ವಿಬಿಜಿರಾಮ್​ಜಿ ವಿರೋಧಿಸಿ ಎಚ್ಕೆ ಪ್ರಸ್ತಾಪ! ಎಸ್​.ವಿ. ಸಂಕನೂರು ಬಯ್ಕಾಟ್​

ಮಹಾತ್ಮಾಗಾಂಧಿ ಉದ್ಯೋಗ ಖಾತ್ರಿ ಯೋಜನೆ ಪರಿಷ್ಕರಿಸಿ ವಿಬಿಜಿರಾಮ್​ಜಿ ಎಂಬ ನೂತನ ಯೋಜನೆಯನ್ನ ಕೇಂದ್ರ ಸರ್ಕಾರ ಜಾರಿ ಮಾಡಿದ ನಂತರ ಕೇಂದ್ರ ಹಾಗೂ ರಾಜ್ಯ ಸರ್ಕಾರದ ನಡುವೆ ಮತ್ತೊಂದು ಸುತ್ತಿನ ರಾಜಕೀಯ ಶೀತಲ ಸಮರಕ್ಕೆ ಹೊಸ ವೇದಿಕೆ ಸಜ್ಜಾಗಿದೆ. ಅಧಿವೇಶನ ಮೊದಲ ದಿನವೂ ರಾಜ್ಯಪಾಲರ ಭಾಷಣ ಕುರಿತಾಗಿ ರಾಜ್ಯ ಸರ್ಕಾರ ಆಕ್ಷೇಪ ಎತ್ತಿದ್ದು, ಮುಂದುವರಿದು ಜಿಲ್ಲಾ ಗಣರಾಜಯೋತ್ಸವ ಕಾರ್ಯಕ್ರಮದಲ್ಲೂ ಸಹ ವೈಮನಸ್ಸಿನ ನೆರಳು ಹಿಂಬಾಲಿಸಿತು. ವಿಬಿಜಿರಾಮ್​ಜಿ ವಿಷಯ ಪ್ರಸ್ತಾಪಿಸುತ್ತಿದ್ದಂತೆ ವೇದಿಕೆ ಮೇಲಿದ್ದ ವಿಧಾನ ಪರಿಷತ್​ ಸದಸ್ಯ ಎಸ್​.ವಿ. ಸಂಕನೂರು ಕಾರ್ಯಕ್ರಮವನ್ನು ಬಯ್ಕಾಟ್​ ಮಾಡಿ ಹೊರ ನಡೆದ ಟನೆ ಸಂಭವಿಸಿತು.

ವಿಬಿಜಿರಾಮ್​ಜಿ ಪ್ರಸ್ತಾಪ:

ಕೆ.ಎಚ್​ ಪಾಟೀಲ ಜಿಲ್ಲಾ ಕ್ರೀಡಾಂಗಣದಲ್ಲಿ ಸೋಮವಾರ ನಡೆಯುದ್ದ ಗಣರಾಜ್ಯೋತ್ಸವ ಕಾರ್ಯಕ್ರಮದಲ್ಲಿ ಸಂಪ್ರಾಯದಂತೆ ಕಾನೂನು ಸಚಿವ ಎಚ್​.ಕೆ. ಪಾಟೀಲರಿಂದ ಭಾಷಣ ಮುಂದು ವರಿದಿತ್ತು. ಈ ವೇಳೆ ಭಾಷಣದಲ್ಲಿ ವಿಬಿಜಿರಾಮ್​ಜಿ ಯೋಜನೆ ಬಗ್ಗೆ ಎಚ್​.ಕೆ ಪಾಟೀಲ ವಿಷಯ ಪ್ರಸ್ತಾಪಿಸಿದರು. "ಬಂಡವಾಳ ಶಾಹಿಗಳ ಹಿತಾಸಕ್ತಿಯನ್ನು ಕಾಪಾಡುವ ಗುತ್ತಿಗೆದಾರರ ಕೇಂದ್ರಿಕೃತ ವಿಬಿಜಿಗ್ರಾಮಜಿ ಯೋಜನೆ ಹೆಸರಿನಲ್ಲಿ ಗ್ರಾಮೀಣ ಹಿತಾಸಕ್ತಿಯನ್ನು ಗಾಳಿಗೆ ತೂರಲಾಗಿದೆ. ಯೋಜನೆಯನ್ನು ನಿರಸನಗೊಳಿಸಿದೆ. ಉದ್ಯೋಗವನ್ನು ಕಸಿದುಕೊಳ್ಳುವ ಈ ಯೋಜನೆನ್ನು ಕೇಂದ್ರ ಸರ್ಕಾರಕ್ಕೆ ರದ್ದು ಮಾಡಿ ಬಡವರ ಪರವಾದ, ಕೃಷಿ ಕಾಮಿರ್ಕರ ಪರವಾದ ಮಹಾತ್ಮ ಗಾಂಧಿ ರಾಷ್ಟ್ರೀಯ ಗ್ರಾಮೀಣ ಉದ್ಯೋಗ ಖಾತರಿ ಕಾನೂನ ಪುನಃ ಸ್ಥಾಪನೆ ಮಾಡಬೇಕು ಎಂದು ಭಾಷಣದಲ್ಲಿ ಒತ್ತಾಯಿಸಿದರು.

