ಒತ್ತಡದ ಜೀವನಶೈಲಿಗೆ ಯೋಗವೇ ದಿವ್ಯ ಔಷಧ: ಭವರಲಾಲ ಆರ್ಯ ಅಭಿಮತ

ಯೋಗ ಇಂದಿನ ಒತ್ತಡದ ಜೀವನ ಶೈಲಿಯಲ್ಲಿ ಅನಿವಾರ್ಯವಾಗಿ ಅವಶ್ಯಕತೆಯಾಗಿದೆ. ಸದೃಢ ಆರೋಗ್ಯವೇ ಸದೃಢ ಸಮಾಜ ನಿರ್ಮಾಣದ ತಳಹದಿ. ಯುವಜನತೆ ದುಶ್ಚಟಗಳನ್ನು ತೊರೆದು ಯೋಗದ ಮೂಲಕ ದೈಹಿಕ ಹಾಗೂ ಮಾನಸಿಕವಾಗಿ ಸದೃಢಗೊಳ್ಳಬೇಕು ಎಂದು ಪತಂಜಲಿ ಯೋಗ ಸಮಿತಿಯ ರಾಜ್ಯ ಪ್ರಭಾರಿ ಯೋಗಾಚಾರ್ಯ ಭವರಲಾಲ ಆರ್ಯ ಹೇಳಿದರು.

ನಗರದ ರಾಜೀವಗಾಂಧಿ ನಗರದ ಈಶ್ವರ ಸಭಾಭವನ ಪ್ರಾಂಗಣದಲ್ಲಿ ಏರ್ಪಡಿಸಿದ್ದ ಅಂತರರಾಷ್ಟ್ರೀಯ ಯೋಗ ದಿನಾಚರಣೆ ಅಂಗವಾಗಿ ಏರ್ಪಡಿಸಿದ್ದ ಕಾರ್ಯಕ್ರಮದಲ್ಲಿ ಸಾಮೂಹಿಕ ಯೋಗ ಪ್ರಾತ್ಯಕೆ ನೀಡಿ ಮಾತನಾಡಿದ ಅವರು, ಯೋಗವನ್ನು ಕೇವಲ ಜೂ.21ರ ಒಂದು ದಿನದ ಆಚರಣೆಗೆ ಸೀಮಿತಗೊಳಿಸದೆ, ಅದನ್ನು ದಿನಚರಿಯ ಭಾಗವನ್ನಾಗಿ ಮಾಡಿಕೊಳ್ಳಬೇಕು. ಇಂದಿನ ವೇಗದ ಬದುಕು, ಮೊಬೈಲ್​ ಮತ್ತು ಮಾದಕ ವ್ಯಸನಗಳು ಯುವ ಪೀಳಿಗೆಯನ್ನು ಆತಂಕಕಾರಿ ದಿಕ್ಕಿಗೆ ಕೊಂಡೊಯ್ಯುತ್ತಿವೆ. ಇಂತಹ ಸಂದರ್ಭದಲ್ಲಿ ಯೋಗವೇ ಸಂಜೀವಿನಿ. ದಿನಕ್ಕೆ ಒಂದು ಗಂಟೆ ಯೋಗಾಭ್ಯಾಸ ಮಾಡಿದರೆ ಆರೋಗ್ಯದಲ್ಲಿ ಮಹತ್ತರ ಬದಲಾವಣೆ ಕಾಣಬಹುದು. ವ್ಯಕ್ತಿ ಸದೃಢವಾದರೆ ಮಾತ್ರ ಕುಟುಂಬ ಸದೃಢವಾಗುತ್ತದೆ. ಕುಟುಂಬ ಸದೃಢವಾದರೆ ಸಮಾಜ ಸದೃಢವಾಗುತ್ತದೆ. ಹೀಗಾಗಿ ಸದೃಢ ಆರೋಗ್ಯವೇ ಸದೃಢ ಸಮಾಜದ ತಳಹದಿ ಎಂದರು.

ಯುವಜನತೆ ಧಾಮಿರ್ಕ ಮತ್ತು ಆಧ್ಯಾತ್ಮಿಕ ಮೌಲ್ಯಗಳಿಂದ ದೂರ ಸರಿಯುತ್ತಿರುವ ಬಗ್ಗೆ ಕಳವಳ ವ್ಯಕ್ತಪಡಿಸಿದ ಅವರು, ದುಶ್ಚಟಗಳಿಂದ ದೂರವಿದ್ದು ಯೋಗದ ಮೂಲಕ ದೈಹಿಕ ಹಾಗೂ ಮಾನಸಿಕ ಸ್ಥೆರ್ಯವನ್ನು ಯುವಕರು ಗಳಿಸಿಕೊಳ್ಳಬೇಕು. ಪರಿಸರ ಮತ್ತು ಜಲ ಸಂರಣೆಯ ಅರಿವು ಮಕ್ಕಳಲ್ಲಿ ಮೂಡಿಸುವುದು ಹಿರಿಯರ ಕರ್ತವ್ಯ ಎಂದರು.

