು, ಲೇಖಕ ತಂ.ಪಾ.ಚಂದ್ರರ್ಕಿತಿ, ಮಂಜೇಶ್​ ಗುಪ್ತಾ, ವಿಶ್ವಾರಾಧ್ಯ, ತಾಪಂ ಮಾಜಿ ಸದಸ್ಯ ನಂಜೇಗೌಡ, ರಾಘವೇಂದ್ರ ಇತರರಿದ್ದರು.