ಸಂಕನೂರು ಆಕ್ಷೇಪ:

ಸಚಿವ ಎಚ್​.ಕೆ. ಪಾಟೀಲ ಭಾಷಣಕ್ಕೆ ವಿಧಾನ ಪರಿಷತ್​ ಸದಸ್ಯ ಎಸ್​.ವಿ. ಸಂಕನೂರು ಆಕ್ಷೇಪ ವ್ಯಕ್ತಪಡಿಸಿದರು. ಭಾಷಣ ಸ್ಥಳಕ್ಕೆ ಬಂದ ಪರಿಷತ್​ ಸದಸ್ಯ ಎಸ್​.ವಿ ಸಂಕನೂರು ಅವರು, ಹೊಸ ಯೋಜನೆಯಲ್ಲಿ 100 ರಿಂದ 125ಕ್ಕೆ ಕೂಲಿ ದಿನವನ್ನು ಹೆಚ್ಚಿಸಲಾಗಿದೆ. ಕೂಲಿ ಪಾವತಿಗಳು ಶ್ರೀವಾಗಿ ಕಾಮಿರ್ಕರಿಗೆ ದೊರೆಯುವಂತಹ ವಿಷಯಗಳನ್ನು ಅಳವಡಿಸಲಾಗಿದೆ. ಆದರೆ, ವಿಬಿಜಿರಾಮ್​ಜಿ ಯೋಜನೆಯು ಕೂಲಿಕಾಮಿರ್ಕರ ಉದ್ಯೋಗ ಕಸಿದುಕೊಳ್ಳುತ್ತದೆ ಎಂದು ಸುಳ್ಳು ಸಂದೇಶ ಏಕೆ ನೀಡುತ್ತೀರಿ ಎಂದು ಸಚಿವರನ್ನು ಪ್ರಶ್ನಿಸಿದರು. ಈ ಭಾಷಣಕ್ಕೆ ನನ್ನ ವಿರೋಧ ವಿದೆ ಎಂದು ಆಕ್ಷೇಪ ವ್ಯಕ್ತಪಡಿಸಿ ವೇದಿಕೆಯಿಂದ ಹೊರನಡೆದರು. ಸಚಿವ ಎಚ್​.ಕೆ. ಪಾಟೀಲರು ಭಾಷಣ ಮುಂದುವರಿಸಿದರು. ಈ ಟನೆಯಿಂದ ಜಿಲ್ಲಾ ಕ್ರೀಡಾಂಗಣ ಕಾರ್ಯಕ್ರಮದಲ್ಲಿ ಸ್ವಲ್ಪ ಇರಿಸು ಮುರಿಸು ಉಂಟಾದಂತೆ ಕಂಡಿತು.