ಅಧ್ಯತೆ ವಹಿಸಿ ಮಾತನಾಡಿದ ಈಶ್ವರ ಸೇವಾ ಟ್ರಸ್ಟ್​ ಅಧ್ಯ ಮಲ್ಲಿಕಾರ್ಜುನ ಸಂತೋಜಿ, ನಗರದ ವಿವಿಧ ದೇವಸ್ಥಾನಗಳ ಸಂಗಳು ಹಾಗೂ ಟ್ರಸ್ಟ್​ಗಳ ಅಧ್ಯರನ್ನು ಒಂದೇ ವೇದಿಕೆಗೆ ತಂದು, ಸಮಾಜದ ಅಭಿವೃದ್ಧಿಗೆ ಪೂರಕವಾದ ಜನಜಾಗೃತಿ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುವ ಉದ್ದೇಶವನ್ನು ಟ್ರಸ್ಟ್​ ಹೊಂದಿದೆ. ಪ್ರತಿಯೊಂದು ವಾರ್ಡ್​ನಲ್ಲಿ ಯೋಗಾಭ್ಯಾಸ, ಆರೋಗ್ಯ ಜಾಗೃತಿ, ಪರಿಸರ ಸಂರಣೆ, ಕಾನೂನು ಅರಿವು ಹಾಗೂ ಆಧ್ಯಾತ್ಮಿಕ ಮೌಲ್ಯಗಳ ಪ್ರಸಾರಕ್ಕೆ ಸಂಬಂ-ಧಿಸಿದ ಕಾರ್ಯಕ್ರಮಗಳನ್ನು ನಿರಂತರವಾಗಿ ಆಯೋಜಿಸುವ ಯೋಜನೆ ರೂಪಿಸಲಾಗಿದೆ. ದಿನಕ್ಕೆ ಕನಿಷ್ಠ ಒಂದು ಗಂಟೆ ಯೋಗಾಭ್ಯಾಸಕ್ಕೆ ಮೀಸಲಿಟ್ಟರೆ ದೈಹಿಕ ಹಾಗೂ ಮಾನಸಿಕ ಆರೋಗ್ಯವನ್ನು ಉತ್ತಮವಾಗಿ ಕಾಪಾಡಿಕೊಳ್ಳಬಹುದು ಎಂದರು.

ಇಂದಿನ ಯುವಜನತೆ ಧಾಮಿರ್ಕ ಹಾಗೂ ಆಧ್ಯಾತ್ಮಿಕ ಮೌಲ್ಯಗಳಿಂದ ದೂರವಾಗಿ ದುಶ್ಚಟಗಳಿಗೆ ಬಲಿ ಆಗುತ್ತಿರುವುದು ಆತಂಕಕಾರಿ ಬೆಳವಣಿಗೆ. ಸಮಾಜ, ರಾಷ್ಟ್ರ, ಸಂಸತಿ ಹಾಗೂ ಸಂಪ್ರದಾಯಗಳ ಬಗ್ಗೆ ಯುವಕರಲ್ಲಿ ಜಾಗೃತಿ ಮೂಡಿಸುವುದು ಹಿರಿಯರ ಜವಾಬ್ದಾರಿ ಆಗಿದೆ ಎಂದು ಹೇಳಿದರು.

ನೂರಾರು ಯೋಗಾಸಕ್ತರು ಸಾಮೂಹಿಕ ಯೋಗಾಭ್ಯಾಸ ನಡೆಸಿದರು. ಗಿರಿಯಪ್ಪ ಮಡಿವಾಳರ, ಶೋಭಾ ಗುಗ್ಗರಿ, ಅಂಜನೇಯ ಮಾನೇದ ಮತ್ತು ಲಕ್ಷ$್ಮಣ ಮಗಜಿ ಅವರು ಯೋಗಾಸನ ಹಾಗೂ ಪ್ರಾಣಾಯಾಮದ ಪ್ರಾತ್ಯಕೆ ನೀಡಿದರು. ಬ್ರಹ್ಮಕುಮಾರಿ ಈಶ್ವರಿ ವಿಶ್ವವಿದ್ಯಾಲಯದ ಬಿ.ಕೆ.ಮಮತಾ, ಬಿ. ಕೆ. ಜೋಸ್ನಾ, ದೀಪ್ತಿ ಪಾಠಕ, ಎಸ್​. ವಿ. ಹಿರೇಮಠ, ಚನ್ನಯ್ಯ ಹಿರೇಹಾಳಮಠ, ಕೆ. ವಿ. ಕಂಬಳಿ, ವಿರುಪಾಪ್ಪ ಶಿವಸಿಂಪಿಗೇರ, ಚನ್ನಬಸವ ಅಕ್ಕಿ, ಸಿದ್ರಾಮಪ್ಪ ಉಮಚಗಿ, ಎಂ. ಸಿ. ವಗ್ಗಿ, ಬಿ. ಆರ್​. ಜಾಲಿಹಾಳ, ಜಿ. ವಿ.ಪಾಟೀಲ, ಮೃತ್ಯುಂಜಯ ಪಾಟೀಲ, ಜಗದೀಶ ಜಾಲಿ, ಹುಚ್ಚಣ್ಣ ಶಹಪೂರ, ಕೆ. ವಿ. ಪಾಟೀಲ, ಜಿ. ವಿ. ಬೆಳಹಾರ, ವೀರೇಶ ಕೋರಿಮಠ ಹಲವರು ಇದ್ದರು.