Gadag: 14 ಲಕ್ಷ ಮೌಲ್ಯದ ಅಕ್ಕಿ, 29 ಲಕ್ಷ ಮೌಲ್ಯದ ಲಾರಿ ಜಪ್ತಿ

ಹರಪನಹಳ್ಳಿಯಿಂದ ಗುಜರಾತ್​ ರಾಝ್ಯದ ಅಹಮ್ಮದಾಬಾದ್​ಗೆ ಅಕ್ರಮವಾಗಿ ಸಾಗಿಸುತ್ತಿದ್ದ 14 ಲಕ್ಷ ರೂ. ಮೌಲ್ಯದ ಅನ್ನಭಾಗ್ಯ ಯೋಜನೆಯ ಅಕ್ಕಿಯನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಜಿಲ್ಲಾ ಪೊಲೀಸ್​ ವರಿಷ್ಠಾಧಿಕಾರಿ ರೋಹನ್​ ಜಗದೀಶ ಹೇಳಿದರು.

ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಅಕ್ರಮ ಅಕ್ಕಿ ಸಾಗಾಟ ಜತೆಗೆ 29 ಲಕ್ಷ ಮೌಲ್ಯದ ಲಾರಿಯನ್ನು ವಶಕ್ಕೆ ಪಡೆಯಲಾಗಿದ್ದು, ಪ್ರಾಥಮಿಕವಾಗಿ ಲಾರಿಚಾಲಕನನ್ನು ವಶಕ್ಕೆ ಪಡೆದು ವಿಚಾರಣಗೆ ಒಳಪಡಿಸಲಾಗಿದೆ. ಗದಗ ನಗರದ ತೋಂಟದಾರ್ಯ ಇಂಜಿನಿಯರಿಂಗ್​ ಕಾಲೇಜು ಸಮೀಪ ಈ ಕಾರ್ಯಾಚರಣೆ ನಡೆದಿದ್ದು, ಅಕ್ರಮ ಅಕ್ಕಿ ಸಾಗಾಟ ಜಾಲವನ್ನು ಬೇಧಿಸಲು ವಿಶೇಷ ತಂಡ ರಚನೆ ಮಾಡಲಾಗಿದೆ ಎಂದು ಹೇಳಿದರು.

ಲಾರಿಯು ಮಧ್ಯ ಪ್ರದೇಶದ ನೋಂದಣಿ ಹೊಂದಿದೆ. ಎಂಪಿ09ಡಿಎನ್​7251 ಸಂಖ್ಯೆಯ ಲಾರಿಯಲ್ಲಿ 34,720 ಕೆಜಿ ಪಡಿತರ ಅಕ್ಕಿಯನ್ನು ಸಾಗಾಟ ಮಾಡಲಾಗುತ್ತಿತ್ತು. ವಿಜಯನಗರ ಜಿಲ್ಲೆಯ ಹೂವಿನಹಡಗಲಿ ಭಾಗದಿಂದ ಗದಗ-ಇಳಕಲ್​ ಮಾರ್ಗವಾಗಿ ಗುಜರಾತ್​ ಕಡೆಗೆ ಅಕ್ಕಿಯನ್ನು ಸಾಗಿಸಲಾಗುತ್ತಿತ್ತು ಎಂಬ ಮಾಹಿತಿ ಆಧರಿಸಿ ಜಪ್ತಿ ಮಾಡಲಾಗಿದೆ. ಚಾಲಕ ಹೇಳಿಕೆ ಪ್ರಕಾರ ಹರಪನಹಳ್ಳಿಯ ಒಂದು ಖಾರ್ಕಾನೆ ಈ ಅಕ್ಕಿಯನ್ನು ತುಂಬಿಸಲಾಗಿದೆ. ಅಹಮ್ಮದಾಬಾದ್​ ಗೆ ರವಾನಿಸಲು ಹೇಳಲಾಗಿತ್ತು. ಸಂಬಳ ಆಧಾರದಲ್ಲಿ ನನ್ನನ್ನು ಚಾಲಕನಾಗಿ ನೇಮಿಸಿದ್ದರು ಎಂದು ಚಾಲಕ ಹೇಳಿದ್ದಾನೆ. ಚಾಲಕ ಹೇಳಿಕೆ ಆಧರಿಸಿ ತನಿಖೆ ಮುಂದುವರಿಸಲಾಗಿದೆ. ಜಪ್ತಿ ವೇಳೆ ನಕಲಿ ಬಿಲ್​ಗಳು ದೊರೆತಿವೆ. ಈ ನಕಲಿ ಬಿಲ್​ಗಳನ್ನು ಎಲ್ಲಿ ಪಡೆಯಲಾಗಿದೆ. ಯಾರು ನೀಡಿದರು. ನಕಲಿ ಬಿಲ್​ಗಳನ್ನು ಅಸಲಿ ಎನ್ನುವ ರೀತಿ ಸಿದ್ಧವಾಗಿಸಿ ಕೊಡುವ ಜಾಲ ಎಲ್ಲಿದೆ ಎಂಬುದರ ಕುರಿತು ವಿಚಾರಣೆ ನಡೆಸಲಾಗುತ್ತಿದೆ ಎಂದರು.

ಜಪ್ತಿ ಮಾಡಿದ ಪಡಿತರ ಅಕ್ಕಿಯನ್ನು ಪಾಲಿಶ್​ ಮಾಡಿ, ತದ ನಂತರ ಬ್ರಾ$್ಯಂಡೆಡ್​ ಅಕ್ಕಿ ಜತೆ ಮತ್ತು ಪ್ರತ್ಯೇಕ ಬ್ರಾ$್ಯಂಡೆಡ್​ ಚೀಲಗಳಲ್ಲಿ ತುಂಬಿ ಪುನಃ ಮಾರುಕಟ್ಟೆಗೆ ಮಾರಲಾಗುತ್ತಿತ್ತು ಎಂದು ತಿಳಿದು ಬಂದಿದೆ. ಪ್ರಕರಣ ಜಾಳವನ್ನು ಹುಡುಕಲಾಗುವುದು ಎಂದು ಎಸ್ಪಿ ಹೇಳಿದರು.

ಬಡವಾಣೆ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ಮುಂದುವರಿದಿದೆ. ವಶಕ್ಕೆ ಪಡೆದ ಅಕ್ಕಿ ಚೀಲಗಳನ್ನು ಕರ್ನಾಟಕ ಆಹಾರ ಮತ್ತು ನಾಗರಿಕ ಸರಬರಾಜು ನಿಗಮದ ಗೋಡೌನ್​ನಲ್ಲಿ ಅಂಗ್ರಹಿಸಿ ಇಡಲಾಗಿದೆ. ಆಹಾರ ಮತ್ತು ನಾಗರಿಕ ಸರಬರಾಜು ಇಲಾಖೆ ಅಧಿಕಾರಿಗಳು ಸ್ಥಳಕ್ಕೆ ಬಂದು ಮಹಜರು ನಡೆಸಿದ್ದಾರೆ.